Ég horfi á þig, þú ert autt blað en þó svo undurfagurt. Þú færð mig til að vilja verða besti málari heims. Mig langar að teikna á þig útlínur hamingju með ást minni. Og hjálpa þér svo að skreyta hana litum gleðinnar.

Nú fara jólin að nálgast með öllu því tilstandi sem þeim jafnan fylgir. Á flestum heimilum fylgja ákveðnar hefðir jólunum. Þessi jól koma því til með að verða örlítið frábrugðin á mörgum heimilum, þar sem enga er rjúpuna að fá í ár. Sterk hefð er fyrir rjúpunni í jólamatinn hjá mörgum, og ég þekki fólk sem segir jólin ekki komin fyrr en rjúpnalyktin lætur á sér kræla. Mikil óánægja virðist vera yfir þeirri ákvörðun stjórnarinnar að setja veiðibann á rjúpuna. Ég persónulega finn ekki fyrir...

Ég flýt í tjörnum tára týnd í sjálfri mér finnst ég verða að flýja en veit ekki hvert ég fer. Blæðandi brunasárum úr biturleikans hver kalar mín auma kvíðandi sál við kuldans klakasker. Mig dreymir dagsins birtu en í svartnætti ég dvel gleðin á ekki greiða leið gegnum mína varnarskel. Þó gríma mín gjarnan brosi og Guð veit, að ég vil vel mun hrímið í huga mínum loks frysta mig í hel.

ég berst áfram í spilltri víðáttu alheimsins veð blóð systkina minna upp að hnjám og fylgi græðginni blinduð af illsku sem lagði kærleika hjarta míns að velli í vonlausri baráttu fyrir friði

Lífið er eins og að vera í bíl sem brunar eftir hraðbraut lífsins undir okkar stjórn. Sumir komast á leiðarenda hrakfallalaust þó það springi öðru hverju. Aðrir missa stjórnina á miðri leið og falla í fang dauðans þegar ferðin er rétt hafin. Ökufærni skiptir ekki alltaf máli heldur hvaða akrein þú lendir á í lífinu.