Það sem mér fannst um hljómsveitirnar:

Citizen Joe:
Þeir voru lélegir. Fyrir utan að ég bara skil ekki harðkjarnarokk þá var ekki hægt að greina neinar sérstakar nótur sem þeir spiluðu. Fínn trommari samt.

Mute:
Ég hef það á tilfinningunni að þeir hefðu mátt vera aðeins betur æfðir. Mér fannst eins og þeir hefðu ekki alveg haldið takti í fyrsta laginu (kannski bara ég) og í seinna laginu tók gítarleikarinn eitthvað sóló sem hljómaði eins og hann væri að stilla gítarinn.

Pan:
Mér fannst Pan vera besta band kvöldsins, þeir voru mjög þéttir og með feikigóð lög. Trommarinn er með bestu trommurum sem ég hef séð á Íslandi og öll lögin tókust feikivel hjá þeim. Þeir fengu fullt hús hjá mér.

Counter-strike:
Ég get ímyndað mér að þessi maður sé mjög fúll því nafnið var vitlaust stafað á seðlinum. Ég hef ekki neitt vit á tölvutónlist þannig ég gaf honum bara 2 stig í öllu.

Tópaz:
Mér finnst rapp hundleiðinleg tónlist, en þeir mega eiga það að fyrsta lagið hjá þeim var fjandi gott. Hin virkuðu ekki alveg fyrir mig.

Waste:
Ég hafði mjög gaman að þeim, ekki “where's your holiday” heldur “hvar er fríið þitt”. :) Þeir voru vel æfðir og með fín lög, voru í öðru sæti hjá mér.

Ég sá því miður ekki fleiri hljómsveitir því ég þurfti að fara eftir að Waste var búin. Það verður gaman að sjá hverjir vinna á úrslitakvöldinu.

Ætli maður reyni ekki að fara og spila á næsta ári!!
Vona það!

hmmm… ég ætti kannski eitthvað að tjá mig?

Citizen joe- hmmm.. ég fíla eiginlega ekki hardcore en þetta var alveg ágætlega þétt hjá þeim samt.

Mute - Heyrði bara tvö síðustu lögin því ég var niðri að stilla og svona. Það var svosem allt í lagi en það mætti laga sönginn og vera í tóntegund í sólóinu í öðru laginu.

Pan - ég ætla bara ekkert að tjá mig um okkur, okkur gekk vel fyrir utan helvítis klúðurið með effektinn í fyrsta laginu!!

Counter-strike - Ææææ…ég fíla alls ekki drum´n´bass en það var kannski allt í lagi að hafa þetta svona í bakgrunni en það var algert fokk með hljóðið þegar hann var að spila, bassinn var alltöf mikill og ég hélt stundum að hátalararnir mundu springa.

Tópaz - eða ætti ég að segja kaffikanna? Töff sviðsframkoma og vel rappað, allavega mun betra en tannlæknar andskotans, Tópaz hefðu öruggelga komist áfram hefðu þeir keppt á fimmtudeginum.

Waste - Vá!!! ég heyrði þá fyrst í sándtesti og mér fannst þetta bara vera blink rippoff. Síðan þegar þeir stigu á svið þá voru þeir með þrusugóð lög. Þéttir með töff riff og mjög þroskaður söngur miðað við að gaurinn er í tíunda bekk. Síðasta lagið var í rólegri kantinum og situr það ennþá í mér. Verulega töff, þeir áttu skilið að komast áfram. Síðan ráku þeir söngvarann úr bandinu því hann bara einfladlega passaði ekki við lögin, þeir með svona blink lög, hann með Metallicu rödd.

Einangrun - Smá hljóð trouble hjá gítarleikaranum í byrjun en síðan spiluðu þeir svona blöndu milli sveitaballarokks og háskólarokks. ágætis lög en það mætti útfæra sólóin mun betur.

Svört verða sólskin - Ég heyrði ekkert í þessum því ég var niðri að tala við Waste en þegar þeir komu niður þá voru þeir alveg´sáttir. Gaurinn var með nettan B.C.Rich Warlock og hefði ég kannski átt að sjá hvernig þeir blönduðu mettal og tölvum saman….en jæja

Reaper - Heyrði ekkert í þessum þannig að ég get ekkert tjáð mig um þá.

