Hugi.is - Notendur

Hún (1 álit)

í Ljóð fyrir 16 árum, 8 mánuðum

Þetta kvöld var ég bara strákbjálfi eins og öll önnur kvöld gellur voru bara gellur og ég hélt að ég ætti allan heiminn. þá sá ég hana. Hún var með dökka lokka sem liðuðust um háls og herðar rannsakandi snertandi augu sem sáu allt að mér fannst, ég roðnaði og langaði helst að hverfa í þetta lokkaflóð tínast og aldrei koma aftur.

Beðið (8 álit)

í Ljóð fyrir 16 árum, 8 mánuðum

Allan daginn beið ég eftir að sjá andlit þitt. Þögnin tómleikinn hékk í loftinu ekkert heyrðist nema þrusk saknaðarins þegar hann kom fram úr fylgsni sínu.

Sá gráðugi sú drýldna og herra beiskur (3 álit)

í Ljóð fyrir 16 árum, 8 mánuðum

Það grætir ekki gráðugan þótt grunnt sé í pyngju fátæks manns hver eyrir sem græðgin kreista kann klingir dátt í sjóðnum hans. Stolt hún horfir á spegilinn segir lotningarfull við myndina slíka fegurð ég hvergi finn fram með rauðu dreglana. Ég vildi að allur hans heiður hefði mér fallið í skaut vegur til valda yrði greiður hans vegsemd mín framabraut.

Gömul ást (1 álit)

í Ljóð fyrir 16 árum, 10 mánuðum

Á hægri ferð niður Bankastrætið skaust óljós sorg hraðar en hljóðið léttari en fjöður gegnum huga minn, í baksýnisspeglinum þekkti ég strax þessar ávölu mjaðmir.

2007 (2 álit)

í Ljóð fyrir 16 árum, 10 mánuðum

Sterkar ástríkar hendur þínar vekja sofandi losta innra með mér þegar snerting þeirra kortleggur áður óþekkt unaðssvæði. Þær bera mig með sér djúpt djúpt inn í lönd innstu drauma minna þar sem ég finn fullnægju og frið í hlýjum faðmi þínum.

Frétt spurning svar (1 álit)

í Ljóð fyrir 17 árum, 9 mánuðum

Frétt Litlir tíu ára snáðar sem ástlaus gatan hafði alið og hvegi áttu höfði sínu að halla sendir sem leikföng til satista og fóður fyrir vergjarna kellu hans . Spurning Hver bjó um pakkann lét fylgja með nýja brúna strigaskó, græna úlpu frá vetrarhjálp og blautan kaldan koss á barnsvanga. Svar Heigul pólitísk skipuð smámenni fóru um stræti og torg allir skyldi þeir burt. Burt vestur í afdali þessir ormar og ótuktir er væru sem fleinn í skinheilagri samfélagsmynd barnaverndar smámenna.

Bílprófið (3 álit)

í Ljóð fyrir 18 árum

Hann var bara sautján hvorki barn né maður veruleikafirrtur ungur strákur. Daginn sem hann fékk bílpróf var hann töff nú skildi sýna öllum hvernig aka ætti um stræti og torg. Í botn var gefið með Palla og Stínu djöflast í stöngum og stýrinu í brjálæði snúið. Með rifin maga brotin haus og stýrið á kaf í lungum stundi hann upp hvar er eiginlega ESCAPE á þessu fjandans mælaborði. Of seint fyrir Palla og Stínu.

Laugardagskvöld í Ingólfsstræti (1 álit)

í Ljóð fyrir 18 árum, 9 mánuðum

Gul blikkandi ljós flökta í fjúkinu milli Hundrað og eins og Næsta bars, meðan snjóskafarinn þræðir sér leið milli gljáandi “víðáttu flækinga”, sem æla út úr sér sauðsvörtum lýðnum með röndótta lykkjutrefla á leið í rann bakkusa

Ósk (4 álit)

í Ljóð fyrir 18 árum, 10 mánuðum

Sem örfínn þráður er ég í höndum þér farðu um mig mjúkum höndum og kysstu blítt á enni mér.

