ages: Ég mæli mjög með því að þú kynnir þér málið, þ.e. Ja-Rule lagið.

Hérna ætla ég að útskýra þetta nánar, í þeirri von um að málið sé hérmeð leyst, og frekara röfl sé óþarft.

Eins og flestir vita eru Metallica þessa dagana að taka upp efni fyrir nýja diskinn þeirra sem á að koma út í nóvember. Tónlistarmaður sem kallar sig Swizz Beats hafði samband við Metallica og sagði þeim að hann ætlaði að gera lag og honum vantaði einhver riff til að hafa í því, því lagið átti að vera með þungarokksívafi. Hann bað þá um um sýna sér eitthvað af nýja efninu sem þeir eru að semja, í þeirri von um að fá að nota eitthvað af því í lagið. Metallicu mönnum fannst þetta alveg sjálfsagt, og bauð honum að koma til þeirra til Californiu, þar sem þeir eru að taka upp nýja efnið. Eftir nokkra daga kemur Swizz Beats með flugvél til þeirra, og segir þeim frá laginu sem hann hefur í hyggju að gera. Á þessum tímapunkti var ekkert talað um neitt rapp eða Ja-Rule eða neitt þvíumlíkt. Metallica spiluðu eitthvað af nýsömdu efni sínu fyrir hann, og hann varð mjög heillaður. Hann sagði bara “Ég vil fá þetta, þetta og þetta”. Metallica voru bara mjög ánægðir með að leitað hafi verið til þeirra, og þeir gáfu honum þessi riff í góðvild sinni. Swizz Beats fór heim, til að vinna að laginu, ásamt fleirum sem hann var að vinna að, og sagðist ætla að hafa samband við þá.

Mánuði seinna eða svo fengu Metallica símtal frá Swizz Beats, og hann sagði þeim hvernig hann væri að gera lagið og allt tengt því. Metallica sögðu bara “já, flott. Hafðu bara samband ef þú þarft eitthvað” Einhverjum dögum seinna hringdi hann aftur, og sagðist hann vilja blanda saman rokki og rappi í þessu lagi sínu. Metallica voru svosem ekkert á móti því, þetta var eitthvað sem þeir höfðu aldrei gert áður, hví ekki að skyggnast inn í annan heim tónlistarinnar.

Þessi Swizz Beats hringdi svo í Ja-Rule, og sagði honum að hann myndi taka þátt í sínu stærsta lagi á ferli sínum. Spurði hann með hverjum, og honum var sagt að hann myndi syngja inná lag með Metallica. Síðan kom Ja-Rule náttúrulega og söng yfir þessi riff sem Metallica höfðu gefið Swizz Beats.

Það var ekki Metallica né útgáfufyrirtæki Metallica sem gaf út þetta lag, og í rauninni kom Metallica ekkert nálægt útgáfu þessa lags. Metallica græða ekki krónu (dollar okey) á þessu lagi, og fá EKKERT í sinn vasa. Þeir gáfu bara tónlistarmanninum Swizz Beats nokkur riff sem þeir voru að vinna að.

Ég vona að sem flestir sem ekki nenna að kynna sér málið skoði þennan kork, og hætti þarmeð að posta einhverju vitlausu og órökstuddu rusli hingað inná korkana á huga.