judas : Ekki er Símanum eða OG Vodafone sett skilyrði um að passa að fólk noti ekki símakerfi þeirra til að klæmast?
____________

Fjarskiptafyrirtækjum er beinlínis bannað í fjarskiptalögum að fylgjast með innihaldi þeirra fjarskipta sem um kerfi þeirra fara. Það þarf úrskurð dómara um hvert einstakt tilvik ef það á að gera.

X-rated :

Ef opin tölva er skilin eftir fyrir vangá eða vanþekkingu á stýrikerfinu eða einhverjum fídusum, þá er vanþekking ekki afsökun fyrir dómi…..Sorrý lögregluþjónn, ég bara vissi ekki að þetta mætti ekki….

Það er til allsherjarregla sem í lögum er kallað “Bonus Pater” eða “góður faðir” … þær kröfur má gera til manna að þeir hegði sér sem umhyggjusamir og skynsamir menn.

Ef sýna má fram á að skynsamur maður, sem ber umhyggju fyrir umhverfi sínum og öðrum og sýnir eðlilega fyrirhyggju í athöfnum sínum, ætti að vita eitthvað eða myndi ekki hegða sér á ákveðinn hátt, en þú hefur hegðað þér þannig og þannig brotið lög, þá er vanþekking engin afsökun.

Það má sem sagt gera þær kröfur til fólks að það sé skynsamt.

Nú má svo sem segja að það sé ekki hægt að gera kröfur til almenns windows notanda að hann beri skynbragð á allar afleiðingar þess að hafa ekki eldvegg, hafa ekki uppfært frá windowsupdate.com og er með opið fyrir file og printer sharing og svo framvegis og þannig hafi einhver getað náð í mp3 afritin hans af geisladiskum hans.

En …. ef hann hefur sýnt kunnáttu til að setja upp FTP server á vélinni sinni, eða DCI hubb eða eitthvað álíka, þá má setja þann mann undir strangari kröfur en almenning.

Það er augljóst að forsvarsmenn DCI hafa haft þann ásetning að liðsinna mönnum við að skiptast á skrám. Það er tilgangur höbbs, að liðsinna við slíkt.

Það má einnig leiða fyrir því sterk rök að þessir forsvarsmenn hafa mikla þekkingu á Internetinu og á því sem þar fer fram. Þeir hafa sýnt þessa þekkingu sína með góðum rekstri á þessum höbb, uppitíma, öflugum tengingum, því sem þar kemur fram í skilmálum og fleiru þess háttar.

Þeir hafa augljóslega vitað að höbbinn yrði notaður til að skiptast á höfundarréttarvörðu efni þegar þeir fara af stað og opna höbbinn.

Þeir meira að segja búa til kerfi sem leitar að og bannar notendur fyrir sumt efni. Þannig hafa þeir opnað fyrir ábyrgð sína á öllu því efni sem um höbbinn fer.

Það er því klárt í mínum huga að þeir ef þeir verða kærðir fyrir að liðsinna við höfundarréttarbrot, þá er sú vörn þeirra að þeir geti ekki fylgst með efninu veik og allar líkur á að hún sé alveg gagnslaus.

Sömuleiðis sú vörn að höbbinn eigi að nota til að skiptast á höfundarréttarlausu efni eða eigin efni þeirra sem “shera”. Með þá þekkingu sem þeir hafa sýnt að þeir hafa, þá áttu þeir að vita betur.

Nú hef ég úttalað mig um þetta mál og nenni ekki að rökræða það frekar. En ég vil taka það fram að ég er ekki á móti þessum mönnum á neinn hátt. En ég vildi vekja athygli á lagalegri stöðu þeirra, ef rétthafar höfundarréttar kjósa að kæra þá.

bestu kveðjur
DaXes