Ég get ekki skrifað löng ljóð sökum þess hvað ég er oftast tóm af tilfinningum og þegar þær koma (hún er þó ofast ein og heitir víst sorg, ég er ekki alveg klár á hvað hún er) gríp ég þær glóðvolgar og þvinga þær til að setja orð á blað þegar ég hef skrifað nokkrar línur verða þær uppiskroppa með tilfinningar eins og ég og þá sitjum við oft báðar sorgin (sem ég kann samt ekki almennileg skil á) og ég sorgmæddar yfir tilfinningaleysinu
… ældi ég og nú róta ég í ógeðinu í leit af einhverju ætu hugsunin um að fá mér eitthvað nýtt og létt í magann nei og ég finn aftur eitraða bitann sem olli magakrampanum
Ég minni svolítið á tunglið þessa dagana; þótt stundum lýsi aðeins lítill hluti af mér og inn á milli slökkni ég alveg er ég skríð í skjól mitt, gægist ég samt alltaf aftur út; hrífst af ljósinu eina ferðina enn og endurkasta því af lífs og sálar kröftum En nú hefur þú sett stein í tannhjól tímans; fest mig í ljósinu og ég sem er svo vön að snúast í sömu rótgrónu rútínunni, vona að þú hafir fest steininn vel Tileinkað Svenna Dal
Strjúktu vanga minn og mér mun blæða óvtíræðum tárum söknuðar þó þú sért ekki á förum Láttu á það reyna; grafðu mig lifandi og sjáðu að ég mun enga tilraun gera til að losna Fangaðu mig mér er sama- ég er fangi fyri
Þegar ég sest niður í miðri mannmergðinni og þú togar í mig, skipar mér að standa upp; hvæsir að ég sé þér til skammar er ég að bíða, bíða, bíða eftir að þú hlammir þér niður á móti mér og finnir hvað það er gaman að vera hneykslunarefni
Augun þín sem áður voru full af tunglskini eru orðin dökkskýjaðir himnar En ég bíð samt hjá þér og horfi á heiminn taka framúr mér alveg sama hvar ég er mig langar alltaf að flýja því sama hve nálægt ég fer mun ég aldrei ná til þín
Ég allar þínar þjáningar tæki þungann á mínar axlir setti þér aldrei skyldi skrika fæti sorgum þínum af ég létti Fyrir þig, vildi ég gæti hugann hert hjálpað þér við að glíma ég finn svo til að geta ekkert gert og grátbið um betri tíma
Þú ert regnboginn sem ber mér fyrir sjónir, Þegar rignir og rokið feykir mér af slóð minni, Þú ert sólin sem gægist hughreystandi, Þegar frostið nístir og snjórinn þyngir spor mín, Þú ert svöl golan sem kælir mig á sumrin, Þegar hitinn er mér um megn, Þú ert mjúk og hlý sumarnóttin, sem vefur um mig höndum sínum- höndum þínum
Ég er fugl án fjaðra -reytti þær þó af mér sjálf Ég er maður án handa -hjó þær þó af mér sjálfur Ég er ég án þín þó án þín sé ég ekki ég -hrakti þig samt burt sjálf Veittu öðrum hendur og fiður og sviptu mig sál minni Gefðu öðrum það sem mig vantar -þó helst ekki það sem mig vantar mest
Ég veltist um í rúminu. Eða kannski voru það bara hugsanirnar sem veltust um í hausnum mínum sem gerðu mig svona sjóveika. Ég vissi það ekki. Ég gat ekki hent reiður á nema örfáum hlutum þessa dagana. Kannski var þetta bara hugurinn minn að reyna að finna sinn stað í mér. Ég vissi það ekki. Andskotinn, nei, ég bara vissi það ekki. En hvað sem það nú var, hélt það fyrir mér vöku og hafði gert margar nætur, marga daga, hvað það nú var lengi sem ég hafði legið hér. Ég hafði hugsað. Hugsað um...
Þú sækir mig heim í draumum og ég öskra á þig að hætta þó svo ég viti að án heimsókna þinna væri minnið ekki svona gott- væri tilfinningin ekki svona sterk því eins sárt og það er að sakna vil ég aldrei hætta því
Ég leit inn í fataskápinn að morgni úrill og sá; að góða skapið átti eftir að þvo eftir gærdagsins ólgur og sjálfstraustið lá þarna óstraujað og krumpað af þér Svo ég klæddi mig viðkvæmninni Bara verst að þetta var eilítið eins og að klæðast nýju fötum keisarans; það sá þau enginn nema ég
Tilfinningar mínar líkt og ofvernduð börn aldrei sleppt frjálsum vegna þeirrar kenningar að það sé öllum fyrir bestu Gera tilfinningar líka uppreisn á endanum?
Þessa nótt Þegar gítarsöngurinn var rödd þín og öll stjörnuhröpin fóru í óskir um þig Beið ég þess að norðurljósin tækju mig í fangið þau teygðu sig svo ákaft eftir mér eins og ég eftir þér En náðu mér aldrei eins og ég þé
Í kaldri rigningu dimmrar nætur var mér litið á einmanna ljósastaurinn í sveitinni Þið voruð svo óhuggnalega lík Alltaf stóð hann þarna staðfastur og lýsti upp heiminn fyrir mé
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
Hugi notar vefkökur til að bæta notendaupplifun á vefsíðunni og greina umferð um hana.
Einnig hefur Hugi uppfært persónuverndarstefnu sína. Skoðaðu stefnuna hér..
