Að sjálfsögðu er rokk eitthvað meira en tónlist, rokk er attitude. Það fer samt sem áður ekki mikið fyrir rokk attitude-inu í dag, það eru allir orðnir svo linir… Ég var að lesa NME í dag og þar er stór grein um Rokkara með stóru erri. The Strokes er hljómsveit sem er að koma sterk inn í músík geirann í dag og virðist vera að reyna að endurvekja þetta hálfdauða rokk attitude. Það að vera með bjórflösku uppi á sviði þegar þú ert að taka á móti verðlaunum á tónlistarverðlaunarhátíð - það er rokk! Svo sér maður heldur ekki mjög oft menn vera að sötra á öli í myndböndum en þetta er að breytast með Strokes.
Það getur verið mjög erfitt að skilgreina rokk, enda þýðir orðið sjálft lítið annað en “vagga” hversu kaldhæðnislegt sem það kann að hljóma! Ég persónulega skilgreini flesta þá tónlist sem ég hlusta á sem rokk [punktur], hvort sem það er Sigur Rós, Radiohead eða Strokes. Ég nenni sjaldnast að pæla eitthvað frekar í einhverjum skilgreiningum á músíkinni, ég hlusta ákveðna tónlist af því hún er góð óháð því í hvaða dilk fólk dregur hana.
Nei, ég vil ekki að það verði umræða um sveitaböll hér á Rokksíðunni. Popp er ekki músík! Popp er kapítalismi á háu stigi og ekkert annað.

Já ég er fullkomnlega sammála þessu. Rokk er bara lífstíll, hugar ástand. Líkt og hip hopið það er lífstíll útaf fyrir sig……..

Samkvæmt “skilgreiningunni” eru sveitaballaböndinn rokkbönd, þó að ég líti meira á þau sem kántrý (útskýri það nánar á eftir). Eins er (sama hvað fólk er búið að vera segja hérna á huga) Alanis Morisette rokktónlistarmaður. Pop er hugtak, ekki tónlistarstefna, Pop music er stytting á orðinu popular music. Ef að skilgreininginn er skoðuð nánar “oní kjölinn” er Britney Spears rokktónlistarmaður, hún er jú ögrandi. Rokk er ekki endilega tónlist sem er keyrð á bjöguðum gítarleik, rokk er ögrandi tónlist. Elvis Presley, konungur rokksins, var ekki mikið harðari eða meira ögrandi en Britney Spears.

En svo ég tali nú meira um sveitaballapakkan að þá er þetta jú tónlist sem gerir út á sveitaballamarkaðinn, hverjir sækja þau? Dreifbýlisfólk… sem hlítur að gera það að verkum að þetta er frekar dreifbýlistónlist en annað… og dreifibýlistónlist er hvað? Dreifbýlistónlist er íslaneska orðið yfir Country, sem hlítur að gera sveitaballahljómsveitir að íslenskum Country hljómsveitum.

Ég vona að fólk láti það ekki fara mikið í taugarnar á sér að ég skuli nefna Britney Spears sem dæmi, en ég geri það vegna þess að allir vita hver hún er. Og ef fólk er ekki sammála um að hún sé rokk má benda sá hinum sama að fara erlendis þar sem má finna Britney Spears diska í Rokk-rekkum plötubúða (ég hef séð það sjálfur).

Góðar stundir.