TheCure fyrir 22 árum, 11 mánuðum Fjöldi lestra: 742

Post-Punk

Post-Punk er tónlistarstefna sem reis úr rústum pönksins í kringum árið 1977 (eins og nafnið gefur til kynna). Post-Pönkarar voru undir áhrifum sjálfstæðisanda pönksins og hráa sándsins. Þeir hermdu þó ekki alveg eftir, fóru meira “experimental” leiðir og bættu við það glam-rokk áhrifum, frá hljómsveitum á borð við Roxy Music og T-Rex ásamt því að David Bowie var líka mikill áhrifavaldur þeirra.
Þetta voru dimmar og drungalegar lagasmíðar að miklu leiti, nokkurs konar fyrsta þunglyndisrokkið.
Post-Pönkið er nokkurs konar faðir nokkura mest áberandi tónlistastefna síðustu 20 ár. Þetta gaf af sér stefnur á borð við Alternative Rock/Popp, Industrial, Brit-Popp, Goth Rock, Kraut Rock, Lo-Fi, Post-Rock/Experimental, New Wave og 80's Nýrómantíkina.
Helstu hljómsveitir þessarar stefnu voru: Joy Division, The Cure, Echo & the Bunnymen, Violent Femmes, New Order, Stranglers, Talking Heads og Depeche Mode ásamt fleirum. Þetta eru bönd sem eru fyrirmyndir margra bestu hljómsveita heimsins í seinni tíð á borð við: Smashing Pumpkins, Sigur Rós, Radiohead, Mogwai, Pulp, Deftones o.fl.

Bestu plötur Post-pönksins: (að mínu mati)
1. Joy Division - Unknown Pleasures (1979)
2. The Cure - Pornography (1982)
3. Joy Division - Closer (1980)
4. Echo & the Bunnymen - Crocodiles (1980)
5. Bauhaus - Mask (1981)
6. New Order - Power, Corruption & Lies (1983)
7. Stranglers - La Folie (1981)
8. The Cure - Seventeen Seconds (1980)
9. Talking Heads - More Songs About Buildings and Food (1978)
10. The Cure - Faith (1981)

Ef einhver hefur áhuga á að ræða þessi mál þá ertu á rétta staðnum. Gjörið svo vel:

danielbotn fyrir 22 árum, 11 mánuðum

Punk er alltaf í góðum fíling !
Ég elska þunglyndishljómsveitir. Það er bara svo gaman að hlusta á það. Alltaf fínt með smá anarcy líka.
Allavega ætla ég að hætta að bulla og benda ykkur á nýja alvöru punksveit frá Sviðþjóð sem heitir The Hives. Frábær sveit !!
Tónlistin er bara pönk.
Þetta eru ekki einhverjir gaurar sem ganga um í leðurjakka með hanakamp á hausnum eða neitt þannig.
Fyrir þá sem hafa áhuga tékkið á: www.hives.nu
Ef þið viljið downloda einhverju lagi með þeim þá: The Hives-Die Alright eða A get together to tear it apart……………..

Fyrra álit

Mal3 fyrir 22 árum, 11 mánuðum

Áhugavert en eitt “lag” á Adore plötu Smashing Pumpkins hét 17 seconds rétt eins og plata The Cure.

Annars vissi ég að Billy Corgan var mikill aðdáandi New Order og Joy Division. Gaman að heyra Turn My Way með New Order og Billy :)

Fyrra álit

TheCure fyrir 22 árum, 11 mánuðum

já ég veit! þegar ég sá þau á adore túrnum þá var lokalagið þeirra í bæði skiptin kóver af “transmission” með joy division! (reyndar einhver 17 mínútna útgáfa með teaserum af enter sandman með metallica og let's dance með bowie) það var reyndar lokalagið á öllum tónleikum þeirra á þeim túr. þau koveruðu líka “a night like this” með cure á bullet with butterfly wings singlinum. þessi bönd eru aðaláhrifavaldar meistara Corgans, ásamt glam-rokkinu og 70's metalinum.

…sástu Smashing Pumpkins veisluna á MTV í gær? það var magnað!

Fyrra álit

Mal3 fyrir 22 árum, 11 mánuðum

Hef ekki MTV…

Annars heyrði ég vitnað í Corgan að með Black Sabbath hefðu stærstu áhrifin á Smashing Pumpkins verið komin.

Úff, hættið að tala um New Order, ég var að downloada haug af lögum með þeim og dauðlangar nú í diska.

Afhverju tilnefndi enginn nýja New Order diskinn sem disk ársins?

