Gleymt lykilorð
Nýskráning
Forsíða
Áhugamál
Dýr Dægurmál Fræði Leikir Lífið Lífsstíll Margmiðlun Menning Skjár Sport Tónlist Tækni Vélar Hugi

Notendur

Rebekka
Rebekka Notandi frá fornöld 50 ára kvenmaður
1.244 stig
Áhugamál: Deiglan, Kettir, Börnin okkar, Ljóð
Í meinum var hún fegurst allra systra minna. Rebekka 2002.

Óvænt úrslit. (4 álit)

í Smásögur fyrir 21 árum, 1 mánuði
Hún hafði reynt að nálgast þau tíu daga í röð án þess að það bæri nokkurn árangur. Hún hallaði sér fram og fann að hugsanir hennar voru að verða stjórnlausar. Hún hafði reynt alla þessa mánuði að hefta það og berja það niður en alveg sama hvað hún kæfði það, alltaf bærði það á sér og gerði vart við sig þegar hún hélt að hún væri hólpin. Í huganum sveif hún aftur til þess tíma þegar hún lá á dýnu á gólfinu í litlu íbúðinni á Snorrabrautinni og grét. Myndir af börnum að veifa mömmu bless flugu...

Eða hvað? (0 álit)

í Ljóð fyrir 21 árum, 2 mánuðum
Ég dreypi á blóði Krists úr skelþunnu postulíni. Með biturð á tungunni og von um eilíft líf, finn ég það storkna í hálsinum. Ég trúi, ég trúi ekki á lygi.

Söngur hrossaflugunnar (2 álit)

í Ljóð fyrir 21 árum, 3 mánuðum
Surningin var hvort það væri til. Það bjó djúpt í böndum og barðist við að sleppa. Vatt sér og þandi sig í vonlausri viðleitni að fá að fæðast. Og ég brosi og hristi hár mitt eins og af tilviljun yfir augun. Og hata það.

Kári. (1 álit)

í Ljóð fyrir 21 árum, 5 mánuðum
Bar mér blíðar vonir, vann minn hug og hjarta, heitar nætur nærði, nýjar kenndir kveikti, kom til eins, að elska átti einn að eiga. Yfirgaf mig, kvaddi með sposkum svip, nesti og nýja skó…

Hallærisleg halarófa. (6 álit)

í Ljóð fyrir 21 árum, 5 mánuðum
Á meðan dýrin í skóginum voru vinir, og dönsuðu í halarófu eftir hljómfalli klingjandi daggardropa og söng maríuhænunnar, skreið ég í moldinni og þefaði uppi þistilhjörtu. Þau komu að vatnsbóli vonarinnar, sátu námskeið í mannlegum samskiptum og átu kanelsnúða og kaffi, á meðan ég baðaði mig í tjörn taumlausrar ástríðu og týndi mér í töfrum tunglskinsgeisla. Og þar sem ég lá í laufunum. Fylltist ég þeirri vissu, að leiðin um skóginn væri auðrötuð þeim sem kunna að leita hjartaróta.

Fædd undir merki krabbans. (2 álit)

í Ljóð fyrir 21 árum, 5 mánuðum
Hræðslan fæddist undir merki krabbans. Það æxlaðist þannig að hún kom í heiminn, eins og við flest, lítil og ræfilsleg. En henni óx fiskur um hrygg, í takt við vaxandi mein. Hana verður seint hægt að stoppa, hún vakir og vex við söng æxlanna.

Dís (4 álit)

í Ljóð fyrir 21 árum, 5 mánuðum
Ef aðeins ég gæti fundið þig og faðmað að þig. Létt af þér þungri byrði haturs og einmanaleika. Laugað sál þína miskunn og kveikt ljós í augum þér. Ef ég ætti í fórum mínum tár, skyldi ég gráta, þér til dýrðar.

Opin rás (3 álit)

í Ljóð fyrir 21 árum, 5 mánuðum
Litróf hugsana minna stuðla við ljúfan söng vorsins. Silfruð dögg á lyngbeði, lágnætti í grænum skógi. Sindrandi sólstafir ylja sér við eldinn, á bleiku skýi. Sóleyjar og silkimjúk fífa, fagna spegilmynd í blárri tjörn. Ég sit hér ein á klöppinni, finn gráa snertingu hennar og óska mér inn í faðm þinn, regnbogann.

Hættulegur leikur. (2 álit)

í Ljóð fyrir 21 árum, 6 mánuðum
Aldan reynir að ná í börnin mín. Hún sleikir sandinn og ég veit að saltbragðið af steinunum kveikir henni brennandi kenndir og eðlislæga þörf, að komast yfir þau öll með tölu og draga með sér niður í djúpin.

Tvö andartök. (1 álit)

í Ljóð fyrir 21 árum, 6 mánuðum
Í fyrsta lagi: Skáskaustu bláum eldingum og berháttaðir mig fyrir allra augum. Í annan stað: Átti ég von á sakfellingu en uppskar gleði, hneykslanlega hamingju.

