Fer það nú ekki líka eftir því hvaða meiningu maður leggur í sækadelíkina? Ég ræddi um þetta við hönnunar-og listasögukennarann minn hérna um árið, þar sem ég þóttist sjá að mörgu leyti sömu stílbrögð í art nouveau og psychedelíunni, og hún var mér þar sammála, og sagði að það væru vel þekkt líkindi. Auðvitað voru svo undirstefnur innan beggja stefna, þannig þykir mér þýski Jugend-stílinn meira í ætt við expressjónisma Munch en t.d. verk Alfons Mucha. Reyndar var tekið fram í Wiki-greininni að Mouse hafi verið undir miklum áhrifum frá Mucha.

Svo er auðvitað alltaf hægt að líta til þess að öll list byggir ofan á því sem eldra er, og þannig má finna leifar eða leiðarvísi að eldri stefnum í öllum þeim sem eftir fylgja.

Það er vissulega rétt að Stanley Mouse og félagar hans í Berkeley Bonaparte voru undir miklum áhrifum frá Art Nouveau, þá sérstaklega verkum Alfons Mucha. Að segja að þetta tengist sækadelík ekki neitt er hins vegar alrangt vegna sérstöðu S.M. og félaga hans sem frumkvöðla í gerð Psychedelic Rock plakata. Þar að auki er þetta verk gert löngu eftir að tími Art Nouveau hafði runnið sitt skeið, það var þarna fyrst sem tískan hafði farið heilan hring eins og vill gerast. Ég veit vel að þessar tvær stefnur eru oft á tíðum keimlíkar, en ég get ekki samþykkt að þetta sé Art Nouveau.

…það þýðir samt ekki að ég leyfi þér ekki að kalla þetta hvað sem þú vilt, ég vildi bara rökfæra afhverju þetta er psychedelic frekar en art nouveau.