Ef þú ert ,,villtari" með 3-tréinu heldur en ásnum, þá er líklegt að skaftið í þristinum henti þér ekki. Ég mundi giska á að það væri líklega of svagt og þú ættir að prófa stífara skaft. Að minnsta kosti er það líkleg skýring. Rétt er að benda á að engar sérstakir stífleikastaðlar eru á sköptum. Það sem telst vera regular hjá einu fyrirtæki, getur verið stífara en stiff-skaft hjá öðru. En besta leiðin er að prófa sig áfram.

Ég held að það rétta sé að atvinnumenn spili hvergi í heiminum með forgjöf, nema í íslenskum scramblemótum. Það segir sig jú sjálft að atvinnumenn keppa um verðlaun sem eru án forgjafar. Hins vegar hefur maður stundum rekist á að forgjöf atvinnumanna er reiknuð út og líklegt er að viðkomandi sambönd/mótaraðir haldi einhverja tölfræði um slíkt. Þess má svo geta að forgjöf atvinnumanna hér á landi var gefin út fyrir síðasta landsmót, þar sem forgjafaröð réði því hverjir komust inn í mótið.