Sælinú.

Get ekki látið vera að svara dissinu, sérstaklega þar sem ég er sagður “skuggalega heimskur”, “fáránlega heimskur durgur”, “einn versti gagnrýnandi sem þetta land hefur átt” og að auki að ég hafi ekki vit á tónlist. Treysti mér reyndar ekki að halda uppi vörnum fyrir mitt “enskuhatandi hyski” því ég veit ekki alveg við hverja er átt“.

(Það mætti svosem halda því fram með nokkrum rökum að maður sem hefði vit á tónlist myndi ekki láta hafa sig í það að sitja og hlusta á 40 bílskúrssveitir sextán ár í röð … er kannski bara bara ánægður með að hafa ekki vit á tónlist!)

Bið menn líka um að reyna að hemja sig, það er ekkert að því að vera ósammála mér og bara hið besta mál, ég er enginn stóridómur þó ég sé svo heppinn að fá að skrifa um músík fyrir Moggann. Við verðum samt að gefa öllu séns og þó maður hafi sjálfur ekki smekk fyrir einhverju ákveðnu þýðir ekki að það sé ömurlegt. (Ég er ekki að segja að ég láti smekkinn ekki hafa áhrif á það sem ég skifa, enda hefði ég þá ekki verið að skrifa um neðanjarðarmúsík í sautján ár.)

Í fyrsta lagi er gott að leiðrétta þann misskilning að dómarar hefðu ekki séð Citizen Joe. Dómarar eru sjö og þó tveir þeirra komi seint í fyrsta lag sveitarinnar (eða ekki fyrr en í annað lagið, ég er ekki viss hvort var) þá skiptir það engu meginmáli, það voru fimm dómarar til viðbótar og ég sá til að mynda hvert einasta lag allra sveitanna.

Í öðru lagi þá sagði ég ekki að ekki hefðu verið neinar þungarokksveitir, sagði að það hefðu ekki verið neinar eiginlegar harðkjarnasveitir og átti þá við hreinan harðkjarna, ekki þau tilbrigði sem menn eru spila. (Það getur vel verið að mönnum finnist harðkjarninn vera orðinn yfirflokkur, ef svo má segja, álíka og þungarokk; gott og vel ég respektera það, en vinsamlegast vinna smá heimavinnu áður en farið er að fleima menn.)

Ég geri ekki athugasemd við það að menn séu ósammál vali dómnefndar, en við vorum vissulega að vinna okkar vinnu eins vel og við gátum. Sjálfum fannst mér til að mynda ekki ástæða til að hleypa Tannlæknunum áfram, en þeir stóðu sig bara ansi vel í úrslitunum; ekkert að því að hafa þá með. Eina bandið sem ég sá mikið eftir og hefði viljað hafa í úrslitum var Reaper, fannst þeir frábærir. (Veit ekki hvernig Gunnar Péturs hefði verið eftir að hafa hamast með FD og síðan þurft að fara á svið með Reaper; hann var alveg búinn eftir tilraunakvöldið 15.)

Hvaða textana hjá Pan varðar; ég var ekki að kvarta yfir því að þeir væru með texta á ensku, ekkert við því að segja (þó ég hafi alltaf talið að þeir sem hafi eitthvað segja eigi að segja það á móðurmálinu, til hvers að vera að þessu annars?). Ég sagði aftur á móti að mér þættu textarnir lélegir og stend við það, finnst slæmt að hljómsveit sem leggur svo mikinn metnað og vinnu í tónlist sína og stendur sig svo vel skuli ekki leggja þá meiri vinnu í textana (já, ég veit að það er erfitt, en það er engin afsökun).

