Glöggir menn hafa tekið eftir því að Islandia Internet eru farnir að temja sér stórundarleg vinnubrögð þegar að heimasíðu þerra kemur. Hinn 1. nóvember 2001 birtist eftirfarandi pistill á <a href="http://www.islandia.is/“>www.islandia.is</a>:

——————————————————–
<i>Töluvert hefur borið á því á undanförnum vikum að viðskiptavinir Islandia Internet setji SMTP póstþjóna upp hjá sér. Sérstaklega á þetta við viðskiptavini með sítengingar eins og ADSL og aðrar háhraðatengingar. Margir þessara þjóna eru settir upp án öryggisvarna og eru opnir fyrir áframsendingar pósts óskyldra aðila utan af Internetinu. Óprúttnir aðilar nota slíka þjóna sem milliliði (mail relay) fyrir óumbeðnar fjöldasendingar (spam). Magn skeyta getur numið tugum þúsunda á fáum klukkustundum.

Kerfistjórar Islandia Internet slíta tengingu og loka Internetaðgangi þess sem þetta kemur upp hjá samstundis og þess verður vart.

Við viljum vara viðskiptavini okkar eindregið við því að setja SMTP þjóna upp hjá sér, nema þeir séu kunnáttusamir í stillingum þeirra og séu þess fullvissir að geta lokað fyrir notkun þeirra utan af Internetinu.</i>
——————————————————–

Ef litið er á <a href=”http://www.simnet.is/tilkynningar.php3“>tilkynningasíðu Símans Internets</a> má sjá nákvæmlega sama texta, dagsettan 17. október 2001. Einungis er búið að skipta út ”Síminn“ fyrir ”Islandia".

Þetta gæti þó verið þáttur í nýrri stefnu Islandia að því að veita betri internetþjónustu og er þá augljóst hver fyrirmyndin er. Nú er bara að bíða og sjá hvort þeim takist að apa það eftir Símanum Internet.