Kveiktu bara nýjan eld (7 álit)

í Ljóð fyrir 18 árum, 10 mánuðum

Ég er sokkin upp að hnjám í sjálfsvorkun og eymd. Stari út um gluggann og mála lífið blýgráum tónum úr öskunni frá eldinum sem kulnaður er í brjósti mínu.

Það andaði köldu (4 álit)

í Ljóð fyrir 19 árum, 7 mánuðum

Við stóðum þarna þögul í rigningunni þegar hún skaut skyndilega út úr sér tungunni og fangaði fallandi snjókorn.

Hún (1 álit)

í Ljóð fyrir 19 árum, 8 mánuðum

Hún var með dökka lokka sem liðuðust um háls og herðar rannsakandi snertandi augu sem sáu allt að mér fannst, ég roðnaði og langaði helst að fela óörugga ástleitna fingur í þessu lokkaflóði tínast og aldrei koma aftur.

Stjörnubjart kvöld í þorpinu. (1 álit)

í Ljóð fyrir 19 árum, 9 mánuðum

Hann horfði á mig rannsakandi augum, ert þú þessi grímulausi bófi sem ert að fara með þorpið á taugum, læðist um í næturmyrkrinu og gónir upp í loftið. JEG! ég er nú bara að leita að augunum hennar Sigggu Sveins þarna uppi meðal stjörnuskara. Ja hérna þið þessir draumóra menn og utanveltu kónar. Þú ættir nú að vita að augun voru grafinn með henni suður í kirkjugarði. Svo blessaður vertu ekki að voma þetta lengur. Það er jú fullt hús af fiski í frystihúsinu á morgun.

Á barnum (4 álit)

í Ljóð fyrir 19 árum, 9 mánuðum

Hann er sagður vera stórskáld sá sem situr þarna við borðið og glápir ofan í glasið sitt öllum stundum, kófdrukkinn auðvitað ekki nema von að enginn nenni að hanga með honum nema hans eigin spegilmynd sem riðar fram og til baka í glasinu auðsjáanlega ekki minna drukkin en hann sjálfur. Sækjast sér um líkir það má nú segja o sveiattan. Mér er sagt að hann hafi týnt lykklinum að einhverjum fjársjóði sem á víst að vera geymdur í sálu hans ja hérna sér er nú hver vitleysan. Skál félagi:)

Efinn (3 álit)

í Ljóð fyrir 19 árum, 10 mánuðum

Allir fuglar sumarsins eru flognir á braut Í öræfakyrrðinni er ég einn með nöktu landinu og minninguna um kossana á vörum mínum. Skyldu þeir verða eins hverfulir og fótspor heiðargæsanna í fyrstu snjóum haustsins.

Flöskuskeyti (1 álit)

í Ljóð fyrir 19 árum, 10 mánuðum

Án þín er ég sem einmanna haustlauf er hrekkst um stræti og torg, og leitar skjóls undir húsvegg í bjarma götuljóss. Ég er tíndur án þín sem áralaus bátskel á ólgandi úthafi um niðdimma nótt. það ert þú sem ert mold mín hlý og mjúk, þú bara þú sem ert mitt segulskaut.

Hamingjan (0 álit)

í Ljóð fyrir 19 árum, 10 mánuðum

Fyrir þá þær sem leita að hamingjunni. Ef hugur þinn er fullur af frið og ró og fölskvalaus gleði í brjósti býr þá auðnast þér æðsta hamingja og fró og hjarta þitt fyllir, kærleikurinn hlýr.

Kveðja (2 álit)

í Ljóð fyrir 19 árum, 10 mánuðum

Að stundu erum við skilin sem silfruð næturdöggin er kveður rósarblað í birtingu morgunsólar. Og hvefum inn í eilífðina sem dansandi yðukast leiftrandi norðurljósa.

