Ég á ekki eitt aukatekið orð! Bévítans aularnir sendu Rubert heim! Þvílík firra!
Fyrir utan þennan afskræmda endi var þetta annars fínasti þáttur. Verðlaunakeppnin var einskonar kapphlaup með þrautum sem Burton og Lil unnu. Burton gaf Jon verðlaunin sín (sem var hálfur dagur á bát með pizzu og bjór og veiðileyfi) en Lil hélt sínu án þess að hugsa um það. Rubert var allt annað en sáttur þar sem Burton var búinn að lofa að endurgjalda honum morgunverðinn sem hann gaf Burton eftir síðustu verðlaunakeppni.
Rubert var alveg farið að gruna að hann þyrfti að fara heim en var samt nokkuð skúffaður í lokin.

Mér finnst hrollbjóður að hann hafi þurft að tapa fyrir þesssum asnalegu gaurum - Burton og Jon. Ég var alveg búin að pæla þetta til enda ;) Mér finnst að Sandra og Christa hefðu átt að fá T. og D. í lið með sér með því að lofa þeim að í lokin yrðu bara konur eftir. Þær fjórar + Rubert hefðu svo getað rekið Burton fyrst, svo Jon og síðan Rubert. Þá hefðu bara verið 5 gellur eftir og vægast sagt áhugavert að sjá hvernig það spilaðist út :)

Núna veit ég eiginlega ekki alveg hverjum ég á að halda með, Rubert var uppáhaldið mitt frá byrjun. Ætli ég haldi ekki bara með Söndru núna… Hún er nokkuð svöl. Alltaf að rífa kjaft við Jon titlingaskít, hehe.
Hlakka til að heyra hvað ykkur finnst.