Þetta e-mail fengu allir viðskiptavinir HIVE þann 23. desember

Kæri viðskiptavinur

Starfsfólks Hive býður þig velkominn í hóp viðskiptavina og þakkar þér veittan stuðning við Hive.

Viðtökurnar við Hive hafa verið hreint stórkostlegar.  Daglega fjölgar viðskiptavinum Hive sem vilja nýta sér kosti þess að greiða ekki sérstakt gjald fyrir niðurhal og nota Internetið án nokkurra hindrana, hvort sem það er til þess að sækja tónlist eða myndir af netinu eða þá bara til þess að hafa samskipti við ættingja og vini erlendis.

Þessar frábæru viðtökur hafa valdið töluverðu álagi á kerfi Hive og hefur valdið því  að niðurhalshraði til notenda hefur einstaka sinnum minnkað á helstu álagstímum  Við erum að vinna að því eins hratt og unnt er að stækka kerfið og þar á meðal útlandagáttina sem er yfir Cantat-3 sæstrengin.  Hive stefnir að því að 6-falda burðargetu útlandagáttarinnar strax á fyrstu dögum janúar- mánaðar.  Fram til þess tíma biðjum við þig að sýna okkur skilning þegar umferð um núverandi tengingu er mikil.

Til upplýsingar, þá tengist Ísland umheiminum um tvo sæstrengi, Cantat-3 og um nýjan streng, Farice, sem tekinn var í notkun í febrúar á þessu ári.  Á þessum strengjum er til næg bandbreidd til þess að uppfylla allar hugsanlegar þarfir um Internetsamband Íslendinga við umheiminn í nánustu framtíð.  Eigendur Farice strengsins, Ríkið, Síminn og Og Vodafone hafa haldið uppi mjög háu verði  fyrir bandbreidd á Farice sem gerir það að verkum að einungis örlítið brot af þeirri bandbreidd, eða innan við 1% af burðargetu, er nýtt fyrir Internet umferð til og frá Íslandi.  

Hive vill breyta þessu og stuðla að því að allir geti notað Internetið að vild.  Stuðningur þinn við Hive er lykillinn að því að svo megi verða.

Við óskum þér gleðilegra Jóla og nægu fríu niðurhali á komandi ári


Starfsfólk Hive

ábyggilega út af þeir eru að stækka utanlands hraðanna eða það,


“Meðal þess sem er á döfinni hjá Hive er stækkun útlandasambands í 155Mbps og aukið framboð sjónvarpsefnis yfir netið, bæði til áhorfs á tölvu og með sérstökum móttökubúnaði sem tengja má við sjónvarp. Móttökubúnaðurinn mun einnig gera notendum mögulegt að horfa á kvikmyndir sem vistaðar eru á tölvunni í sjónvarpi. ”