Spoiled - Ég beið spenntur eftir þessari hljómsveit því það var búið að hypa hana svo mikið upp en því miður þá varð ég fyrir vonbrigðum. Það má laga samhæfingu og gítarsánd og einnig var Hrafnkell svolítið óöruggur með söng en kannski bara útafþví að hanna var að koma fram í fyrsta skipti.

Þetta var bara mjög skemmtilegt kvöld og er maður í sjöunda himni efitir að hafa komist áfram.

ég held að þið ættuð bara að sleppa því að tala um hardcore, rapp og tölvubönd og tala um léttrokkið ykkar. ekki allavega dæma illa það sem þið hafiðe ekkert vit á.
mér fannst citizen joe besta band kvöldsins. það voru hljóðvandamál og svoleiðis sem fylgir því að vera fyrsta band kvöldsins. mute ´komu mér á óvart en það mætti halda að trommarinn væri að spila skák, allavega leit út fyrir að honum leiddist. ég ætla ekkert að tjá mig um rapp og tölvutónlist þar sem ég veit ekkert um það. en reaper voru nokkuð góðir, sértsaklega óli á trommunum, DJÖFULL ER HANN GÓÐUR!!!
besti trommari keppnarinnar, hann var reyndar að spila með fake disorder í fyrradag þar sem hann var með vöðvabólgu og gat varla haldið á kjuðunum svo það klikkaði aðeins þá en hann er líklega besti trommari landsins í þessum aldurshópi.

ég skil ekki hvað þið eruð að lofa þessa waste svona mikið, þetta var alltof einföld tónlist. gátu ekki neitt. einhæft einfalt útvarpsrokk.

smá komment: ég sat framarlega þegar citizen joe spiluðu, þegar þeir voru að klára annað lagið sá ég heila marséringu af fólki að labba inn og svipast um eftir sætum, og getiði hvað, það var helvítis dómnefndin, þegar þeir loksins voru búnir að hlamma sér á rassgatið voru citizen á leiðinni af sviðinu. svo sat ég nálægt þeim þegar mute spiluðu og þá fóru þeir að rölta fram og sækja sér kaffi og svona. eru þeir ekkert að taka þetta alvarlega helvítis pungarnir?

Hér kemur mitt álit á kvöldinu. Ég ætla að taka það fram að ég hef ákveðið að vera leiðinlegur og hlífa engum :) Ekki taka þessu nærri ykkur.

Citizien Joe
Missti af þeim

Mute
Heyrði eitthvað af seinasta laginu, get samt ekkert kommentað.

Pan
Pan voru besta hljómsveit kvöldsins að mínu mati. Klikkaði aðeins gítarinn að byrjun, disortion-ið eitthvað að stríða honum, en þegar það komst í lag var þetta fínt. Öll lögin voru virkilega virkilega góð. Það eina sem ég get sett út á pan að í fyrsta laginu (Pressure) þá hraðaði trommarinn aðeins á sér í lokin. Annars allt 100%
Söngurinn hjá honum Dóra var alveg yndislegur. Hann fór upp og niður, mjúkt og hart. Bara hreint og beint yndislegt, besti söngvarinn hingað til af þeim böndum sem ég hef heyrt (1. og 3 kvöldið)

Topaz/Kaffikanna/Ópal/Trölla Tópaz
Þessi hljómsveit/grúppa fannst mér hafa mjög sterkan og skemmtilegan karakter. Hann Óli Palli (aðalrapparinn) virkaði verulega vel á mig. Þessi lög voru líka mjög fín, það vantaði samt bara eitthvað.

Waste
Þetta fannst mér næstbesta hljómsveitinn. Þarna var á ferðinni Blink182, Offspring, Green Day hljómsveit sem voru þéttir, höfðu greinilega æft, söngurinn fannst mér mjög góður. Það sem mér fannst þó þurfa laga í þessari hljómsveit var bakgröddin, hún klikkaði stundum.

Einangrun
Fín hljómsveit svosem, Biggi úr “Biggi and the Boogie Band” mættur í trommurnar, fínir textar, söngurinn klikkaði aðeins í byrjun, en lagaðist síðan. Þetta var fín hljómsveit svosem, en af afhverjum völdum virkuðu þeir ekki alveg á mig. Samt mjög góðir.

