Sidious fyrir 20 árum, 2 mánuðum Fjöldi lestra: 628

The Olivia Tremor Control

Ætla Skrifa smá grein um hljómsveit sem ég hef verið að hlusta mjög mikið á undan farið, finnst mér þetta vera hörku grúbba. Notaðist við http://www.elephant6.com/ og www.allmusic.com til stuðnings , en nóg um það…

The Olivia Tremor Control eru úr hinu svokallaða “Elephant 6 Collective” (E6) en það er hópur tónlistarmanna/hljómsveita í Bandaríkjunum með svipaðar tónlistar pælingar, aðrar hljómsveitir sem eru tengdar við E6 eru meðal annara Neutral Milk Hotel og The Apples in Stereo. Olivia spilar tónlist sem er undir áhrifum frá m.a. Bítlunum, Beach Boys, The Zombies, Pink Floyd og Sonic Youth, blanda af psychedelic tónlist, “tape loops” og poppi. Allt byrjaði þetta þó í níunda bekk í Ruston, Louisiana. Þar voru æskuvinirnir Robert Schneider (Apples in Stereo), Jeff Mangum (Neutral Milk Hotel), Bill Doss og Will Cullen Hart saman í skóla , en hinir tveir síðast nefdu áttu eftir að verða leiðtogar Olivia Tremor Control. Voru þeir félagar allir í hinum og þessum skólaböndum, þetta voru engin framtíðarbönd. Fór þetta þó allt að breytast árið 1991 þegar Robert fór til Denver í skóla og kynnist hann þar fólkinu sem hann stofnar Apples in Stereo með, en þeir voru fyrsta bandið til að gefa út plötu á vegum E6 árið 1993. William og Jeff höfðu flutt til Georgia og voru í hljómsveit sem kallaðist Synthetic Flying Machine. Stuttu seinna kom Bill til Georgia og gékk til liðs við með þeð William og Jeff en upp úr því fóru að kalla sig The Olivia Tremor Control. Þeir gáfu út sitt fyrsta EP California Demise árið 1994, en það var önnur platan sem kom út á vegum E6 hópsins (áttu þó eftir að vera miklu fleiri) Eftir þetta ákveður Jeff að hættta í bandinu til að einbeita sér að sinni eigin hljómsveit Neutral Milk Hotel.

John Fernandes og Eric Harris gengu til liðs við hljómsveitina stuttu eftir það, og gaf hljómsveitin út sitt annað EP The Giant Day snemma 1996. En hljómsveitin var farinn að vinna að fullu við að klára sína fyrstu breiðskífu og kom hún út um mitt ár 1996, heitir hún því skemmtilega nafni “Music From The Unrealized Film Script: Dusk At Cubist Castle” hún átti samt upprunalega að heita Orange Twin en hætt var við að kalla hana það vegna annarar plötu sem hét því nafni og hafði verið gefin út á svipuðum tíma. Platan er undir miklum áhrifum frá psychedelíu Bítlana og Beach Boys, sem sagt tilraunamennska og pop (eða rock, fer eftir hvað þið viljið kalla það) í fyrirrúmi. Platan var producer-uð af Robert Schneider og á henni eru heil 27 lög, þar af 10 lög sem heita öll sama nafninu “Green Typewriters”, mæli með “The Opera House” ef þið viljið heyra smjörþefin af plötuni, en þeir gáfu það lag út á smáskífu ásamt tveim öðrum lögum og ef maður spilaði þau öll í einu fékk maður fjórða lagið úr því samsuði (svipað og Zaireeka með Flaming Lips) Fóru þeir félagar þá bara túra vítt og breitt og fengu meðal annars annan nýjan meðlim í bandið hljómborðsleikaran Peter Erchick. Síðan í Apríl 1999 kom út önnur plata þeirra en hún heitir “Black Foliage: Animation Music Volume 1” (Volume 2 kom aldrei út:) þeir sem lögðu lið við gerð plöturnar voru margir og gerðu þeir mismikið, litli bróðir Wills stökk meðal annars ofaní sundlaug. Ég ætlaði að reyna útskýra concept plöturnar á íslensku en það var ekki að meika mikið sence þannig ég smelli því bara inn á ensku…