Fyrra álit

TheCure fyrir 22 árum, 11 mánuðum

ég nefndi hann sem disk ársins! (eða einn af 3 bestu) ef þú ert að pæla í new order kauptu þá Substance 1987. tvöfalt singlasafn, megasnilld. ef þú er að pæla í plötu þá er það “Power, Corruption & Lies” eða “Low-Life”, eða bara get ready ef þú ættir hann ekki!

það er líka möst að eiga substance með joy division (og reyndar unknown pleasures og closer líka!)

Fyrra álit

Mal3 fyrir 22 árum, 11 mánuðum

Örugglega! Ég bara reyni að spara að kaupa diska, verð næstum pirraður þegar ég uppgötva eitthvað nýtt og gott ;)

Maður kíkir kannski á Valda og athugar hvort hann lumar á einhverju með New Order eða Joy Division. Annars er nóg af diskum sem maður “þarf” að kaupa…

Fyrra álit

Dbd fyrir 22 árum, 11 mánuðum

the Noj eru pabbar póstrokksins og eru frá árinu 1970 í þískalandi og vinir kraftverks gaurana .
þú heirir engan mun á þeim og nýju glóð volgu póstrokki

Fyrra álit

Dbd fyrir 22 árum, 11 mánuðum

Ég meinti Nou !

Fyrra álit

ChuckBerry fyrir 22 árum, 11 mánuðum

Nei þú meinar Neu er það ekki:)

Fyrra álit

Dbd fyrir 22 árum, 11 mánuðum

Der !
Jú það er rétt hjá þér maður skrifar það þannig .

Fyrra álit

ChuckBerry fyrir 22 árum, 11 mánuðum

Það er eitt:)
Stílarnir Alternative Rock/Popp, Brit-Popp, Kraut Rock, Post-Rock/Experimental og jafnvel industrial (ef þú samþykkir Faust sem industrial) voru komnir fram á sjónarsviðið löngu fyrir daga pönksins, þeir komu allir fram á milli 66-70.

Fyrra álit

TheCure fyrir 22 árum, 11 mánuðum

Alternative Rock/Popp, Brit-Popp, Kraut Rock, Post-Rock/Experimental urðu almennilega þekkt eftir 1977. Þetta var kannski allt til áður, en ég tel að flesta góða tónlist í heiminum í dag megi rekja rætur sínar til post-pönksins. Blink 182 er ruzl (mitt álit!) og það er glæpur að telja þá til post-pönks! (aftur.. mitt álit! :))

Fyrra álit

ChuckBerry fyrir 22 árum, 11 mánuðum

3 Rétt og 1 rangt:)

Feður Alternative rokksins(The Velvet underground og Fugs) urðu ekki almennilega þekktir fyrr en pönkið skall á (Fugs raunar aldrei) og frumkvöðlar Kraut rokksins (Can, Neu, Cluster, Faust og Amon duul 2) áttu aldrei nokkurn möguleika á vinsældum (hvenær varð kraut rock þekkt fyrirbæri?) og það sama á við um “skapara” Post-Rokk/Experimental (Captain Beefheart) en fyrstu britt-poppararnir (The Kinks) urðu MJÖÖG vinsælir.

Ps. Blink 182 er rusl (mitt mat)

Fyrra álit

yaf fyrir 22 árum, 11 mánuðum

Ekki má gleyma íslensku hljómsveitinni Þey( Þeyr) þegar það er talað um post punk. Einnig má nefna Siouxsie and the banshess.

Mér finnst samt helvíti fyndið að misgáfaðir útvarpsmenn á radíó x kalla bönd eins og blink 182 post punk.

Fyrra álit

plone fyrir 22 árum, 11 mánuðum

Þeysarar voru náttúrulega snillingar, samt ekki post-pönkarar því þeir störfuðu jú á meðan pönk-bylgjan reið yfir Ísland (1980-83). Gulli Óttars gítarleikari á að fá nóbelinn því hann er frábær vísindamaður sem á eftir að umbylta heiminum (eða a.m.k. hluta hans). Vissuð þið, að áður en Gulli hitaði upp fyrir Will Oldham, þá stillti hann upp einhverjum mælum, mældi hitastigið og komst að því að hann varð einfaldlega að fara úr að ofan!

Annars eru fáar alvöru pönkhljómsveitir starfandi í dag nema kannski Fugazi, No Means No og The Ex (frá Hollandi) en meðlimir þessara sveita eru a.m.k. nógu gamlir til að muna eftir pönkinu. Kallast samt líklega póst-pönk þrátt fyrir að sá merkimiði segi ekki mikið. …And You'll Know Us By the Trail of Dead eru líka ein af fáum góðum pönksveitum í yngri kantinum.

Fyrra álit

yaf fyrir 22 árum, 11 mánuðum

Ég held að það sé allavega ekki hægt að segja að þeyr hafi verið venjuleg pönk hljómsveit. Þeir voru vel spilandi og tónlistin mun þróaðri heldur en frumpönkið. Auk þess sóttu þeir áhrif sín til hljómsveita á borð við Joy Division.

Fyrra álit

thossi fyrir 22 árum, 11 mánuðum

Þó þér líki ekki við Blink 182, heitir tónlistarstefnan sem þeir spila punk rokk og telst því væntanlega síðpunk eða post punk. Annars er hægt að flokka allt frá Fugazi og Mínus til Offspring og Blink 182 til póstpunks. Og að segjast fíla postpunk er svona álíka gáfulegt eins og að segjast fíla popp.

Þossi

Fyrra álit

Mal3 fyrir 22 árum, 11 mánuðum

Einhverntíman held ég að ég hafi heyrt Blink 182 kallað punk popp. ágætis skilgreining hvort sem mér misheyrðist eður ei :)

Fyrra álit

plone fyrir 22 árum, 11 mánuðum

Pönk er ekki bara tónlistarstefna heldur lifnaðarháttur sem gengur út á að hræra upp í kerfinu og bylta því á einn eða annan hátt (mjög einfölduð útskýring þar sem ég þyrfti 10 síður til að skilgreina pönkið og anarkisma). Blink 182 á því ekkert sameiginlegt með pönki. Þeir eru eign stórfyrirtækis og láta sig litlu skipta hvað fólk segir, svo lengi sem þeir græða. Hvaða heilvita pönkari gefur út hjá einhverju stóru labeli…ef maður ætlar að vera trúr hinum sanna anda þá gefur maður þetta út sjálfur og rukkar ekki einhvern tvöþúsund og fokking sexhundruð kall fyrir. Þó þeir séu skilgreindir sem pönk hljómsveit af einhverjum besservissum þá veit hver heilvita maður að það er bara bull. Mér er alveg sama þó svona hljómsveit sé til, það er bara móðgun þegar hún er tengd við pönk.

Fyrra álit

supernova fyrir 22 árum, 11 mánuðum

plone: það er til punk tónlist og svo er til punk lífnaðarháttur ….

sko náttla er punk ofnotað yfir mjúsik term.. en punkið virðist vera búið að þróast í : hraður einfaldur bass og hrátt gítarsánd ( big muffari bara) en skv því er blink pönk sveit , en náttla ekki lifnaðarhátturinn ( Dead Kennedy´s, Ramones ofl)

kv
sup

_____________________________

Fyrra álit

plone fyrir 22 árum, 11 mánuðum

Smá viðbót…

Supernova: Mér finnst pönk þvert á móti að vera að þróast í aðra átt. Það eru náttúrulega enn til þessar hráu og hröðu sveitir (Trail of Dead) en síðan finnst mér hljómsveitir eins og Godspeed líka vera pönk.

Mér finnst ákveðið pönk að gefa út 20 mínútna lög en þá kviknar aftur þessi spurning um tónlist eða eitthvað meira. Ég býst við að það sé bara huglægt eins og allt annað í þessu lífi……

Fyrra álit

supernova fyrir 22 árum, 11 mánuðum

skil þig… en talandi um blink hafiði séð nýja myndbandið … (so here´s your holiday dótið) þetta er ótrulega flott myndband en þetta passar svoleiðis ekkert við þetta lag, né þá blink í heild þetta er svona svaka “trendy lomo” kjaftæði sem verður bráðum búið að nauðga jafn mikið og distorti (mynd distorti sko) þetta er bara slæmt … allt sem er töff verður slæmt þegar það kemur of mikið af því (chop suey td)

kv
sup

_____________________________

Fyrra álit

thossi fyrir 22 árum, 11 mánuðum

Punk er tónlistarstefna. Anarchy er aftur á móti allt annað og kannski eithvað sem ætti að ræða inn í spjallþræði um pólítík, eða lífsviðhorf. Það eru ekki allir punkarar anarkistar það er bara misskilningur hjá þér. En ég viðurkenni að þetta er oft tvinnað saman. Mér gæti ekki verið meira sama um Anarkisma td. en ég fíla margt punk. Eitt að lokum Alternative tentacles er örugglega stærra fyrirtæki heldur en Skífan td. Það gerir samkvæmt þinni skilgreiningu Sálina meira underground heldur en Dead Kennedies ekki satt?