Svört verða sólskin
Sendiboðar satans í tvöfaldri merkingu. Semsagt, mér fannst þeir vera boða koma Satans og síðan fór líka allt til fjandans. Þegar ég sá þá fyrst hugsaði ég: Töff, hvítur Bob Marley og Axl Rose mættir með tölvu og nokkuð nettan rafmagsgítar þetta gæti orðið spennandi. En svo fór því miður ekki.

Reaper
Ég er einn af þeim sem hlusta ekki á hardcore, en þrátt fyrir það, og þótt ég viti ekkert um hardcore tónlist, þá var þetta bara svosem fínt.
Eitt samt sem mig langar að spyrja ef það er einhver úr þessari hljómsveit hérna á huga: Semjið þið texta við lögin?
Ég er ekkert að fíflast eða gera grín, ég hef barasta aldrei pælt í þessu áður.

Spoiled
Afhverju voru svona margir sem klöppuðu fyrir þeim? Nei ok, þetta var aðeins fyrir neðan beltisstað ;) Mér fannst söngurinn verulega ábótavant. Og í sambandi við lagasmíði, ha? Var ekki einhver að segja að þetta hafi verið þeirra fyrsta public appearance. Mér finnst það ekki snjall leikur hjá þeim. Afhverju æfðu þeir ekki í ár, slepptu því að keppa núna og komu síðan sterkir inn næsta ár?

Þegar ég var búinn að heyra í öllum böndum (fyrir utan fyrstu tvö) þá hugsaði ég einmitt, og reyndar deildi því með vinum mínum, að Pan og Waste ættu að fara áfram, það voru böndin sem ég var hrifnastur að.

Vonandi hefur enginn tekið þessi komment inn á sig. Ég viðurkenni það að ég reyndi að finna allt sem ég gat sett út á hljómsveitirnar :(

Það er aftur á móti annað mál að aðsjálfsögðu eiga allir hrós skilið fyrir að taka þátt í þessu og gefa sitt besta. Vonandi er enginn svekktur eða súr.

Allir vinir.

He he he :) Já eins og einhver sagði þá vorum við sólskinsdrengirnir án efa versta band kvöldsins en okkur fannst þetta eiginlega bara fyndið þar sem að allt sem gat klikkað, klikkaði:) vona bara að fólk geti fengið að heyra þetta almennilega seinna(þegar við erum kannski búnir að hafa okkar fyrstu æfingu)
Citizen Joe: Gott stöff nema söngurinn mætti vera soldið rámari og rokkaðri, annars fínt.
Mute: Nokkuð flott bara
Pan: Man satt að segja ekkert eftir þeim þannig að ég get ekkert sagt.
Counter Strike: Mér fannst þetta bara nokkuð grúví sjitt ef maður lítur framhjá klúðrinu(goddamnforeigncomputerthingamajiggs)
Tópaz: Ég er svo lítið spenntur fyrir íslensku rappi og hip hop að ég get lítið sagt, en þeir stóðu sig nú þokkalega fannst mér allavega
Waste: Minns var nú barasta niðri að stilla þannig að ég heyrð´ekki baun
Svört verða Sólskin: Djöfuss brjáluðu, súru og sjúku menn að dirfast að mæta svona og klúðra svona glæsilega, ég er alveg viss um að ef við hefðum einhvern tíma æft hefðum við staðið okkur betur:)(svo kom bara önnur rásin á tölvunni í gegn, þannig að það vantaði fullt af sömplum)
Reaper: Synir satans mættir á svæðið og rokkuðu soldið minns var bara úti að reykja og hlæja að eigin klúðri þannig að ég heyrði lítið en það litla sem ég heyrði var bara ágætt.
Spoiled: Var ennþá að reykja en það sem ég heyrði var bara allt í lagi svosem, veit ekki.

Jæja segjum það “Drepum fyrir Jesúbarnið”!!!!

Besta band kvöldsins: Pan …

Ég ætla gera eins og ask og vera eins leiðinlegur og ég get. Og já ég er sammála ask um það að það er visst afrek að spila í þessari keppni og það er eitthvað sem þið getið verið stolt af, líkt og framistöðu ykkar allra :) Haldið áfram að rokka!

Citizen Joe:
Þetta byrjaði á Citizen Joe. Ég er alls ekki mikið fyrir harðkjarna, en þetta var bara ekki að virka á mig. Söngurinn var því miður ekki nógu öflugur. Þetta var svona allt svona lala ÞANGAÐ til að þeir hoppuðu allir nákvæmlega eins í stoppinu það var NOKKUÐ FLOTT ! eins og maður segir, þetta stökk “made my day”.