Fullt tungl (1 álit)

í Ljóð fyrir 20 árum, 7 mánuðum

Í kvöld er ég hlekkjaður í fjötra mánans, einsemdin heltekur mig tár mín eru sem drífa rósa blaða sem birta mér minningarbrot um þig.

Undir áhrifum frá Yeats. Dagdraumar lítilmagnans. (0 álit)

í Ljóð fyrir 21 árum

Verið velkominn í hús mitt njótið alls þess besta sem ég hef að bjóða ástar og gleði dýryndis rétta og eilífðar sælu, gætið þá að að ganga hljótt um sali því þið gangið á draumum mínum. W.B.Yeats “I have spread my dreams under your feet; Tread softly because you tread on my dreams”

Haust (1 álit)

í Ljóð fyrir 21 árum

Hún horfir sljóum augum út um gluggann á gul laufblöðin sem halda dauðahaldi í titrandi greinar trjánna. “Ég skelf hér einmanna og gömul hrædd við lífið sem ég elskaði er ekki tímabært fyrir okkur að sleppa takinu”.

Samferðamaður (2 álit)

í Ljóð fyrir 21 árum

Á milli þín og mín er hyldjúp gjá sem ekkert fær brúað nema skuggar okkar.

Spurt eftir mörg mörg ár (4 álit)

í Ljóð fyrir 21 árum

Það andaði fnyki úr iðrum andskotans frá andremmunni úr slefandi kjaftvikum þínum í glyrnunum stigu villtan girndardans gólandi púkar með úldnum fylgisveinum sínum. Með kámugum fingrum og klístugri djöfuls saurgun kæfðirðu barnæskuna mína hverja nótt mátti ég þola hryllings nauðgun hvar varstu ÞÚ sem áttir að passa stelpuna þína?

Einsemd (3 álit)

í Ljóð fyrir 21 árum

Tunglið varpar birtu sinni á svefnherbergis tjöldin, í nótt er ég einmanna og dapur bylti mér í rúminu get ekki sofið. Ég set á mig skó og fer út í nóttina kannski er einhver þarna úti í mánaskininu sem vill tala og láta faðma sig. Að stundu liðinni kem ég aftur inn skyrtan mín er tárvot og límist við brjóst sem finnur engan frið.

Haust (2 álit)

í Ljóð fyrir 21 árum, 1 mánuði

Í gegnum síðustu laufblöðin á greinum reynisins sem hneigði græna krónu sina svo tignarlega til mín í sumar smýgur rauðbleikur bjarmi borgarljósanna frá haffletinum inn um gluggann til mín, Eftir götunni ferðast nokkur einmanna laufblöð í samfylgd ískaldra vinda. Í kvöld finn ég að haustið er að koma það horfir á mig líflausum gráum augum sem vænta einskis og horfa bara í gegnum mig.

Notendur

Hún (1 álit)

Beðið (8 álit)

Sá gráðugi sú drýldna og herra beiskur (3 álit)

Gömul ást (1 álit)

2007 (2 álit)

Frétt spurning svar (1 álit)

Bílprófið (3 álit)

Laugardagskvöld í Ingólfsstræti (1 álit)

Ósk (4 álit)

Kveiktu bara nýjan eld (7 álit)

Það andaði köldu (4 álit)

Hún (1 álit)

Stjörnubjart kvöld í þorpinu. (1 álit)

Á barnum (4 álit)

Efinn (3 álit)

Flöskuskeyti (1 álit)

Hamingjan (0 álit)

Kveðja (2 álit)

Fullt tungl (1 álit)

Undir áhrifum frá Yeats. Dagdraumar lítilmagnans. (0 álit)

Haust (1 álit)

Samferðamaður (2 álit)

Spurt eftir mörg mörg ár (4 álit)

Einsemd (3 álit)

Haust (2 álit)

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi