Hugi.is - Notendur

Valentínusarbæn (0 álit)

í Ljóð fyrir 12 árum, 9 mánuðum

Lofðu mér nú loks að fá, svo læknist sálarmínus, konu til að kúra hjá, kæri Valentínus. Fagrar skal hún hafa herðar, hárið vera ljóst, lendar vel af guði gerðar, geirvörtur og brjóst. Hún skal fagurt hafa nef og höfuðparta slíka og voða gott það væri ef hún væri krúttleg líka. Hún skal vera flott á færi, en fjarri því þó hlass. Hún skal hafa ljúffeng læri og lostafullan rass. Hún skal hafa brosið blítt, sem birtu að sér laðar. Hárið efst á höfði sítt, en hárlaus annars staðar. Síðan væri ei...

Þá mega prófin koma fyrir mér (1 álit)

í Ljóð fyrir 12 árum, 11 mánuðum

Jæja, þá eru nokkrir klukkutímar í próf, og fátt betur viðeigandi en að yrkja dálítinn prófasálm í tilefni af því. Til að reyna ekki of mikið á heilann fékk ég þó hugmynd og form að láni frá þessu snilldarjólalagi hér, sem gaman er að syngja kvæðið við: http://grooveshark.com/#/s/N+Mega+J+lin+Koma+Fyrir+M+r/3OOvwD?src=5 Á fyrsta degi desembermánaðar ég dreg fram bækurnar í fyrsta sinn og óska að gæti aðeins lesið hraðar, því óðar prófastressið nálgast finn. Í gegnum lagakafla stóra stauta og...

Uppáhaldsskáld? (2 álit)

í Ljóð fyrir 15 árum, 2 mánuðum

(Ég ætlaði að fara að búa til könnun um uppáhaldsskáld ykkar, en áttaði mig fljótt á því að möguleikarnir þyrftu að vera allt of margir :) Gaman væri að vita, kæra á huga ljóðafólk, hver(t) ykkar uppáhaldsskáld er(u). Smárökstuðningur myndi aðeins gera gott betra. Svo ég hefji leikinn skal ég greina frá því að mitt uppáhaldsskáld er Davíð Stefánsson frá Fagraskógi. Eitthvað við ljóðin hans tendrar innra með mér tilfinningar, sem annars liggja óhreyfðar. Það, sem mér helst finnst aðdáunarvert...

En sú mæða (3 álit)

í Ljóð fyrir 15 árum, 3 mánuðum

Nú get ég ekki orða bundist. Ó, mér hefur lengi fundist erfitt hug minn visna að virkja - verða sífellt meir að yrkja. Mér það vekur vondan leiða að vaða stuðladjúpið breiða, grafa í mosagróna þanka, grípa í tóman orðabanka, sí og æ með orð að bruðla, en sú mæða að finna stuðla, afla ríms og réttra orða úr ræfilslegum orðaforða. Ég alla daga veð í villu á verulega rangri hillu; fátt er leiðinlegra en það að láta stuðlað rím á blað.

Cobra driver til sölu (0 álit)

í Golf fyrir 15 árum, 3 mánuðum

Á til King Cobra driver, 2ja ára, nýlegt grip, lítið notaður og vel með farinn. Haus: King Cobra F/Speed. 10,5 gráður. Milled titanium 460 cc. Skaft: Cobra Aldila NV-F. Speed tuned. 125-155 mph ball speed / regular flex / mid kick / 55g. Grip: Golf Pride. Fær einkunnina 4,19 af 5 á golfreview.com - sjá hér: http://www.golfreview.com/cat/drivers/cobra/PRD_346508_2948crx.aspx Kostaði nýr tæpar 40 þús. sumarið 2007. Selst á 15 - 20 þús. Sími: 8456785 Email: sdj4@hi.is

Raunir laganemans (5 álit)

í Ljóð fyrir 15 árum, 6 mánuðum

Hafin enn og aftur próf - endurtekin saga. Nú fæst ég mest við meðalhóf og meginreglur laga. Glósur veð ég hátt í háls og heftin gegnum malla. Enda, skv. eðli máls, ekki tækt að falla. Mér er hvorki ljúft né létt að lesa - og það í skyndi - eina bók um eignarrétt og aðra um veðréttindi. Verst af öllu þó er það, sem þyrfti helst að skána, að þurfa að kunna utan að alla stjórnarskrána. Já, námið, það er bölvað baks og basl, sem hjartað stingur. Ó, ef ég gæti aðeins strax orðið lögfræðingur.