//The concept behind the album was thus: first, a section of the bass guitar riff from Black Foliage (Itself) was taken. Subsequently, “variations” of this part spawned the “animation” tracks. These were then combined with parts of the other songs (which themselves contained parts of other songs) to create the “combination” tracks, creating interludes between the main songs… as it says in the liner notes to the album, “edits within edits within edits…”//

Þræl skemmtilegar pælingar í þessu, þetta er samt mun auðskynjanlegra ef þú hlustar á plötuna og/eða ert með tracklist-an. Seinni plata þeirra er enþá tilraunameiri en sú fyrri en inn á milli eru samt þó nokkur “hefðbundin” rokk lög. Sveitin túraði stíft það sem eftir var af árinu en í lok ársins ákváðu meðlimir bandsins að fara í sitthvorar áttirnar, William C. Hart stofnaði hljómsveitna “The Circulatory System” og Bill Doss fór að gefa út undir nafninu “The Sunshine Fix” en hann hafði verið að nota það þegar hann var að taka upp lög í grunnskóla.

Allavega mæli eindregið með bandinu enda alveg þrusu skemmtilegt, síðan eru Apples in Stereo og Neutral Milk Hotel (“In The Aeroplane Over The Sea” platan er all svakalega”) ekkert verri. Bendið mér síðan endilega á einhverjar stafsetningarvillur (eflaust mikið af þeim) eða staðhæfinga villur sem þið sjáið eða vitið af.

Pleasant Dreams…

ALL GLORY TO THE HYPNOTOAD!

plone fyrir 20 árum, 2 mánuðum

amen…

ég skrifaði einu sinni grein um OTC þegar ég hélt úti tónlistarsíðu, sem líkt og þessi magnaða hljómsveit, er fyrir löngu komin undir mold. ég á samt enn þessa grein þannig að….

Olivia Tremor Control, sem ásamt Neutral Milk Hotel og The Apples in Stereo er þekktasta hljómsveitin á vegum Elephant 6, er gott dæmi um þessa nálgun. Undirstaða hennar er, eða öllu heldur var, hreint ómótstæðileg popplög sem gætu þess vegna verið beint úr smiðju Bítlanna eða The Beach Boys en gáskafull tilraunagleðin var þó aldrei langt undan enda pældu meðlimir sveitarinnar gríðarlega mikið í alls konar hljóðum og minnkuðu um leið líkurnar á almennum vinsældum til muna. Það var þó ekki eitthvað til að missa svefn yfir enda Olivia Tremor Control fyrst og fremst skemmtileg sýrupoppsveit sem einbeitti sér að tónlistinni sjálfri og hefur æ síðan notið töluverðar hylli hjá hinum ýmsu jaðarhópum.

Saga þessarar forvitnilegu sveitar hófst í Ruston, Louisiana seint á níunda áratugnum þegar æskuvinirnir Bill Doss, Will Cullen Hart og Jeff Mangum settust niður og sömdu nokkur lög. Allir voru þeir forfallnir aðdáendur áðurnefndra stórhljómsveita sjöunda áratugarins auk þess sem áhrif Pink Floyd, The Zombies og Sonic Youth leyndu sér ekki. Úr varð hljómsveitin Cranberry Life Cycle og meðlimirnir fluttu búferlum til Athens í Georgíufylki þar sem Elephant 6 varð einmitt til nokkru síðar fyrir tilstilli þremenninganna og fleiri vina þeirra. Nafninu var breytt í Synthetic Flying Machine og loks Olivia Tremor Control en fyrsta sjö tomman sem sveitin frá sér undir því nafni hét ‘California Demise’ og er frá 1994. Sama ár leit split-skífa með Apples in Stereo svo dagsins í ljós en forsprakki hennar, Robert Schneider, hafði kynnst meðlimum Olivia Tremor Control nokkru áður og átti eftir að vinna enn meira með henni síðar. Raunar var það afar áberandi hve listamennirnir hjá Elephant 6 voru duglegir að leggja hverjum öðrum lið og því kannski ekki skrýtið að þeir líti ekki beint á hana sem útgáfu heldur safstarfshóp.

