Nú þegar ríflega ár er síðan Félagið Deilir var stofnað hafa stjórnendur og aðstandendur félagsins ákveðið að gera breytingar á rekstri félagsins. Öllum rekstri á DC tengipunktum verður hætt. Þetta er sameiginleg ákvörðun stjórnenda og aðstandenda. Ástæður þessa eru fjölmargar. Í fyrsta lagi hefur þetta samfélag undið gríðalega upp á sig og er þetta nánast orðin full vinna hjá fjölda manns og er kostnaður er orðinn of mikill fyrir einstaklinga að standa í þessu. Síðast en ekki síst hefur aukið vanþakklæti notenda orðið þess valdandi að vilji til að halda þessari vinnu áfram er ekki til staðar lengur. Við viljum minna á að allt sem við höfum gert fyrir hönd Deilis hefur verið unnið í sjálboðavinnu og allir reikningar greiddir úr vösum stjórnenda, þ.e. allt ókeypis fyrir notendur. Einnig er alltaf ágætt að hætta á toppnum með góðri samvisku.