Istorrent er ekki með nein eintök af birtu verki. Hins vegar væri hugsanlega hægt að lögsækja þá fyrir meðvitaða vitneskju um ólöglega starfsemi, þar sem það getur orðið til þess að Istorrent/Svavar sé samsekur notendum Istorrents.

Svo er þetta áhugaverð lesning:

Http://www.althingi.is/lagas/nuna/2006053.html
Lög um öflun sönnunargagna vegna ætlaðra brota á hugverkaréttindum. 2006 nr. 53 13. júní.

Gott er að lesa líka þingskjalið með skýringum við hverja grein, sjá tengilinn “frumvarp til laga” efst í skjalinu.

Í lögunum er mælt fyrir um hvaða skilyrðum skuli fullnægt svo að sönnunargagna verði aflað.

3. gr. Nú gerir sá sem telur sig rétthafa hugverkaréttinda er getur í 1. gr. eða sá sem lögum samkvæmt hefur heimild til að hagnýta þau réttindi sennilegt að einhver hafi brotið gegn þeim réttindum og er þá heimilt að kröfu hans sem gerðarbeiðanda að afla sönnunargagna samkvæmt lögunum hjá viðkomandi sem gerðarþola.
Sönnunargagna verður ekki aflað á grundvelli laganna:
a. vegna brota sem talin verða minni háttar ef beiðni beinist að einstaklingi og þau hafa ekki verið liður í atvinnustarfsemi,
b. ef stórfelldur munur er á hagsmunum gerðarþola af því að sönnunargagna verði ekki aflað og hagsmunum gerðarbeiðanda af því að afla slíkra gagna.

Ég hugsa að Smáís og co. hafi stokkið af stað til sýslumanns með a. lið 3.gr. laganna highlightaðann og talið brotið vera lið í atvinnustarfsemi. Það er svo sem ekki undarlegt að þeir telji þetta hafa verið liður í atvinnustarfsemi þar sem að nýlega var búið að breyta “rekstrarforminu” á Ístorrent úr “tölvunördinn heima í herbergi” í “fyrirtækið Ístorrent” en það rak sjoppu sem seldi aukið gagnamagn til að geta aukið tækjakost fyrirtækisins ásamt því að eigandinn (áður nördinn) hugðist leigja húsnæði undir starfsemina.

Við þessa breytingu sáu margir notendur Ístorrent að endirinn gæti verið nærri.

Ég býst við að sá sem Smáísmenn ræddu við (sýslumaður eða einhver fulltrúi hans) hafi síðan tekið vindinn úr Smáísmönnum með því að highlighta einnig b.lið greinarinnar og þannig sýnt þeim fram á að ekki væri verið að fara í stóra húsleit og haldlagningu hjá nördinum en að lokum hafi sýsli og Smáísmenn sammælst um að sækja nördinn til yfirheyrslu og meta málið í framhaldi af því.
Það gæti útskýrt hvers vegna nördinn hafi ekki verið boðaður til yfirheyrslu en heldur verið vakinn heima og færður til yfirheyrslu (eða viðtals) ef fréttir af þessu hafa verið réttar.

Eflaust hefur einhver (lögreglan) staðið yfir tölvubúnaðnum á meðan til að passa að sönnunargögnum yrði ekki komið undan eða þeim spillt ef niðurstaða viðtalsins hefði verið sú sem Smáísmönnum hentaði best.

Svo virðist sem nördinum hafi verið gert að hætta rekstri fyrirtækisins og loka síðunni en hann fái að halda öllum búnaði.
Vægasta úrræðið valið, starfsemin stöðvuð en engin gögn eða tæki haldlögð.

Nördinn 1 stig - Smáís 0 stig

Þetta er eflaust bara fyrri hálfleikur eða jafnvel bara fyrsti leikfjórðungur. Það verður gaman að sjá hvað gerist næst.

Endilega leggið það á ykkur að lesa lögin sem ég vísaði á og skýringarnar með þeim.
Lögin gera á margan hátt höfundarrétthöfum erfiðara fyrir en þeir hefðu kosið en gera persónuverndarsjónarmiðum stjórnarskrárinnar hátt undir höfði.

kv.


Bætt við 21. nóvember 2007 - 12:01
Það liggur við að segja megi að lögin gefi þau skilaboð til samtaka höfundarrétthafa að þau eigi að láta litla kallinn í friði, sem er bara að sækja mynd eða lag til að njóta sjálfur, en um leið og einhver ætlar að hagnast á hugverkum annarra þá má hjóla í hann.

kv.