Mute:
Já, mér fannst lagasmíðarnar ekkert slæmar en þeir voru að mínu mati ekki tilbúnir í þessa keppni, plús að söngurinn var ekki alveg að virka á mig. Samt fínt að sjá að þeir voru ekki að stæla Nirvana vitandi það að þeir eru hörkuaðdáendur ;)

Pan:
Pan var besta band kvöldsins, þrátt fyrir smá mistök í fyrsta laginu. Söngurinn var mjög flottur, og þetta virkaði mjög vel á mann allt saman. Helstu gallar voru eftirfarandi: Byrjunin á fyrsta laginu, Pressure var eitthvað smá gallað eins og thayll útskýrði. Í Pressure hraðaði einnig trommarinn smá á sér. Annars var þeirra framlag í þessa keppni nánast gallalaust.

Counter-Strike:
Mér fannst þetta ótrúlega flott, og ég er maður sem gjörsamlega hata tölvutónlist. Lagasmíðarnar voru að mínu mati bara það góðar, verst hvað það var alltaf að stoppa lögin hjá honum vegna einhverra bilana í tölvunni. Mér fannst einnig góður brandarinn hjá honum, þarna : “Já þið afsakið truflanirnar, þið megið kenna Bill Gates algjörlega um þær” :)

Topaz/Kaffikanna:
Var alveg að svínvirka á mig. Töff lagasmíðar, soldið experimental en samt ekki of. Hefðu alveg eins getað komist í úrslit. Hefðu þeir já farið á fimmtudag væru þeir á leiðinni í úrslit ekki tannlæknar dauðans… skrítið hvernig svona smámunir geti breytt öllu :/

Waste:
Fannst þeir já eins og KurtCobain sagði, mjög líkir Blink182 og Green Day og öllu því. Samt áttu þeir alveg skilið að komast í úrslit miðað við sum önnur bönd. Svipurinn á trommaranum var eins og hann væri bara að DEYJA úr stressi var alltaf að horfa til skiptis á fólk reyna að lesa úr andlitum þeirra hvort hann væri að standa sig og söng síðan með og læti ;)

Einangrun:
Fyndin lög nafnanna en ekki fyndnir stælarnir í þeim í lokin. Alveg fínt framtak og allt það en virkaði bara á mig sem, gaurar sem voru ekki vissir hvort að fólk myndi fíla sig þannig að þeir ákváðu að láta eins og rugludallar og þá gæti fólk sagt: “Já, já þeir voru bara að fíflast” jafnvel enn ófyndara en stælarnir í þeim í lok laganna var það að þeir voru eitthvað að hlæja að öðrum hljómsveitum, þegar þeir höfðu ekkert alltof mikið efni á því sjálfir.

Svört verða sólskin:
Þetta var ekki tónlist, og ég er ekki manneskja sem definar black metal sem “ekki tónlist” bara effectarnir voru of miklir þannig að maður heyrði ekki hvað var að gerast, hefðu þeir bara haft lægra í sér hefði þetta ekki verið svona mikill kaós.

Reaper:
harðkjarna band sem mér fannst vera betra en citizen joe. Allir voru að tala um hversu æðislegur trommarinn var og það sannar endanlega að sumt fólk *hint**hint* veit ekki nóg um trommur hér á huga… ehhh það er til soldið sem kallast double kicker og ég veit um nóg af gaurum sem geta gert þetta. Söngvarinn var aftur á móti þrusu góður…. að öskra

Spoiled:
Mér fannst hún ekki versta band kvöldsins, söngurinn var aftur á móti ekki að virka. Hljóðfæraspileríið var fínt og allt það, en hefðu þeir lagað lögin (lagasmíðar) og sönginn hefði þetta verið fínt.

Áfram úr sal: Pan
Áfram úr dómnefnd: Waste

Pan átti það sannarlega skilið, það má deila um waste, því að tópaz/kaffikanna eða counterstrike voru líka góðir.

Kveðja, Specs

Jamm, þarna var maður staddur og nil ég greina þetta:
1. Citizen Joe: Að mínu mati ágætt hardcore band og þeir voru nokkuð þéttir. Söngur hefði þó mátt vera aðeins kröftugri og ´söngvarinn virtist ekki alveg hafa þol í þetta!!, nokkuð kúl samt.

