Æ, æ, það er nú sem betur fer ekki svona slæmt hjá mér. Minn hefur ekki orðið fyrir neinu hnjaski. Það er spurning hvort ryk fer eitthvað illa í hann, hann fer stundum í svona kúlu og hleypur um gólfin og fer auðvitað í öll horn sem hann kemst í, þannig að þetta er kannski tengt því. Ég verð bara að fylgjast betur með því.
Ég er algjörlega sammála því að þessar bækur eru æðislegar. Gat ekki hætt að lesa og kláraði fyrstu þrjár bækurnar á mjög stuttum tíma. Held ég hafi alrei verið jafn spennt :) En smá leiðrétting, örugglega bara smá ruglingur hjá þér, 4. bókin heitir “Breaking Dawn”. Ég er rétt að byrja á henni og held hún sé ekkert síður spennandi en þær fyrri þrjár. Svo get ég ekki beðið eftir myndinni. Ég býst samt ekki við að hún komi út hérna á Íslandi fyrr en bara eftir áramót fyrst hún kemur út í USA í...
Eigum við ekki bara að fá alla heimsbyggðina til að “endurhugsa ”trú“ sína”? Bætt við 21. desember 2007 - 03:38 Svo er ekki hægt að ætlast til þess að fólk rökstyðji eða gefi forsendur fyrir tilfinningum og innsæi.
Já, þín trú sökkar og örugglega þú líka. Finnst þér þú sýna þroska með þessu, að staðhæfa eitthvað sem þú veist ekkert um? Af hverju ætti ég ekki að taka barn alvarlega sem segðist trúa á drauga? Ég trúi sjálf á drauga. Svo veit ég ekki til þess að nokkuð sé hægt að sanna um trú og til dæmis karma og þar af leiðandi er ekki hægt að krefjast þess að maður komi með hugmyndir og skoðanir byggðar á einhverju öðru en því sem manni finnst sjálfum vera rétt. Ekki veit ég hverju þú trúir, ef það er...
Hvernig færðu það út? Eru mínar hugmyndir um þetta eitthvað verri eða óraunhæfari en þær sem þú hefur? Þessar hugmyndir mínar eru að hluta til komnar frá búddisma og að hluta til frá sjálfri mér.
Áttu þá við að karma “eigi sér stað” í einu og sama lífinu en ekki á milli lífa? Ég vil meina að karma hafi áhrif á milli lífa. Slæmu og góðu hlutirnir sem þú gerir í þessu lífi hafa áhrif á aðstæður þínar í næsta lífi. En það hlýtur auðvitað að vera þannig að ef þú lætur gott af þér leiða í þessu lífi, þá fáirðu eitthvað til baka sjálfur í sama lífinu. Ég vil samt ekki kalla það karma, en ég veit ekki hvað væri hægt að kalla það. Það er mín skoðun/trú á karma.
Ég mætti á svona æfingar hjá Björk síðasta vor og það var æðislega gaman, en þau virðast ekki vera með þetta þar lengur. Svo skildist mér þegar ég talaði við Gerplu fyrir tæpu ári síðan að þetta væru lokaðir hópar hjá þeim, sem þyrfti að skrá sig í. Annars er ég að athuga núna með Ármann. Takk fyrir ábendinguna!
Ég er víst ein af þessum “sumum”. En það er samt ekkert sem segir að maður geti ekki haldið uppi sjálfsaga og borðað almennilega fæðu. Það er sagt að það taki þrjár vikur að venja sig á eitthvað nýtt (eða af e-u gömlu), svo kannski er málið bara að þrauka út þrjár vikur :)
En nú veit ég ekki hver mín fituprósenta er og er ekki með aðgang að neinni líkamsræktarstöð þar sem ég get fengið hana mælda, hvað get ég þá gert? Er hægt að fá þetta mælt einhvers staðar annars staðar? Já, ég er víst með aðeins meira en “örþunnt lag af fitu” á maganum, en alveg örugglega með slatta vöðva. Kann bara ekki - eða öllu heldur nenni ekki að standa í því - að ná þessari litlu fitu af mér.
Ég veit alveg að þátturinn verður eftir viku. Málið er bara það að þetta er fastur dagskrárliður og mér finnst það óþolandi þegar eitthvað annað er látið ganga fyrir, og þá sérstaklega þegar það er einhver hörmulegur ruglþáttur. Það er allt annað mál þegar landsleikir eru teknir fram yfir dagskrárlið á RÚV, ég sætti mig við það. Ég er að borga fyrir “þjónustu” og ef mér líkar hún ekki þá er ekkert að því að kvarta.
Ég er ekkert að biðja um að neinu sé breytt núna. Mér finnst þetta bara svo fáránlegt að einhver einn stakur þáttur, og það svona svakalega “merkilegur” þáttur, sé tekinn fram yfir annan dagskrárlið, sem ég er nokkuð viss um að sé mun vinsælli en flutningur einhverra hjóna úti í heimi og hvernig þeim gengur að finna húsgögn og eitthvað kjaftæði. Og þó svo engu verði breytt finnst mér það bara allt í lagi að segja sína skoðun. Það hefði líka alveg örugglega verið hægt að troða þessum beckham...
Ég er svolítið að hugsa um magavöðvana, en nei, hvorki labba né hlaupa hugsa ég. Allavega ekki hlaupa. Það væri kannski hægt að prófa að labba. Bætt við 30. júlí 2007 - 20:21 Svo er ég að hugsa um að gera fótsveiflur með þessa poka á ökklunum, sjá hvort það geri ekki eitthvað fyrir lærin.
Einhvern tímann fann ég síðu þar sem hægt var að sjá tónlistina úr öllum þáttunum. Ég finn hana bara ekki núna. Það er líka svo auðvelt að komast óvart að því hverjir detta út áður en við sjáum það í sjónvarpinu, þannig að ég þori ekki mikið að leita að þessu.
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
