Árið 1985 kynnti General Motors til sögunnar innspítingu sem heitir Tuned Port Injection (TPI). Hún er auðþekkjanleg á löngum rörum er liggja niður í milliheddið. Frá 1985-1989 byggðist hún á MAF skynjara en frá 1990-1992 var honum sleppt og MAP notað í staðinn.
Árið 1989 átti Pontiac Firebird Transam 20 ára afmæli og í tilefni þess var gerð sérstök afmælisútgáfa. Í stað þess að byggja hana á útlitinu þá fór Pontiac þá leið að láta aðal muninn vera í húddinu, en þar var 3,8L Buick vél með túrbínu.
Hér eru nokkrar úrvalsbifreiðar fyrir framan eina af verksmiðjum Chevrolet. Mig minnir að myndin sé tekin fyrir framan verksmiðjuna í Flint sem var ein af þekktustu verksmiðjum þeirra, og er einnig þekkt í sögu verkalýðs í Bandaríkjunum.
Ég var að dunda mér við að pólera 16" High Tech felgu af Pontiac Firebird Transam um daginn. Breytingin er ótrúleg. Til að pólera notaði ég ýmsa grófleika af sandpappír og endaði á Metal Polish frá Mothers.
Þessi sæti var ég að versla í Transaminn minn. Þau úr 2002 módeli af WS6 Transam, en fjórðu kynslóðar sæti passa í þriðju kynslóðina án nokkurra breytinga.
Vegna fjölda áskoranna ;) ákvað ég að senda aftur inn mynd af bílnum mínum, 1986 Pontiac Firebird Trans Am. Ég reyni svo að redda nýjum myndum af honum eftir helgi :)
Þessi mynd er af árgerð 1923 af FORD T BUCKET, með 283 cid V8 og ýmsu góðgæti. Þessi bíll er kannski ekki sá praktískasti fyrir fjölskyldufólk en þá er bara að senda krakkana með strætó :)
Þessi mynd er af mínum eðaltrukk, en hann heitir fullu nafni Chevrolet Blazer K5 Silverado og er af árgerð 1981. Undir honum eru 38“ dekk en ég breytti honum fyrir 44” fyrir löngu síðan. Í húddinu er 350 sbc (5,7 lítra) V8. Annars þá er hann: TH350, NP208, D44/12bolta, 4,88:1, tregðulæsingar ofl.
Jæja þá er sprautun á mínum Trans AM komin langt áleiðis. Blái liturinn er kominn á en það á eftir að sprauta þann gráa. Bíllinn er partasprautaður þannig að hann er hálf fátæklegur að sjá á myndinni.
Þó hann eigi kannski frekar heima í jeppaáhugamálinu þá ákvað ég að senda inn mynd af vetrarbílnum mínum. Það er 1981 árgerð af Chevrolet Blazer K5 Silverado. Í húddinu er nokkuð spræk 350 cid en við hana er tengd TH350 sjálfskipting. Annars þá er í bílinum NP208 millikassi, Dana44/GM 12 bolta hásingar með 4.88:1 hlutföllum og tregðulæsingum. Bíllinn er á 38“ dekkjum en er breyttur fyrir 44”.
Kínverjar gera ekki aðeins flotta bíla geta þeir gert mjög ósmekklega bíla líka. Þessi bíll er reyndar gerður fyrir túrista en mér finnst það engin afsökun…..
Helstu bílaframleiðendur heims hafa gert sér grein fyrir að Kína er þar sem framtíðin liggur. Þeir hafa því komið sér upp verksmiðjum þar. Þar að auki er fjöldinn allur af kínverskum framleiðendum. Ég rakst á þessa mynd af kínverskum bíl, en því miður skildi ég ekkert það sem var skrifað um hann (verð að fara að dusta rykið af kennslubókunum í kínversku ;).
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