2.Mute: Tja, mér fannst þetta ekki alveg vera að virka!! Ágætis hugmyndir í lagasmíði en ekki nógu og þétt og sólóin voru líka eitthvað skrýtin.

3. Snilld, snilld og aftur snilld. Langbesta band kvöldsins þrátt fyrir smá tæknileg vandamál í fyrsta lagi. Söngurinn hjá Dóra var með því besta sem ég hef heyrt og hef ég nú heyrt ýmislegt. Flott lagasmíði og þeir eru stórhættulegir fyrir úrslitin!!

4. Counter Strike: Helvíti óheppin með rafmagnstruflanir,en virtist vera með fínar ´pælingar án þess þó ég hafi mikið vit á svona.

5. Kaffikanna: Góð hjómsveit eftir því sem ég best veit og flott undirspil hjá Óla. Hann var líka öruggur og virkuðu þeir fínt á mig, fannst þeir eiga skilið að komast áfram.

6. Waste: Ágætisband, í fyrsta laginu fékk ég svona impression að þetta væri bara Green Day rippoff, en lagaðist svo og voru bara fínir þrátt fyrir einfalda lagasmíði.

7. Einangrun: Allt í lagi svosem, soldið fyndnir textar og ágætur þéttleiki!!

8. Svört verða Sólskin: frábær hugmynd og hefði getað heppnast vel, en kerfið fór alveg með þá.

9. Reaper: Sá ekki

10. Ekki að virka á mig, fannst þeir ekki alveg vera tilbúnir í þetta og heyrði líka að þetta hefði verið fyrsta gigg!! lalala….

Mitt klapp fer til Waste…

Hefði aldrei trúað því að strákar sem eru 14 og 15 ára myndu komast áfram hjá dómnefnd!

Ég veit að einn þeirra er ennþá bara í 8. bekk, mér finnst þetta ótrúlega flott hjá þeim innan um alla þessa “stóru stráka” ;)

Hér er mitt álit á kvöldinu.

Citizen Joe:
Þeir voru alls ekki virka á mig. Ég fíla ekki hardcore og mig fýsir að vita; eru samdir textar og ef þeir gera það, af hverju? Þar að auki tók söngvarinn sig ekki nógu vel út í Fred Durst stuttbuxna fílíngnum. Mitt álit, kannski lítils virði en…

Mute
Guð minn góður, hvað voru þeir að gera? Þetta var hræðilegt! Ekkert meira að segja um það!

Pan
Langbestir! Allt til fyrirmyndar nema smá örðuleikar í byrjun sem þeir komust fljótt yfir. Söngurinn var frábær og hljómborðsleikarinn var flippaður í þriðja laginu! Bassaleikarinn var án efa flottastur með sixpensarann og RAUÐRI skyrtu. Heilsteypt og góð lög. Er diskur á leiðinni????

Counter Strike
Ég veit ekkert um tölvutónlist (þó svo að það kallist víst talva í dag, samkvæmt nýjustu málfræðireglum Íslands) en ég er nokkuð viss um að hann hafi gert góða hluti. Svo er alltaf skítlegt að lenda í svona tækniveseni.

Kaffikanna
Ég fíla ekki rapp yfirleitt en Kaffikanna náði til mín í fyrsta laginu. Hin voru svona lala, að mínu mati. Óli Páll var með frábæra sviðsframkomu og hafði greinilega pússað kaffikönnuna vel. Jakkafötin voru að virka!

Waste
Tja, þeir voru ekki slæmir en ekki góðir, finnst mér. Mér finnst samt sem áður sanngjarnt að þeir hafi komist áfram og eiga eflaust eftir gera góða hluti í framtíðinni.

Einangrun
Hvað gerist þegar Skítamórall fær XXX Rottweiler til að syngja? Þá myndast hljómsveit á borð við Einangrun. Eini munurinn: Rottweiler eru fyndnir.
Þurfum við fleiri sveitaballahljómsveitir?

Svört verða sólskin
Ekki að virka. Hvort það voru tæknivandamálin eða hljómsveitin get ég ekki dæmt um.

Reaper
Mér fannst þeir ekki skemmtilegir. Ég tek það aftur fram að ég fíla ekki hardcore. Ég get því ekki gagnrýnt tónlistina á sanngjarnan hátt.

