Ég sit í eldhúsinu og horfi yfir borðið á auðann stólinn þinn. Ég finn hvernig tárin reyna að þrýsta sér inn í höfðinu á mér og þeim langar út um augun. Ég horfi upp og reyni að berjast við þau. Mig verkar í barkakýlið og undir augun, ég finn hvernig þau sigra mig og stíflan brestur. Eins og það getur verið gott að losa um tárin, þá svíður mér alltaf í hjartað, fingurna, varirnar og verkjar í líkamann er ég græt þig. Ég reyni alltaf að berjast með öllu sem ég á, þegar að því kemur. En...

Tréið teygir grein, á móti tunglsins brú, trésins tákn ég ein og tunglið það ert þú. Þakklát er ég þegar nóttin þokast inn því þú ert það sem þekur himininn. Lauf mín leika við lýsingu frá þér. Eftir óra bið, ertu hér hjá mér. Stjörnur standa hér og styðja okkar ást. Þeim þakklát erum vér, því sköpun okkar brást. Dapurleikinn dafnar er dagur dansar inn því dagurinn hann deyfir drauminn minn.

Þegar ég vaknaði fann ég hvernig sólin skein á tærnar á mér, sem stóðu undan sænginni. Tærnar voru löngu vaknaðar og þær vissu ekki að ég væri komin út úr draumaheiminum. Ég heyrði að þær voru að spjalla saman, mér til mikillar undrunnar,ég hafði enga hugmynd um að tærnar lifðu sjálfstæðu lífi á meðan ég hvarf á vit draumanna. Þær voru að tala um mig! Ég heyrði að þær sögðu að ég væri ótrúleg svefnpurka og það væri óþolandi að ég gæti ekki ákveðið mig hvernig ég ætlaði að liggja. Vá hvað ég...

Ég sat við gluggann minn og horfði á regnið dansa niður rúðuna, mér fannst svo fallegt hvernig umhverfið breyttist er ég horfði í gegnum regndropana. Tréin urðu dálítið dulafull þar sem þau drukku í sig súrefnið frá vatninu sem baðaði lauf þeirra, fólkið úti varð ójafnt í lögun og það minnti mig á þegar ég var lítlil og var að horfa í jólakúlu og andlit mitt skældist og varð skoplegt. Ég fann hvernig orka regnsins var að næra sál mína og sendi hug minn af stað í draumaheim dagsins. Þar var...