Andstæður Bíómynd. Ungur, fallegur maður talar með mjúkri röddu af ástríðu um konuna sem hann elskar. Ástina. Raunveruleiki. Maðurinn sem ég elska talar með sorgmæddri röddu af leiða um mig, sem hann elskar ekki. Skilnaðinn.

23. - 29. apríl er vika bókarinnar… Ég heyrði fyrst um þetta í skólanum og var þá ekkert mikið að spá í þetta því venjulega gerist ekkert sérstakt í svona “þemavikum” í Reykjavík. Seinna um daginn þurfti ég að fara í strætó og sá þá að út um allan strætóinn voru bækur sem var búið að hengja á sætisbökin. Þar voru alls konar bækur, en áberandi mikið af Syrpum, þar sem ég er ekki mikill Syrpu-aðdáandi settist ég þar sem voru einhverjar aðrar bækur en syrpur. Seinna í strætóferðinni tók ég...

Rifrildi Orð þín særa tilfinningar mínar eins og þúsund beittir hnífar. Og ég særi þig líka. Orðin þröngva sér inn í heilann á mér, inn í augun svo ég fer að grára. Fyrirgefðu. (Ég veit að þetta er dálítið/dálítið mikið klisjukennt, en svona leið mér bara. Þetta er byggt á sönnum atburði)

Svarti köggullinn Einhvers staðar, langt inni í mér er lítill, svartur köggull. Hann er fullur af vondum tilfinnigum og minningum. Stundum stækkar hann og ég verð leið. Mig langar til að kremja hann svo hann splúndrist, allt það vonda hverfi og hjarta mitt fyllist af sólskini. (Þetta er dæmi um eitthvað sem ég held að allir hafi inni í sér, kannski án þess að vita af því, en ef maður hefur lent í slæmri reynslu veit maður meira um það. Þetta ljóð er kannski ekki alltaf mjög ljóðrænt, en er...

Línan Hún lyftir fætinum, teygir hann áfram samt er eins og eitthvað togi hann til baka. Hún er ekki tilbúin. Ekki strax.

Má ég loka augunum? Stundum er gott að hjúfra sig upp við heita mömmu sína, loka augunum, sofna áhyggjulaus. Þó ég sé orðin hærri en mamma.

2. þáttur Survivor fór í loftið í kvöld… Það byrjaði á því að sýnt var að stelpurnar voru mun verr staddar en strákarnir í sambandi við skýli og mat og þess háttar. Fyrsta verðlaunakeppnin var núna og í verðlaun voru beitur fyrir fiska. Það var þraut þar sem allir voru með bundið fyrir augun og einn í liðinu stjórnaði og hjálpaði hinum að finna búta úr púslispili sem átti svo að leysa. Stelpurnar voru einni fleiri en strákarnir og þær þurftu því að láta eina sitja eftir. Christy (þessi...

Veðurljóð Það rignir, gluggarnir eru alsettir demöntum. Ég geng út, vindurinn blæs í fangið á mér tekur utan um mig, -honum er kalt á höndunum.