Ef þú færð einhvern til að koma með gítarinn til landsins vertu þá viðbúinn því að viðkomandi verði stoppaður í tollinum og þurfi að sýna fram á hvað gítarinn kostaði og borga VSK af því. Ég keypti nýjan gítar í USA fyrir tveimur árum og var stoppaður í tollinum og þurfti að borga virðisaukastatt. Ég nennti ekki að reyna að komast hjá því að borga enda var gítarinn augljóslega glænýr og ég var að flýta mér að ná innanlandsflugi.
Það er nokkuð til í því en þá verð ég að hækka verðið upp í 177k. Ég mun ekki selja hann nema ég fái 150k í vasann. Ef ég myndi selja hann á 150k í gegnum hljóðfæraverslun þá fengi ég 127.500 kr. fyrir hann sem er alltof lítið.
Í rauninni vantar mig ekki neitt nema kannski góðan kassagítar með pickup. Það mætti hinsvegar freista mín með einhverju öðru, t.d. Eric Johnson Stratocaster eða einhverjum öðrum góðum rafmagnsgítar Celestion Vintage 30 hátalara Eminence Wizard hátalara eða öðrum Emi Lítill en góður bassamagnari. Mér dettur ekkert fleira í hug í augnablikinu enda er ég mjög vel settur græjulega. Skelli hér inn til gamans lista yfir það sem ég á: Gítarar: Gamall Yamaha stálstrengja kassagítar Eldgamall lítill...
Nákvæmlega! Ég hef bara prófað hann á “bedroom” styrk og fannst hann hljóma mjög vel og stóð hann alveg jafnfætis Bogner Shiva stæðunni minni hvað hljómgæði varðar.
Ég er hálf hissa á að hann sé ekki seldur þar sem verðið er mjög gott. Kannski er einhver að bíða eftir að ég lækki verðið enn meira, en það mun ég ekki gera.
Ég átti þennan gítar um tíma og satt að segja þá sé ég hálfpartinn eftir því að hafa látið hann frá mér. Þetta er einn best hljómandi Telecaster eða jafnvel best hljómandi rafmagnsgítar sem ég hef spilað á (og hef ég átt nokkuð marga góða gítara). Gítarinn fær mín meðmæli.
Ég er nýbúinn að taka í gegn Blues Deluxe. Það voru nokkur brunnin viðnám í honum en það sem átti stærstan þátt í að gera hljóminn bjagaðan var brunnið “screen grid” viðnám. Það gæti verið það sama að þínum magnara en það gæti líka verið eitthvað allt annað. “Screen grid” viðnámin (R57 og R58) eru frekar aðgengileg og þarf ekki einu sinni að losa prentplötuna sem þau eru á til að skipta um þau. Önnur viðnám sem voru brunnin voru: R90 6k8 1w R80 og R81 47R 1/2w Einnig þurfti að hreinsa flest...
150.000 kr. tilboðið var tímabundið og gilti aðeins fram á mánudag eins og fram kom í auglýsingunni. Ég auglýsti magnarann aftur á 170.000 kr. á mánudaginn og er það verðið núna.
Já ég skil. Reyndar er þekkt að Mesa/Boogie stillir hvíldarstrauminn í kraftlömpunum frekar lágt (e. cold bias) þannig að samkvæmt því ættu lampar í Mesa mögnurum að endast lengur. Formagnaralamparnir duga venjulega í fjölda ára. Síðan er hægt að keyra þennan magnara með eftirfarandi sparnaðarleið: Stilla á 50W (fjórir EL34 í hvíld, tveir í notkun) Stilla á Silicon Diodes (allir þrír 5U4 afriðilslamparnir í hvíld) Velja Spongy stillingu (lægri spenna á lömpunum)
Skv. fyrri eiganda var magnarinn ekki mikið notaður og ættu lamparnir því að eiga mikið eftir. Ég spilaði í gegnum magnarann í um 1 klst. þegar ég fekk hann til að athuga hvort ekki væri allt í lagi og virkaði allt vel. Ég fékk þennan magnara í skiptum fyrir gítar sem ég var með til sölu og ætlunin var að selja magnarann strax aftur. Hann bíður því bara ónotaður hjá mér eftir því að einhver kaupi hann.
Jú, ég hafði hugsað mér að fá bara pening fyrir magnarann. Það mætti samt reyna að freista mín með einhverju dóti :) Mig vantar t.d. góðan brúarpickup fyrir Stratocaster, einhvern feitan jafnvel humbucker í single coil stærð. Einnig er ég svag fyrir Eric Johnson Stratocaster. Hafðu samband ef þetta gengur með F-50.
Ég hef ekki prófað Rectifier magnara en ég held að hljómurinn í þeim sé dálítið öðruvísi en í þessum. Þessi er með svona “hot rodded” high gain Marshall hljóm + góð clean rás. Hann er jafngóður og Rectifier í þungarokk en hvor er betri er bara spurning um smekk. Prófaðu að finna “Mesa Stiletto” á Youtube til að fá fleiri hljóðdæmi. Gallinn við hljóðdæmin er bara að hljómgæðin eru oftast lítil.
Ástæða sölu er að losa um dót og fá pening í staðinn. Ég fékk þennan magnara í skiptum fyrir gítar sem ég var með í sölu og ákvað að reyna að selja magnarann í staðinn. Ég er aðeins búinn að eiga magnarann í nokkra daga og ég auglýsti hann til sölu sama dag og ég gerði skiptin.
Þetta er náttúrulega yfirdrifið afl en það er hægt að skipta honum niður í 50W og Master Volume takkinn virkar mjög vel. Ég prófaði magnarann heima í gær með tvö lítil börn sofandi í húsinu og fannst hann hljóma mjög vel á svo litlum styrk.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