Vilt þú að Ísland sæki um aðild að ESB? (0 álit)

í Forsíða (gamla) fyrir 15 árum, 6 mánuðum

Game over (1 álit)

í Ljóð fyrir 15 árum, 9 mánuðum

Dánir eru draumar mínir allir - draugur hefur völd í minni sál. Allar eru hrundar, vonarhallir. Hjarta mitt er kalt sem blágrátt stál.

:llitiT (6 álit)

í Ljóð fyrir 15 árum, 9 mánuðum

Hið þyngsta er léttast og ekkert er allt. Hið öfluga máttlaust, hið heitasta kalt. Í flugunni er pæling, í Páli er suð. Í Paradís djöfull, í Helvíti Guð. Hinn káti er dapur, hið dimmasta bjart. Sá duglegi latur, hið mjúka er hart. Nískur er gjafmildur, nei þýðir já, hið nýjasta gamalt, þeir blindustu sjá. Þeir dauðu, þeir anda, hin sætasta er súr. Þeir sitja sem standa og moll er í dúr. Hver vatnsdropi úr krana er kærasta vín. Hver kambur án hana og ég er án þín.

Náðargáfan (1 álit)

í Ljóð fyrir 15 árum, 9 mánuðum

Náðargáfu guð mér veitti - ég get svo fokking svarið það - er teflonausu í mig hreytti. Ég aldrei þarf að fara í bað.

Parið sem fór á dansnámskeið: (0 álit)

í Ljóð fyrir 15 árum, 9 mánuðum

Nú kunnum við að dansa, eins og dönsurum ber. - Hættu þá að traðka á tánum á mér!

Fín drusla á 50 þús. (4 álit)

í Bílar fyrir 15 árum, 9 mánuðum

Ford Escort lítill sendibíll, ca. 10 ára, ekinn 91 þús. fæst fyrir 50 þús. kr. ef tilboð kemur mjög fljótlega. Kostir: 2 eigendur frá upphafi, hefur reynst ótrúlega vel. Vel með farinn, reyklaus o.s.frv., gríðarlega gott farangursrými (u.þ.b. 2 rúmmetrar), skipt um kúplingu og bremsur vorið 2008. Sparneytinn, afskaplega þægilegur. Bíll með sál (allavega í mínum huga). Gallar: Fer ekki í gang með lyklinum (þarf að skipta um sviss held ég), e-r stefnuljós biluð, ekki vetrardekk, skoðun runnin...

Ástarsonnetta (10 álit)

í Ljóð fyrir 15 árum, 10 mánuðum

Stundum er maður eitthvað svo væminn… — Mér heimsins eru auðæfi og glingur einskis virði ef þín ég fæ ei notið. Þann dýrmætasta fjársjóð hef ég hlotið; að hjartað þitt með mínu dúett syngur. Ég þrái að kyssa þínar rjóðu kinnar. Þú ert fegurst rósa í hverju beði. Vor hjörtu syngja af sannri list og gleði saman lítinn óð til ástarinnar. Mér skal lýsa ljósið þinna kerta og leiða mig að þínum blíðu öldum, sem yndisleika endalausum skarta. Og hörpu þinnar strengi vil ég snerta og Stíga með þér...

Missir (2 álit)

í Ljóð fyrir 15 árum, 11 mánuðum

Fráfall hans vor hugum sárum veldur. Harmi þungum þjóðin öll er slegin. En eitt er víst - að áfram kappinn heldur - ef ekki hér… þá bara hinum megin.

