Kisa kisa komdu hér komdu og sestu hjá mér Nei, heyrðu mig nú þú ert ekki kisa þú ert kú og ég ég þarf ný gleraugu

Það sem ég á við hér er að heimurinn er margræður og flókinn. Þegar börn koma til mín og tala um fólkið sem það sér og ég sé líka en aðrir ekki. Hvað á ég þá að segja? Fyrirgefðu elskan en þú ert geðveik, það sem meira er ég er það líka…en höfum bara hljótt um það. Hvað á ég að segja við ungling sem sér fjólubláa litinn í kringum ömmu, litinn sem ég sé líka? Þótt ég viti ekki alveg afhverju ég sé og af hverju hann sér, á ég þá að svara:,,þetta er allt í lagi, við erum bara geðveik en við...

Dularfull dýpt hafsins dregur mig nær sér. Það kallar á mig, komdu, komdu. Ég hlusta, heyri söng þess hljóma einhvers staðar inn í mér. Það hefur krækt klóm sér í hjarta mér. Dregur mig til sín. Dularfull dýpt hafsins, dregur mig til sín. Ég fer, sný ekki aftur. Nú sef ég í þögn hafsins, ekkert vekur mig.

Ef lífið væri ein stór pizza, væri Guð þá pizzukassinn? Nei, væri þá trúin pizzukassinn og kokkurinn Guð?

Stjörnurnar blika á himninum. Horfið upp og sjáið þær. Þær tala til okkar, tala sínum eigin tungum. Þær eru að reyna að segja okkur eitthvað. Horfið upp, hlustið, hlustið á stjörnurnar. Þið þyrftuð ekki að fara í stríð, stríð sem drepur allt og líka stjörnurnar. Þið þyrftuð ekki að fara í stríð, ef þið mynduð bara hlusta, hlusta á stjörnurnar.

Sól skín á stað. Stað sem enginn sér. Stað þar sem myrkrið sefur, værum svefni, þungum svefni. Sól skín á stað. Stað þar sem myrkrið býr. Sól skín á stað, gefur gjafir sínar. Gefur Birtu og Hlýju, sisturnar sem sigra allt myrkur. Myrkrið vaknar, horfir og hverfur inn í sig. Myrkrið er búið að sofa. Syfjað og sælt vakir það í andhverfu sinni, ljósinu. Myrkrið þarf ekki að koma aftur. Það er búið að sofa.

Djúpt, djúpt sekk ég. Djúpt inn í sálina mína. Ég veit ekkert hvað bíður mín en ég er þreytt og sekk bara dýpra og dýpra. Mér er alveg skítsama. Ég vil bara sofna og sökkva, dýpra og dýpra.

Ég er lítill, grænn fiskur. Ég syndi hring eftir hring og í hvert sinn er ég að byrja á nýjum og spennandi hring eða… þangað til ég uppgötva að þetta var sami hringurinn og síðast. Ég er lítill og vitlaus grænn fiskur… En nú ætla að fara nýjan hring.