Spoiled
Ja, maður er staddur á milli steins og sleggju. Mér fannst Spoiled ekki góð hljómsveit en þá verður maður að taka tillit til þess að þeir voru að spila í fyrsta sinn opinberlega. Þeir eiga örugglega eftir að batna með reynslu og meiri æfingu.


Pan áttu þetta. Ekki spurning. Ég held ekki vatni yfir þeim og ég endurtek; er diskur á leiðinni???
Ég mun halda með þeim á úrslitakvöldinu.

Jæja ég mætti á svæðið og sá aðeinns fyrstu þrjár hljómsveitirnar. Ég ætla að koma með smá komment á þær. Þess má geta að ég er í fúlu skapi og var í klikkað erfiðu prófi, þannig að ég vona að enginn taki þetta til sín.. Ég er nú svo leiðinlegur..

Citizen Joe: Var fyrsta hljómsveitin. Trommuleikarinn var sæmilegur ekki nógu öruggur, ekkert meira um hann að segja. Gítarleikurinn var ágætur en maður heyrði nú svo rosalega lítið í honum. Og voru flest riffin hans mjög svipuð en ég er ekki að fara dæma það eitthvað því ég var ekki alveg með fullum hug að horfa á hann, heldur bara hljómsveitina í heild. Söngvarinn var ekki góður og ekki með góða harðkjarnarödd. Var ekkert að fylgjast með bassanum. Hljómsveitin var sæmilega þétt. Best var þegar þeir hoppuðu allir á sama tíma í brake-inu þeir fá plús fyrir það.

Mute: Mér finnst alveg yndislegt að það geta allir tekið þátt í músíktilraunum. Ef þetta væri stórfiskaleikur þá væru Mute súkkulaðibollurnar. Þeir voru stressaðir, engan veginn þéttir. Trommuleikur var ófrumlegur og einhæfur. Söngurinn var einsog það hefði verið sett í pott, fæðingadeildaröskur, og svo hljóðið sem heyrist í köttum þegar þeir æla hári. æ ég vill nú ekki vera meira leiðinlegur við þá.. eitt komment á gítarleikarann í miðjunni… þessi “sóló” sem þú spilaði var mjög súr og allar nótur sem þú slóst tilheyrðu EKKI tóntegundinni í laginu. Minnir að það hafi verið a moll.. (a moll, C dúr, D dúr, G dúr) kannski var þetta í öðru lagi. Ég ráðlegg honum að læra pentatóníska scala.. þá er hægt að “bulla” eitthvað í réttri tóntegund.

Pan: Pan voru langbestir af þeim þrem sem ég sá. Trommuleikarinn var fínn, hélt kannski ekki alveg takti í fyrsta laginu í byrjun. kom aðeins of hratt inn. Gítarleikur var góður og þéttur. Var samt e-ð klúður með effectinn hjá gítarleikaranum til vinstri. En það reddaðist. Bassaleikarinn var UBER svalur náungi. Bassinn var of hár í 1. laginu og smá falskur. En hann lagaði það. Söngvarinn var mjög góður, MJÖG góður. Stabíll. Hljómsborðsleikarinn var góður.. það sem maður heyrði og bakraddirnar voru fínar hjá honum. Góð lagasmíði á ferð en kannaðist nú við 2. seinustu lögin. 2. lagið var mjög líkt lagi með Radiohead sem er á my iron lung og heitir Permanent Daylight. Þá er ég bara að um byrjunina. Síðan var 3. lagið einstaklega líkt starway to heaven og minnir mig að lagið hafi meiraðsegja heitið staircase. þannig að ég býst við að þeir hafi vitað það. Þó svo að þessi 2 lög hafi verið lík e-ju öðru þá spillir það ekki. Því allt hefur verið samið áður. Mér fannst pan vera rosalega efnileg hljómsveit og eru þeir mjög sigurstranglegir á úrslitakvöldinu.

Þetta er einungis mitt álit og það er ekki endilega allt rétt sem ég segi.. hver hefur sitt álit.

Þið þarna hljómsveitir.. Ekki láta neina gagnrýni á ykkur fá því að þær skipta engu máli.. bara að þið hafið gaman af því sem þig gerið.

Ps. afsakið stafsetningavillur og málfar ég er að flýta mér..

kv.

Ég

Doblekicker er bara fyrir aula…