Holdgervingurinn (13 álit)

í Ljóð fyrir 16 árum

Ég átti leið um ljótan stað og langar frá að segja, því lyktin minnti á sorarsvað - ég sór, ég myndi deyja. Svo sá ég nálgast mikinn mann sem minnti á soltinn rakka. Í vinstri augntóft hafði hann hálfan kakkalakka. Að sjá þann mann var sorgleg raun, mig sveið í allt mitt hjarta. Rétt við nef hans lafði á laun loðin graftarvarta. Verri en allt, sem var og er, vartan líktist sulli. Og eina hafð'ann uppí sér eðaltönn úr gulli. Aðrar tennur eins og klær af ógurlegri skessu. Um hálsinn skriðu...

Litli bróðir (11 álit)

í Ljóð fyrir 16 árum

Ég á mér lítinn litlabróður, sem leikur sér. Laus við kvilla, ljúfur, góður. Líkur mér. Öll hans framtíð indæl bíður, yndisleg. Ávallt er hann einkar blíður. Eins og ég. Bætt við 19. nóvember 2008 - 01:01 Ég verð að koma fram breytingu á þriðju hendingu annars erindis vegna þessarar ljótu ofstuðlunar sem ég áttaði mig ekki á fyrr en nú, því miður: Aldrei frekukr, ávallt blíður.

Hvers virði er lítið, vesalt ljóð? (11 álit)

í Ljóð fyrir 16 árum, 1 mánuði

Fokið er í fokheld skjól, furstahallir, eyðiból. Strokinn friðar styrkur. Hver blés á ljós frá lífs vors sól? Hvar leynist sá, sem okkur fól að kljást við kreppu og myrkur? Hvers virði er gall? Hvers virði er blóð? Hvers virði er lífsins daufa glóð? Á vaðið oft var tæpast teflt, hvert tetur keypt en aldrei selt og sumir supu hvelju… Fá nú reiðir rakkar elt þann raft, sem okkur lengi hélt á milli heims og helju. Hvers virði er hefndin, römm og rjóð, ef regnið hylur hjartans slóð? Hvert húm er...

Óskin mín (5 álit)

í Ljóð fyrir 16 árum, 1 mánuði

Eitt sinn heyrði óma undurfallegt lag, af sönnum kærleik sungið við sumarlegan brag. Og söngvarinn var rámur en röddin samt svo tær að yfir fjöllin færðist fagurrauður blær. Hún tendraði með töfrum tunglsins silfurljós, sem vöktu vært til lífsins visna dýrðarrós. Sú fegurð var svo fjarstæð sem fyrir augun bar. Mín sál í sætum draumi sveif um loftin þar. Mig sveipti sínum örmum sumarnóttin þýð. Og friðsæl sást í fjarska fögur stúlka og blíð. Hún til mín gekk í takti við töfrum slunginn söng....

Skammvinn skemmtun (2 álit)

í Ljóð fyrir 16 árum, 1 mánuði

Á bókasafnið frískur fer, í fasi afar léttur! En heldur skammvin skemmtun er skaðabótaréttur. Bætt við 2. október 2008 - 01:05 ég verð að biðjast afsökunar á ljótu stafsetningarvillunni í þriðju línu. Skammvinn.

Í varðhaldi jarðar (12 álit)

í Ljóð fyrir 16 árum, 2 mánuðum

Þau vaka og sofa í varðhaldi jarðar og vita ekki að sólin er til. Þau þjást fyrir augliti ógnandi varðar í andlausum skelfingarhyl. Ævinnar klukkur halda áfram að tifa en ólin til dauðans er hert. Í dýflissu óttans hann lætur þau lifa lífi sem einskis er vert. Þar hírast þau, varin af hundruðum lása og handanna sjá varla skil. Þau vita ekki að ofan þeim vindarnir blása. Þau vita ekki að sólin er til.