Fyrra álit

plone fyrir 22 árum, 11 mánuðum

Ég veit að pönk og anarkismi er ekki það sama en hins vegar eiga þessi hugtök of mikið sameiginlegt til að Blink 182 falli undir hvorugt. Meira að segja þú hlýtur að viðurkenna það…….

Þú verður líka að skilja samhengið. Sem stórfyrirtæki á Íslandi er Skífan stór fiskur í lítilli tjörn en Alternative Tentacles er fremur lítill fiskur í mjög stórri tjörn…. Allir Dead Kennedys, nema Jello Biafra, eru bara helvítis sell-out strumpar og Jello er ekki meiri pönkari en það að hann á kredit-kort (ekki samt að ég hafi eitthvað á móti Jello)

Fyrra álit

thossi fyrir 22 árum, 11 mánuðum

Ég skil samhengið, en þrátt fyrir það eru nú strákarnir í Skífunni að reyna fóta sig í stóru tjörninni og hafa gert það með Sálinni,með litlum árangri.

Annars var þetta bara útúr dúr hjá mér ég er bara að spá hvar hættir maður að vera punk er það
A-1000 stk
B-10000 stk
C-100000 stk
D-1000000 stk

Skiptir tónlistin engu máli er bara málið að sem fæstir þekki hana?

Það er ekki öll tónlist sem selst vel rusl, ég treysti mér alveg til að fullyrða það.

En ef þetta er eithvað sáluhjálparatriði fyrir þig þá má þér alveg finnast Blink 182 vera rusl, mér er slétt sama, en þeir spila samt punk rokk..

Fyrra álit

plone fyrir 22 árum, 11 mánuðum

Tónlistin skiptir auðvitað mestu máli….það sem gerir hana að pönki er líklega bara huglægt. Ég heyri til dæmis pönk í sumri tónlist en t.d. ekki Blink 182….ég held að næsta skref hjá þeim ætti að vera að spila undir hjá Strumpunum eða eitthvað, þetta er hálfgerður brandari.

Auðvitað er sum tónlist, sem selst vel og sum tónlist sem selst illa gerir svo einfaldlega vegna skorts á gæðum. Eins og ég segi þá er þetta huglægt og ég held að þá getum við skilið sáttir!

Fyrra álit

Dbd fyrir 22 árum, 11 mánuðum

Punk er minsta kosti ekki hljómsveitir sem eru augljóslega búnar til eins og blink 182

Fyrra álit

ChuckBerry fyrir 22 árum, 11 mánuðum

“Pönk er ekki bara tónlistarstefna heldur lifnaðarháttur sem gengur út á að hræra upp í kerfinu”

Pönk er fyrst og fremst tónlistarstefna ef attitjútið vægi þyngra en tónlistinn væri Bob Dylan pönkari en The Ramones ekki!

Hvað er að akademíunni fyrir Bandarísku tónlistarverðlaunin? Destiny´s child féngu bestu popp/rokk plötunna (er rokktónlistinn í svona vondum málum?), Janet Jackson besti kvennlistamaðurinn (hvenær heyrði maður hana síðast nefnda?), Limp bizkit besta jaðarsveitin (JAÐARSVEITIN???) og Michael Jackson var valinn tónlistarmaður ALDARINNAR, hann átti eina góða plötu (Thriller) á 25+ árum. Þetta lið hlustaði sennilega ekkert á tónlistina í ár, það hringdi sennilega bara í Billboard listan rétt fyrir hátíðina og spurðu hvað hefði selst best!

Fyrra álit

yaf fyrir 22 árum, 11 mánuðum

Ok, það getur verið erfitt og jafnvel varhugavert að sökkva sér um of í skilgreiningarnar. En staðreyndin er sú að post punk var upphaflega notað um hljómsveitir eins og Joy Division, Cure o.fl.
Það sjá allir heilvita menn að Joy Division og Blink 182 eiga ekki heima í sama flokki, ef maður er að flokka tónlist á annað borð. En gott og vel, höldum okkur við það sem þú segri, s.s. allt seinni tíma pönk ( eða það sem á eitthvað skilt við pönk) sé post punk. Þá, og þá fyrst er hugtakið orðið algjörlega merkingarlaust. Og til hvers í andskotanum eru hugtök sem hafa enga merkingu?

Fyrra álit

VICIOUS fyrir 22 árum, 11 mánuðum

finnst nú alveg vanta að nefna nofx….

…

Fyrra álit

Vivica fyrir 22 árum, 11 mánuðum

eg er alveg sammala ad punk er lifnadarhattur!!!
punk er snilld!! serstaklega sex pistols, their rula!!!!

Fyrra álit

Rokk

Rokk

Ofurhugar

Stjórnendur

Hverjir eru inni

Greinar

Post-Punk

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi