Það að þú getir ekki svarað rökum gerir mig ekki að trölli. Tröll er aðili sem rífur kjaft (með dónaskap) án þess að hafa rök með sér og án þess að hafa hundsvit á umræðuefninu. Ég hinsvegar er búinn að vitna í staðreyndir, rökfæra og það án þess að vera með dónaskap.
Ég ætla mér því að halda að þú hafir fattað að þú hafir farið með rangt mál í grein þinni, en eigir bara erfitt með að viðurkenna það.

Góðar stundir.

“STEF kann sér ekki hóf og myndi rukka mann fyrir að syngja bí bí og blaka fyrir börnin sín bara ef þeir gætu það.”

Líklega ekki samanber:
“Fjölskylduboð
Hér á landi er ekki innheimt fyrir afnot af tónlist í fjölskylduboðum. Þannig þarf t.d. ekki að greiða fyrir tónlistarflutning í fermingarveislum, afmælisveislum o.s.frv. en sá misskilningur er útbreiddur að innheimt sé fyrir tónlist í þessum tilvikum. Að vísu er það gert í nágrannalöndum okkar - en ekki hér á landi enn em komið er.”

Stef gæti því lagalega séð rukkað fyrir mun meira en þeir gera.

Hinsvegar finnst mér argasti dónaskapur við þig að þeir hafi rukkað fyrir óverndaða tónlist. Það á í raun engan rétt á sér, ólöglegt jafnvel myndi ég halda. Hefuru athugað réttindi þín?

Góðar stundir.

þeim mun meira lítur STEF út eins og SCO í deilunni um Linux. Þeirra nálgun er að þeir eigi hugmyndina um tónlist. Ef einhver notar tónlist, þá á sá aðili að borga STEFgjöld, hvort sem um verndaða tónlist er að ræða eða ekki.

Ég komst að því að sænskir playlistar réðu útdeilingu STEFgjalda þegar ég reyndi að sýna fram á að STEFgjöld myndu aldrei rata til eiganda höfundarréttar tónlistar sem var spiluð í ákveðinni búð í Reykjavík. Þá var mér sagt að notast væri við sænska playlista til að útdeila STEFgjöldum (?!!!?).

En sum sé, ekki var hægt að deila við eiganda tónlistar á Íslandi, ég var með möguleika á hljómburði í versluninni og STEF á tónlist.

Ég held að þú sért að misskilja mig, (kannski mín sök fyrir að taka það ekki nógu skýrt fram) en ég hef ekkert á móti því að borga fyrir tónlist, þ.e.a.s. að kaupa diskinn/snælduna. Það sem stendur í mér er að ég þurfi að borga aukalega fyrir tónlist sem ég á ekki í hvert skipti sem ég t.d. brenni myndir af börnunum mínum á geisladisk.

Góða tónlist án _auka_gjalda,
JoJ

Sæll

bara rétt til að árétta:

“Ráðherra gerði þetta ekki að ”eigin frumkvæði“ heldur eftir að STEF hafði óskað eftir því að hann skoðaði þessi mál og það kalla ég þrýsting.
Hafir þú upplýsingar um annað, endilega láttu okkur vita um hvar hægt er að nálgast þær.”

STEF er lobbý aðili að þessari gjaldtöku þar sem verksvið þess er að vernda rétt tónlistarmanna. Svipað er með gjaldtöku á snældum sem hefur verið við lýði í mörg ár og engin séð ástæðu til að mótmæla henni. Í rauninni er þetta sama málefnið nema bara að reglugerðin er uppfærð fyrir nýja tækni(cdr).
Hinsvegar er það Ráðherrann sem flytur málið og kemur því í gegnum þingið. Ég hef ekki haldið öðru fram en tel það að vísu eðlilegt að reglugerðin er uppfærð fyrir nýja tækni sem tengist verndun á höfundarrétti (tónlist-kvikmyndir-forrit-bækur osfrv.

Þú segir
“Svo er annað mál, hvað með t.d. framleiðendur hugbúnaðar hérlendis, það er líka hægt að afrita þeirra vöru á þessa sömu geisladiska, af hverju fá þeir þá ekki hlutdeild í þessari gjaldtöku?”

Það hefur ekki enn verið hreyft við þessum sjóð sem hefur safnast upp vegna gjaldtökunnar og óvíst hvernig hún verður nýtt. Persónulega þá finnst mér að nýta ætti sjóðinn í fræðslu til að fyrirbyggja ólöglega brennslu á vernduðu efni og uppbyggingu á tónlistarmenningu Íslendinga t.d. með því að greiða niður leiguhúsnæði fyrir ungar hljómsveitir og aðra listamenn.

Þú segir
Þakka þér fyrir, það er einmitt réttur sem ég mun nýta mér áfram, ég vona bara að sem flestir geri hið sama þar til gjaldtökunni verður hætt, ef nógu margir hætta og sala tónlistar minnkar, þá kannski átta menn sig á því að þeir eru eingöngu að skaða sjálfa sig með þessu.

Ef allir hætta að versla tónlist þá hætta fyrirtæki og listamenn að framleiða tónlist fyrir markaðinn og í kjölfarið minnkar framboðið af góðri, ferskri tónlist. Þú vilt kannski að Britney og Justin verði alráð í útvarpi og sjónvarpi þar sem þú færð þína músík? Tónlistarmenn geta alltaf glatt sjálfa sig með sköpun sinni en leitt ef grunvöllur fyrir plötuútgáfu yrði enginn hérna heima.

Þú segir
Hvar stendur að tónlistarmenn eigi alltaf að hagnast á útgáfu? Þetta er nú einu sinni svo að þar sem er mikil gróðavon, þar er jafnframt mikil áhætta (og já, ég veit að Ísland er lítill markaður). Eins og með alla vöru sem seld er, þá eru fleiri tilbúnir að taka áhættuna með það sem þeir telja líklegt að skili hagnaði og tel ég persónulega ekkert að því. Einnig leyfi ég mér að efast um að “jaðartónlistarmenn”, ungir sem aldnir, fái nokkuð úr sjóðum STEF, því þeirra úthlutun byggist, skv. því sem komið hefur fram hér að ofan, á takmörkuðum gögnum um spilun.
Tel ég þar frekar við STEF að sakast en þá sem skrifa gögn á geisladiska.

Það eru sárafáir tónlistarmenn sem hagnast á plötusölu á Íslandi. Helst má nefna Bubba Morthens sem selur alltaf vel. Aðrir koma kannski með eina góða söluplötu og kannski aðra slæma upp á móti. Þrátt fyrir miklar efasemdir um úthlut STEFS til yngri listamanna þá er það ansi misjaft. Persónulega þá hef ég bæði fengið ágætar summur og svo líka einhverja þúsundkalla. Þetta náttúrulega fer allt eftir því hvort listamaðurinn sé með plötu í gangi eða lög í spilun hverju sinni. Einnig má þess geta að ungir listamenn hafa gleymt að skrá sig í STEF og fylgt eftir því að verkin þeirra séu rétt skráð. Ef STEF hefur ekki upplýsingar þá getur STEF varla úthlutað til þeirra rétthafa.

Þú segir
Ég minni á það að eitt af “rökunum” fyrir því að setja á þetta gjald var sú að sala á tónlist hefði minnkað mjög mikið. Á sama tíma kemur fram að t.d. Skífan hafi _aldrei selt jafn mikið_ af tónlist! Hvað er þá orðið um röksemdina fyrir því að tónlistarsala hafi minnkað svo mikið vegna tilkomu skrifanlegra geisladiska að það verði að setja sérstakt gjald á þá sömu diska til að vega upp á móti “tapi tónlistarmanna”?
Bendir þetta ekki einmitt til þess að græðgi ráði ferðinni? En hvað með að rukka grunngjald fyrir allan opinberan flutning á lifandi tónlist, jafnvel þó að ekki sé um höfundarréttarverndaða tónlist að ræða?? Það er ekki eins og flytjendum sé ekki borgað fyrir þeirra vinnu!

Skífan selur poppmúsík og þetta árið var Írafár, ÍSF, L&S og rest seld í massavís yfir jólin. Plötusala jaðartónlistarmanna hefur minnkað í hlutfalli við brennsluæðið þannig að minnkandi plötusala hefur verið á þeim grundvelli. (Geri ekki ráð fyrir því að litlir krakkar séu að fá Botleðju í skóinn fyrir jólin)

Þú segir
Ég hugsa að flestir geri sér grein fyrir því að þjófnaður sé lögbrot sem varði við lög en einmitt þar sem aldrei er gert neitt í málunum þá telja viðkomandi að það “sé í lagi”. Það gildir um lög að tilganglaust er að hafa þau ef þeim er ekki framfylgt! Mættu alþingismenn hafa það í huga að magn er EKKI það sama og gæði, en það er annað mál.

Náttúrulega vita flestir að þetta sé lögbrot en þjófarnir þurfa ekki að ganga með diskinn innan á sér í gegnum þjófarvarnarhlið úr plötuverslun þegar þeir eru að brenna. Flestir reyna að réttlæta þjófnaðinn með alls konar rökum og ungt fólk gerir sér ekki grein fyrir afleiðingunum.
Í BNA er farið að handtaka einstaklinga hvort það séu krakkar eða gamalmenni og kæra fyrir höfundarréttarbrot. Kannski sjáum við svona aðgerðir hérna heima og þá hitnar nú örugglega í þessari umræðu;-)

Ég bendi þér á grein sem ég skrifaði fyrir Tölvuheim í Maí á þessu ári um DC og Efnahagsbrotadeild Lögerglunnar í fyrra þar sem netglæpir eru teknir fyrir ef þú vilt fræðast meira um þessi málefni.

Kveðja
Franz Gunnarsson