Ensk ljóð á forsíðunni (17 álit)

í Ljóð fyrir 16 árum, 2 mánuðum

Daglega birtast ljóð á óíslensku á forsíðu ljóðaáhugamálsins (og þar með á forsíðu huga.is). Ég mótmæli þessu - það eru til hundruðir ef ekki þúsundir ljóðasíðna fyrir ljóð á ensku. Hvernig væri að við héldum þessu áhugamáli fyrir ljóð, ort á móðurmálinu? Megi vor ljóð verða metnaðarfull, mynduð með íslenskum skrifum, því tungan vor sanna er gersemi og gull - gleymum því ei meðan lifum.

Martröð (4 álit)

í Ljóð fyrir 16 árum, 2 mánuðum

Og þegar lífsins lugtir aftur lýstu upp hinn rétta veg, þá var allur þrotinn kraftur… Þú hélst áfram. Ekki ég. Stoltur gekkstu gullna veginn, gæfan bar þinn verndarskjöld. Etir hélt mér hinum megin heldimm nóttin, nístingsköld. Nú stóð ekki neinn við hlið mér, nema vofa gærdagsins. Eymdin blasti ísköld við mér eins og klökkvans kaldi prins. Stjarfur reyndi að standa á fætur, staulast fram á eftir þér. Blauður eins og barn sem grætur, beinin skulfu og skröltu í mér. Upp þú flaugst, til hæstu...

Ástfangið hjarta (6 álit)

í Ljóð fyrir 16 árum, 3 mánuðum

Sem lífsins versta hatur og heimsins versta stríð, svo ljúft og yndisfagurt, svo friðsælt alla tíð, sem næturmyrkrið svartast og svæsin vetrarhríð, sem guðdómlegur söngur og sumarnóttin blíð það unir sér við vatnið svo undurkyrrt og tært í lífsins dimmu veröld ljós þess blikar skært. Aðgát skaltu hafa um allt sem því er kært því ástfangið hjarta verður auðveldlega sært.

Endurtektarpróf í Evrópurétti (1 álit)

í Ljóð fyrir 16 árum, 3 mánuðum

Þá er maður mættur á bókhlöðuna til lesturs fyrir endurtökupróf. Sem fyrr fer litlu minni tími í yrkingar en próflestur. Hér sit ég einu sinni enn og saman púsla bögu, les um alls kyns mæta menn merkilega sögu. Lærdómsdug af dvala vek, doðrant gegnum malla. Euroréttin endurtek og ekki hyggst ég falla… …aftur.

Þegar sumarið breytist í vetur fer ég í fýlu (2 álit)

í Ljóð fyrir 16 árum, 3 mánuðum

Leikur um mig blessuð sumarblíðan, bætir mig og alla mína líðan, kætir mig með kærleiksgeislum sínum, keikur ver í sólu dögum mínum. Dreymir gullnar, gæfuríkar stundir. Gumar bregða á leik um þessar mundir. Sumarstraumur streymir hafs í róti, streymir eftir tímans mikla fljóti. en… Síðan kemur kaldur vetur aftur, kuldaljóð sín þylur hann, sá raftur. Skuldadagur runninn, blessuð bjarta blíðan hverfur mér svo skjótt úr hjarta.

Notendur

Valentínusarbæn (0 álit)

Þá mega prófin koma fyrir mér (1 álit)

Uppáhaldsskáld? (2 álit)

En sú mæða (3 álit)

Cobra driver til sölu (0 álit)

Raunir laganemans (5 álit)

Vilt þú að Ísland sæki um aðild að ESB? (0 álit)

Game over (1 álit)

:llitiT (6 álit)

Náðargáfan (1 álit)

Parið sem fór á dansnámskeið: (0 álit)

Fín drusla á 50 þús. (4 álit)

Ástarsonnetta (10 álit)

Missir (2 álit)

Holdgervingurinn (13 álit)

Litli bróðir (11 álit)

Hvers virði er lítið, vesalt ljóð? (11 álit)

Óskin mín (5 álit)

Skammvinn skemmtun (2 álit)

Í varðhaldi jarðar (12 álit)

Ensk ljóð á forsíðunni (17 álit)

Martröð (4 álit)

Ástfangið hjarta (6 álit)

Endurtektarpróf í Evrópurétti (1 álit)

Þegar sumarið breytist í vetur fer ég í fýlu (2 álit)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi