Það fer eftir því hvort sveitir eru vel æfðar og eru með á hreinu hvaða áhrifum þeir vilja ná fram.

Led Zeppelin voru oft snöggir að gera plötur. Held samt að með tímanum hafi þeir farið að leggja meira í þær (eða þannig) og Presence var tekin upp á ca. mánuði nonstop myrkranna á milli.

Man enginn eftir “The Ocean” með Led Zeppelin. Það var gefið út í því formi að við heyrum John Bonham telja inn í lagið “We've done four already, but now we're steady and 1, 2, 3, 4, *riff*”

Annars held ég að Zep hafi mest tekið upp í “layers”.

Metallica voru 9 mánuði að taka upp og klára svarta diskinn - ágætis meðganga það :)

Já þú armi lærisveinn, ætli ég neyðist ekki til að líta framhjá þessum stuldi í þetta skiptið.

Þetta sem Weezer tók upp var reyndar ekki ætlað til neinnar útgáfu, þeir ætluðu bara að hafa þetta í bakhöndinni síðan þegar þeir fara aftur í stúdíó.

Nú hef ég nú ekki hundsvit á þessu frekar en fyrri daginn, en fer þetta ekki mjög mikið eftir því eftir hvaða hljómi er verið að sækjast.. hvursu “röff” hljóðið á að vera. Metallica hafa ábyggilega snurfusað minnsta litla smáatriði á svarta disknum fyrst það tók þá 9 mánuði að gera hann (og þá geri ég ráð fyrir að það sé með mixi og öllu því dótaríi). Og það hefur ábyggilega ekki farið mikill tími í að gera pönkplöturnar í gamla daga, þar sem maður heyrir oft trommarann missa úr takt, en öllum er náttúrulega sama því það verður bara meira pönk fyrir vikið.

Þetta er svo misjafnt.
Á fyrstu plötu Bítlanna völdu þeir lögin, spiluðu þau og hljóðblönduðu á 585 mínutum. Þeir kláruðu plötuna frá grunni á undir 10 tímum.

Þetta gengur oftast hægar fyrir sig núna td eru Oasis að lofa plötu í janúar eða febrúar og það er liðið hálft ár síðan þeir byrjuðu á henni.

Ég og mín hljómsveit erum einmitt að vinna plötu þessa dagana. það er nokkuð afstætt hversu langur tími það fer í að taka upp plötur. Sumar hljómsveitir eru að semja í stúdíóum og þurfa þar af leiðandi meiri tíma þar. Þannig að það er kanski ekki rec nema lítin tíma í hljóðverinu. Síðan er eftir að mixa plötuna þó að upptakan á plötunni sjálfri taki kanski ekki langan tíma þá er viðmiðunar regla að eyða ekki meiri tíma en 10 tímum á lag í mix ( sem á nú að vera alveg feiki nó) en þetta er mjög afstætt fer allt eftir sourcum og væntingum. Ekki get ég ímyndað mér að Sex pistols hafi eitt 10 tímum per lag í mix. Enn hver veit.

Mér finnst það alveg merkilegt þegar tónlistarmenn geta tekið upp lag í einu rennsli og út kemur fínasta lag, eins og t.a.m. Sleeping on the Sidewalk með Queen sem að mAlkAv nefndi.

Það er mikið rétt sem komið hefur hér fram, þetta er svo rosalega misjafnt að ómögulegt er að gefa einhlítt svar.

Reynsla mín úr stúdíói er ekki mikil en þó er sveitin mín að vinna að plötu þessa dagana. Við eigum lítinn pening en fullt af efni. Við komum þannig vel æfðir í stúdíóið fyrir þrem vikum síðan og erum langt komnir með 13 laga plötu. Þá fer maður að spá í það hvernig menn fara eiginlega að því að sinna eingöngu stúdíóvinnu í marga mánuði eða jafnvel ár eins og Peter Gabriel sem tekur sér ekki undir 2-3 ár í hverja plötu nú orðið. Og það er auðvelt að skilja það. Þegar maður tekur lag og fer að hlusta krítískt á hvern einasta þátt þess, hvert einasta slag í trommum, nótur í bassa og gítar, opnast fyrir manni nýjar víddir og satt best að segja myndi mig langa til þess að taka núna 2-3 vikur í það að hlusta á þessi lög, stúdera og spá, og gera þetta allt saman upp á nýtt. En til þess eru víst ekki til nægir peningar og þá er hægt að gera ótrúlega margt til þess að nýta sér það. Með svona röff mixi, sloppi trommum og láta þetta vera svolítið óhreint er hægt að skapa smá heildarstíl og lúkk á plötuna. Þetta er ekki ósvipað og munurinn á stífpressuðum terelínbuxum og snjóþvegnum gallabuxum. Bara spurning um hvað á við.

Nú er ég búinn að þusa um allt og ekkert. Takk fyrir og bless.