Minning (4 álit)

í Ljóð fyrir 21 árum, 6 mánuðum
Og núna hef ég kvatt þig. Leiðir okkar sem áður lágu saman, eitt augnablik, í sögu heimsins, hafa greinst í þræði til austurs og vesturs. Hvert sem þú annars ætlaðir að fara, skiptir engu. Því fingur flétta sál minni höfuðgildru úr myndbrotum og þögulli ást.

Leit að punkti á is (2 álit)

í Ljóð fyrir 21 árum, 6 mánuðum
Ég veit ekki hvað er að hrjá mig, og Guð hvað er erfitt að þrá þig. Að þurfa að vaka og vera, venjuleg kona og bera, Sorgir og sandkennda drauma. Að mæla í mammon og verkum, einskisnýt orðin frá klerknum. Er kaldur og klepraður heimur, og ógnarstór gapandi geimur. Ég gullinu að þér lauma. Sem hnýtti og herti um kaldar ísmyndir hlýlega valdar. Af dufti og beinum í fötum, stein í þá svíðandi götum. Er rispa af klórinu auma.

Landið mitt. (1 álit)

í Ljóð fyrir 21 árum, 6 mánuðum
Ég villtist af veginum, kom við í Kringlunni, hringdi í hundraðogtólf, og gargaði gremjulega: Heimurinn minn er horfin. Svo ranglaði reið heim uppí Holtið þar sem grænu grösin bylgjast blýtt: Við söng Elliða, Lóu og Erlu.

Andlegur kveðskapur. (1 álit)

í Ljóð fyrir 21 árum, 6 mánuðum
Hölt ég bíð í bleitu Völt með votan innvið Sölt þau kyssa kinnar Perlur fyrir Páfann. “Ó, þú hái herra” Fló mín bæn til beina Hló mér fíflskri, fuglinn Frjáls í sinni fléttu. Innför. Fláráða öndina fláði ég. Söng mærðarkvæði til dýrðar mörgæsum og hrægömmum, undir meðallagi.

Brynja. (5 álit)

í Ljóð fyrir 21 árum, 6 mánuðum
Þegar ég klæðist fallegu orðunum frá þér, er ég ævintýraprinsessa. Hrynjandi og hljómur vefja mig silki og satíni. Borðar orðanna binda slaufur í hár mitt. Og mig klæjar ekki undan heimagerðum ullarbrókum.

Í frjálsu falli. (2 álit)

í Ljóð fyrir 21 árum, 6 mánuðum
Þegar yfirborð ástar minnar rís og hnýgur í takt við tárin sem renna hljóð eftir slöngum að hjartarótum, er eins og silkivængirnir sem ég hef reynt til flugs límist við sykurkenndan fingur og rifni hljóðlaust. Samúð þína á silfurfati sneiddi ég ofan á brauð lífsins, og drakk henni skál í botni sektarbrunns.

Vor (0 álit)

í Ljóð fyrir 21 árum, 6 mánuðum
Ég hef beðið vorsins, eins og ær. Vonað að það verði ekki hret. En nú frýs vatnið í pípunum. Og frostrósir hneygja höfuð sín.

Akuryrkja. (4 álit)

í Ljóð fyrir 21 árum, 6 mánuðum
Ég veit að áin sem sem flýtur um gljúfrin flæðir yfir bakka sína og vökvar akrana og engin, tárunum sem ég hef safnað. Varnargarðar úr vonlausri viðleitni, ísnálasaumuðum eldþræði og sigtuðum sandi renna út í eitt.

Deild 11E (3 álit)

í Ljóð fyrir 21 árum, 7 mánuðum
Sá sem gaf mér auga í dag, gaf mér par af máðum glerkúlum í vöggugjöf. Og einhver sendi boð með blænum. “Ég er vegurinn, sannleikurinn og lífið” Og ég veit að án hans, er ég bara lítið strá hrímað í frosti, og engir sannir vegir fá blásið í mig lífi.

Þannig. (0 álit)

í Ljóð fyrir 21 árum, 7 mánuðum
Þegar leit ég fyrst þín augu í, þóttist ég þá heiminn hafa fangað. Því í þeim fann það allt sem gaf á ný, þrá og unað þann sem hefur langað að þrýsta þétt að hjarta mér, en hví? Þori ég svo dræmt að létta því á þig af mér svo þagnarinnar blý svo þungt og kalt, sé úr sögunni.

Gjafir frá Guði (5 álit)

í Ljóð fyrir 21 árum, 7 mánuðum
Guð gaf mér eyra og Guð gaf mér auga. Ég sé: Svarta sál mína sitjandi á steini við sjóinn, og með blóðugum klóm slítur hún hjarta mitt í klístraðar ræmur og fóðrar saklausa fiska á eitri. Og ég heyri: Öskur Sorgarinnar, vein Örvæntingarinnar. Þegar Þögnin ætlar að ganga í salinn maldar Áhugaleysið í móinn og pískur Falskra drauma yfirgnæfir engilblítt hvísl Vonarinnar.

Övænting. (8 álit)

í Ljóð fyrir 21 árum, 7 mánuðum
Í stjörnum sem blika, kyrrlátar í rökkrinu. Finn ég hlýja uppsprettu seitla fram með græðandi hvísli. Og þegar orð hennar hafa dropað steinhjartað í brjósti mér. Sendi ég brothætta bæn upp til Hans, sem svífur yfir vötnunum. Að tindrandi tár hennar fái aldrei þornað.

Lausavísur (2 álit)

í Ljóð fyrir 21 árum, 7 mánuðum
Leynt um vanga læðist tár löngum hef þín saknað. Geymd í hjarta glötuð ár gróa illa gömul sár, gefðu grið svo hjartað fái vaknað. Lófa þrýstir lítil hönd, leitar eftir hlýju Heilsar yfir haf og lönd, hjarta þitt að nýju. Vindar blása vonum burt verri gerast taugar vaknar aðeins vökvuð urt visnar sú er grjótið þurrt engar rætur laugar. Nú bið ég þig bróðir minn fróður að búa mér ráð, vertu góður. Því kötturinn hvæsir, og kjálkunum læsir í mig, því ég á ekkert fóður. Þar sem eftirskrif eru...

Mánudagsmorgunn (6 álit)

í Ljóð fyrir 21 árum, 7 mánuðum
Í draumi fann ég fríðan mann á hesti, fagur sveinn í brynju, slegni gulli. En þverrifuna þétttroðna af bulli, þóttist sjá, að hefði litla bresti. Sló mér á lær og lagði mig í dyngju, lék sér að hjarta-píslinni með orðum. Vildi svo út og vatt sér burt frá borðum, frá votum hvörmum vék og léttri pyngju. Fylltu mig fuglinn, gefðu grið og smók færðu mér annan, sem er líka sætur og sjáðu til þess, að verði ekki aum. Vorboðinn ljúfi, viagra og kók, veittu mér stuðning, langar dimmar nætur. Þegar...

Bít-lag (1 álit)

í Ljóð fyrir 21 árum, 7 mánuðum
Hversvegna segja varir þínar að ég sé kyssileg? Er það vegna þess að þær hafa aldrei séð bleikar tungur berjast í baráttu um forsjá Orðsins. Eða vegna þess að broddur hennar er beiskur á daginn en sykraður með svörtu kaffi á síðkvöldum. Svo er það þessvegna sem varir þínar segja að ég sé kyssileg? Að þær hafa aldrei bragðað biturð og blíðu í sama bitanum.
Frostið | Hjálp | Persónuverndarstefna | Notkunarskilmálar | Um Huga

Dýr

Fiskar | Fuglar | Gæludýr | Hestar | Hundar | Kettir

Dægurmál

Deiglan | Fjármál og viðskipti | Stjórnmál

Fræði

Geimvísindi | Heimspeki | Sagnfræði | Tungumál | Vísindi

Leikir

Battlefield | Blizzard leikir | Borðaspil | Call of Duty | Eve og Dust | Final Fantasy | Half-Life | Herkænskuleikir | Manager leikir | MMORPG | Quake og Doom | Spunaspil | The Sims | Tölvuhlutverkaleikir | Tölvuleikir

Lífið

Börnin okkar | Hátíðir | Húmor | Rómantík | Skóli | Sorp | Tilveran

Lífsstíll

Djammið | Dulspeki | Ferðalög | Fræga fólkið | Heilsa | Heimilið | Húðflúr og götun | Matargerð | Skátar | Tíska & útlit

Margmiðlun

Grafísk hönnun | Hljóðvinnsla | Kvikmyndagerð | Ljósmyndun | Vefsíðugerð

Menning

Anime og manga | Bækur | Harry Potter | Ísfólkið | Leikhús | Ljóð | Myndasögur | Myndlist | Smásögur | Tolkien | Ævintýrabókmenntir

Skjár

Gamanþættir | Kvikmyndir | Raunveruleikaþættir | Sápur | Sci-Fi | Sjónvarpsefni | Spenna / Drama | Teiknimyndir

Sport

Bardagaíþróttir | Box | Bretti | Dans | Fimleikar | Frjálsar íþróttir | Golf | Handbolti | Hjól | Hokkí | Íþróttir | Jaðarsport | Knattspyrna | Körfubolti | Litbolti | Skák og bridds | Stórmót | Veiði | Vetraríþróttir

Tónlist

Danstónlist | Gullöldin | Hip hop | Hljóðfæri | Íslensk Tónlist | Jazz og blús | Klassík | Metall | Músík almennt | Popptónlist | Pönk | Raftónlist | Rokk | Söngvakeppnir

Tækni

Apple | Farsímar | Forritun | Græjur | Leikjatölvur | Linux | Netið | Vélbúnaður | Windows

Vélar

Bílar | Flug | Formúla 1 | Jeppar | Mótorhjól | Mótorsport

Hugi

Hugi.is - allt sem hugurinn girnist
Hugi notar vefkökur til að bæta notendaupplifun á vefsíðunni og greina umferð um hana. Einnig hefur Hugi uppfært persónuverndarstefnu sína. Skoðaðu stefnuna hér..
Ok