Hvað atkvæðagreiðslu varðar þá var sá siður einmitt tekinn upp fyrir nokkrum árum að mínu frumkvæði (eftir að Jojo vann, man einhver eftir þeim?) að á úrslitakvöldi giltu atkvæði úr sal 30% á móti 70% dómnefndar. Þetta hefur meðal annars orðið til þess að þungar rokksveitir hafa unnið keppnina, en annars hefði það vætanlega alltaf orðið vandað (og jafnvel skemmtilegt) ófrumlegt popp eins og Pan og Gizmo (sorry, er bara að segja mína skoðun). Hvað varðar atkvæði úr sal úrslitakvöldið þá er það ekkert leyndarmál að Búdrýgindamenn voru hæstir og náðu þannig að komast yfir Ókind í heildina, Gizmo var í öðru sæti, þá Ókind, Makrel (og varla voru þeir með marga með sér), Fake Disorder og loks Pan.

Mér finnst alltaf hálffyndið þegar menn segja að ég sé ”einn versti gagnrýnandi sem þetta land hefur átt“, ekki síst vegna þess að ég hef líka fengið þær skammir frá poppliðinu (Skítamórall & Co.), var reyndar stoltur af því að vera sakaður um að hata tónlist vegna þess að ég vildi að tilraunarokkpönksveit fengi að fara áfram á músíktilraunum fyrir tíu árum eða svo. Enn og aftur, ég er enginn stóridómur og gott ef menn eru ósammála mér, en ég sit ekki undir innihaldlausu bulli sem byggir á ólikum tónlistarsmekk, vinsamlegast rökstyðja eða bara þegja.

Mér fannst ekkert að því að Búdrýgindi ynnu, þó Ókind hafi hugsanlega átt það skilið. Við skulum samt spyrja að leikslokum og sjá hvernig sveitirnar vinna úr sigrinum; þær eiga báðar tíma til að taka upp plötu (Botnleðja tók upp Drullumall fyrir vinningstíma og átti afgang). Kenni ekkert í brjóstui um Pan, ef döngun er í þaim þá eiga þeir eftir að gera þetta bara sjálfir (og kannski verða huge, eins og einhver sagði). Ég spái því þó að Pan eigi ekki eftir að verða stórir, finnst þeir ekki nógu frumlegir til þess þó ekki skorti hæfileikana. Vonandi hef ég rangt fyrir mér.

Hvað varðar einstaklingsverðlaun minni ég á að verðlaun eru ekki bara veitt fyrir frammistöðu úrslitakvöldið heldur tilraunirnar allar. Þess vegna fékk Óli Þór til að mynda verðlaun sem besti trommarinn, því hann var frábær í undanúrslitum en var ekki að standa sig eins vel úrslitakvöldið.

Ég er sammála með kjörseðlana, fannst ekki rétt að byrja að safna þeim saman þegar Pan var í miðju þriðja lagi. Bendi Snape á að farið var að safna seðlunum saman í síðasta lagi síðustu hljómsveitar en ekki ”áður en næst seinasta hljómsveitin var búin að spila“.

Bíð spenntur eftir vel rökstuddri og vandaðri grein Palumbo þar sem hann tekur mig til bæna. Hafðu ekki áhyggjur af því að ádeilur á mig verði ekki birtar í Mogganum, þú kemst í flokk með Steinari Berg, Einari Bárðarsyni og fleiri álíka þenkjandi mönnum …

Annað: ”Forgarður helvítis var mesta snilldin" 100% sammála og vonandi mæta allir á styrktartónleika í dag / kvöld.

Árni Matt.

Vááá það er óþarfi að vera með eitthvað skítkast út í hvorn annan þetta ernú ekki heimsendir þó að maður vinni ekki eða vinni MT.

Vá, chillaðu aðeins á gelgjustælunum og sættu þig við þá staðreynd að Búdrýgindi eru í því sæti sem þeir eru, að Makríll eru í því sæti sem þeir eru o.s.frv. Ef þú getur ekki sætt þig við það að fólk hefur mismunandi skoðanir á hlutunum þá átt þú bara ekkert að fara út úr húsi og loka þig frá öllum upplýsingamiðlum, því jú allir eiga sínar skoðanir og allir eiga rétt á að tjá sig um þær. Það er óþarfi að reyna að dæma einhvað sem að þú hefur engan rétt á að dæma.

Allir: Þessi Sonur er EKKI í búdrýgindi!! Ég er í búdrýgindi og veir ekkert hver þessi gaur er!!!

Vildi bara koma þessu á framfæri svo að enginn héldi að við í búdrýgindi væru fífl…

til þeirra sem eru að byðja um gagnrýni frá Árna:
Það var gagnrýni í morgunblaðinu um hverja einustu hljómsveit eftir Árna Matt.

Þið ættuð að getað reddað ykkur þeim blöðum ef þið misstuð af gagnrýninni ykkar. Þá getiði líka farið í gagnasafn mbl.is og flett upp þar.

Já, getur einhver/einhverjir skrifað um 4 kvöldið eða utanbæjarkvöldið??? Það væri fínt;)

Jæja gott fólk, nú legg ég til að skítkastinu sé lokið. Og hvað ykkur fólk sem dissar Palumbo varðar. Sjálfur þekki ég Palumbo persónulega og ber gífurlega virðingu fyrir. Þetta er maðurinn sem lét mig setjast niður og útskýrði fyrir mér hvað hugtakið rokk þýddi og lét mig hlusta á Metallica og Soundgarden. Ef að Palumbo segist hafa verið að sýna fram á að gera verði greinamun á gríni og alvöru þegar hann kallaði Árna feitabollu þá meinti hann nákvæmlega það. Og ef þið hafið ekkert að segja af viti við þessari grein hans þá skuluð þið sleppa því að svara. Það á líka við um þig Robo.

Og svo skulum við láta skítkastið til Árna Matt fall niður. OK. Hann hefur fullan rétt á að hafa sínar eigin skoðanir. Maðurinn vinnur við það að gagnrýna tónlist. Come on.

En hins vegar Árni minn verður þú að færa rök fyrir máli þínu. Ég verð að viðurkenna að allt það sem ég er búinn að lesa hér ýtir mjög undir þær ásakanir um einelti gagnvart Pan. Þú segir í umfjöllun þinni í mogganum að Pan hafi líklega verið þéttasta hljómsveitin allt kvöldið. En samt seturðu þá í neðsta sæti. Bara vegna þess að þeir syngja á ensku. Þú veist upp á þig sökina. Ég tek undir með Nap. Hefurðu yfir höfuð heyrt textana, fyrir alvöru. Var það bara vegna þess að hann söng Babe, babe í síðasta laginu að þú afskrifar það sem eitthvað væmið ástarlag. Til að byrja með ef að textarnir skiptu svona rosalegu máli, af hverju eru þá Fake Disorder fyrir ofan Pan á listanum þínum. Ætlarðu virkilega að segja mér að þú hafir heyrt eitthvað hvað hann var að segja. Og ekki gleyma að Pan voru þéttasta hljómsveitin, það voru þín orð.

Og að lokum, þú veist alveg jafnt og allir inni á þessum vef að það að kalla hljómsveitina eitthvað Bylgjusíðdegispopp er mikil óvirðing við góða og metnaðarfulla rokkhljómsveit eins og þú lýstir þeim sjálfur. Þú verður að fyrirgefa en ég sé ekki fyrir mér Phil Collins á þriðjudagskvöldi á Bylgjunni og strax á eftir Pressure með Pan. Hugsaðu aðeins.

Ég virði þínar skoðanir og segi enn og aftur að þú átt fullan rétt á að hafa þær, en ég segi enn og aftur að það er ekki heil brú í mörgu sem þú segir um Pan og jaðrar við hálfgert einelti. Nú skalt þú koma með góð rök handa okkur af hverju þú sérð þér fært að velja Waste og Nafnleysu ofar Pan, eða koma með eitt stykki afsökunarbeiðni handa þeim fyrir það eitt að kalla þá Bylgjusíðdegispopp.

Icefield. Ég bíð.

Amm, síðan var eitthvað stórt félag eða eitthvað sem heitir geitafélagið69 eða eikkað álíka sem á að hafa fylgt þeim einnig…

Specs: Það var engin rúta… en hvað er svo sem að því að koma með vini sína á músíktilraunir?! Árið 2000 held ég að það hafi komið rúta frá Mannamúl (Ef Escobar er sá sem ég held þá getur hann sagt það sama)(og líka grenger) og mér finnst bara ekkert að því að fá vini sína til að styðja sig. Svaraðu mér nú Specs; hvað er að því að fá vini sína til að styðja sig?

HHHMMMMM…. Danielbotn, ætli þú sért ekki bara álíka ófrumlegur og hann Palli litli !
Hann skortir allan frumleika og að mínu mati bara á ekki alveg heima í tessum bransa, barnaleg og alveg útí höt röddin hann fer í mig. ! ég hef því miður þurft að hlusta á hann á tónleikum og veistu það er SKULL. og hey, ég hef fullkominn rétt á mínum skoðunum og nema þú sért Palli litli ættiru kannski bara að koma með þínar skoðanir án þess að vera með eitthvað helvítis diss því sá eini sem hefur rétt á að svara mér með dissi útaf þessu er Palli litli útaf því að ég er að dissa hann !
En audvitað hefur hann alltaf þurft að vera með svona back-up lið því hann hefur aldrei getað svarað fyrir sig sjálfur, ekki einu sinni þegar hann á í höggi við STELPU !!!

Svara nokkrum fyrirspurnum:

gUNZI: Þetta er ágætur punktur hjá þér og vert að skoða hann. Ég hef reyndar verið þeirrar skoðunar að harðkjarna/dauðarokksöskrari geti unnið verðlaun sem besti söngvarinn (og Hössi í Quarashi gæti svosem líka unnið verðlaun sem besti söngvarinn, hann er ágætur sem slíkur). Skoðum það á næsta ári hvort ástæða sé til að hafa sérstök verðlaun fyrir besta öskrarann.

Sendi þér beint lengri dóm um Down to Earth (sem ég sagði ekkert slæmt um vegna þess að það var svo fátt slæmt að segja) þegar ég hef betri tíma til, hugsanlega seinna í dag eða í kvöld.

danielbotn: Ég var að fíla Castor, en finnst þeir eigi eftir að bæta sig áður en þeir komast í verðlaunaflokk. Býst við þeim sterkum á næsta ári, skemmtileg nýbylgja.

Eyþór Rúnar: Lýsi áhuga á að fá demó frá Gizmó.

Sblender og fabilius: Hef aldrei haldið því fram að ég hafi vit á tónlist. Það hafa aðrir gert og ég vil að menn hætti því. Ég hef ekkert meira vit á tónlist en aðrir, en er svo heppinn að vera í aðstöðu til að hlusta á mikið af tónlist sem gagnrýnandi á Morgunblaðinu í sextán ár og ekki síst dómari á Músíktilraunum í sextán skipti.

Og eins og ég hef margsagt: Ég geri oft mistök, hef oft rangt fyrir mér og tek því vel ef menn benda mér á það (sérstaklega ef umræðurnar snúast ekki um útlit mitt, gáfur, geðheilsu, eða annað slíkt). Finnst líka sjálfsagt að ég rökstyðji mál mitt og er þakklátur þeim sem hér hafa skrifað fyrir að fá að taka þátt í umræðunni og ekki síst Huga fyrir að hafa þennan vettvang til skoðanaskipta.

Sblender: Hvað ensku textana varðar finnst mér rétt að segja skoðun mína á því (og hef reyndar gert reglulega öll þau ár sem ég hef verið að skrifa). Menn vita þá að hverju þeir ganga.

Ég er til í að taka umræðu hvenær sem er um enska texta, helst augliti til auglitis, en lýsi enn og aftur yfir að ég ber fulla virðingu fyrir þeim sem syngja á ensku, ekki síst ef þeir eru að stefna inn á erlendan markað.

Árni Matt.