Það var þetta leyti sem Jeff Mangum sagði skilið við hljómsveitina til að einbeita sér að Neutral Milk Hotel og þegar ‘Giant Day ep’ kom út árið 1995 samanstóð Olivia Tremor Control af þeim Doss, Hart, John Fernandes og Eric Harris en sá síðastnefndi var þó ekki með á plötunni sjálfri þar sem hann bjó í Texas á þeim tíma. Hann taldist þó fullgildur meðlimur sveitarinnar eftir að hafa spilað með á tónleikaferðalagi hennar og Chocolat USA, sem Doss og Fernandes voru jafnframt í, og átti sinn þátt í gerð fyrstu breiðskífunnar, ‘Music From The Unrealized Film Script: Dusk At Cubist Castle’. Líkt og flestar plötur Olivia Tremor Control, bæði fyrr og síðar var hún unnin eftir ákveðnu þema sem batt lögin saman þrátt fyrir að virka stundum eins og stórfurðulegur einkabrandari í augum utanaðkomandi aðila.

Næsta breiðskífa nefndist síðan ‘Black Foliage: Animation Music, volume 1’ og er af flestum talin meistaraverk Olivia Tremor Control enda ein allra besta lo-fi rokkplata tíunda áratugarins, þátt fyrir að vera 70 mínútur að lengd og krefjast 50 hlustanna að mati Doss. Eitt ákveðið stef var rauði þráðurinn og lagði grunninn að einu lagi sem þróaðist yfir í annað og svo koll af kolli. Þá hafði Peter Erchick jafnframt bæst í hópinn auk þess sem fjölmargir vinir og vandamenn lögðu hönd á plóg, þar á meðal Mangum, Schneider og ýmissa meðlima Elf Power, The Gerbils, Of Montreal og fleiri sveita.

Eftir heljarinnar tónleikaferð í kjölfarið liðaðist Olivia Tremor Control hins vegar í sundur og miðað við áhrifin sem hún hafði er í raun erfitt að trúa því að sveitin hafi aðeins afrekað að gefa út tvær breiðskífur. Smáskífurnar urðu reyndar mun fleiri og var þeim safnað á plötuna Singles and Beyond sem kom út á vegum Kindercore árið 2000 og er merkileg heimild um afar merkilega hljómsveit. Síðan þá hafa forsprakkarnir Bill Doss Og Will Cullen-Heart beint kröftum sínum að sólóverkefnum sínum, The Sunshine Fix annars vegar og The Circlatory System hins vegar en eru þó alltaf trúir Elephant 6 andanum og hika ekki við að rétta fram hjálparhönd þegar samferðamennirnir hóa í þá.

Neutral Milk Hotel og Apples in Stereo eru líka fínar en persónulega finnst mér Of Montreal skemmtilegasta E6 bandið á eftir Olivia Tremor Control. tékkið endilega á elephant6.com

Fyrra álit

Sidious fyrir 20 árum, 2 mánuðum

flott grein hjá þér… hef ekki hlustað á Of Montreal en hef heyrt um þá, þyrfti að fara kíkja á þá… er nú ekki alveg komin uppí 50 hlustarnir á Black Foliage en er farin að nálgast það :)

ALL GLORY TO THE HYPNOTOAD!

Fyrra álit

plone fyrir 20 árum, 2 mánuðum

trúðu mér, þessi plata verður einfaldlega betri og betri og þá skiptir engu máli þó ég sé búinn að hlusta á hana mun oftar en 50 sinnum….ég þarf heldur varla að taka fram að það er nauðsynlegt að hlusta á hana í heyrnatólum - annars nær maður ekki nema brotabroti af því sem er að gerast.

og fyrir þá sem eru að fíla Neutral Milk Hotel tékkið þá á bandi sem heitir The Decemberists. fínt dót þar á ferð.

Fyrra álit

nedrud fyrir 20 árum, 2 mánuðum

Gott framtak, flott að sjá loksins grein um einhverja indí sveit hér. En ég hef ekki hlustað á OTC en Neutral Milk Hotel og Apples In Stereo þekki ég og er það eðalstöff.

Fyrra álit

Rokk

Rokk

Ofurhugar

Stjórnendur

Hverjir eru inni

Greinar

The Olivia Tremor Control

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi