Já þetta dýrt m

Þetta eru réttar tölur sem þú ert með. Prófaðu að fá verð fyrir 2003 árg 1000cc racer með kaskó og tilheyrandi. Skýringin er sú að þessi tryggingaflokkur hefur komið mjög illa út, þeas meira er borgað út heldur en kemur inn. Þetta er líka mjög gott að því leiti að þetta gerir ungum og óreyndum ökumönnum nánast ókleift að eiga öflugustu hjólin. Þeir sem eru hins vegar með langan og tjónlausan/lítinn ökuferil, svona 10+ ár, eiga auðveldara með að semja um betri verð. Ég mundi persónulega vilja sjá tryggingafélögin ganga lengra og hækka tryggingar hjá öllum sem eru teknir fullir, missa prófið fyrir hraðakstur oþh. það mundi gefa jafnvel enn meira svigrúm til lækkana hjá þeim sem standa sig vel. Það að vera á óskráðu og ótryggðu ökutæki í umferðinni er sennilega eitt það vitlausasta sem hægt er að gera. Þessi 380 þús eru hlægileg upphæð miðað við það sem þú þyrftir að greiða fyrir að keyra td á gangandi vegfaranda og örkumla eða drepa viðkomandi, það er sennilega nóg að þurfa að lifa með því, óþarfi að bæta því ofaná að vinna fyrir tryggingafélag það sem eftir er ævinnar. Hins vegar þarftu ekki endilega að vera með hjólið á númerum allt árið.