bleiknefur fyrir 21 árum, 11 mánuðum Fjöldi lestra: 672

Vitundarvakning um tryggingar

Sælir kæru hjólafélagar

Ég var að lesa yfir korkinn og gat ekki orða bundist.

Megin uppistaðan í tryggingariðngjaldi á götuhjólum er slysatrygging ökumanns. Ef einhver keyrir á þig á bíl og þú verður 75% öryrki, þá bætir ökumannstryggingin -þín- tjónið á þér, kanski 10 milljónir. Tjónatrygging bílsins borgar svo hjólið.

Staðreyndin er að bifhjólaslys eru undantekningalítið alvarleg hvað varðar heilsutjón.

Margir miða tryggingarnar við verðið á hjólunum sem er rangt að miða við. Ég kýs frekar borga 300.000 kall á ári í tryggingar á mínu 200.000 króna hjóli (750cc racer, árg. 87) heldur en að keyra um með litljósritaða númeraplötu og eiga hættu á að liggja það sem eftir er æfinnar örkumlaður, peningalaus og með engan rétt á bótum.

Hvers virði er líkami þinn og heilsa? Hugsaðu um það þegar þú ákveður að sleppa því að tryggja……

Bara svona rétt til að vekja menn til umhugsunar.
Kveðja,
Bleiknefu

nataz fyrir 21 árum, 11 mánuðum

Er ekki samt það sem fólk er mest að svekkja sig á, að vera að borga svona há gjöld, en þó eru meirhluta þessara slysa í rétti. (s.s. bíllinn í órétti.)

Hver eru annars rök fyrir háum tryggingargjöldum ef borið er saman við nágrannalönd, þar sem þar er töluvert ódýrara að tryggja hjól.
Þýskaland sem dæmi, kostar ca. 1/3 af því sem kostar að tryggja bíl. (Ég hef ekki sannreynt þessar upplýsingar en þetta er fengið hjá samstarfsmanni mínum sem er Þjóðverji)

- Natti

Fyrra álit

bleiknefur fyrir 21 árum, 11 mánuðum

Sæll Nataz.

Þú spyrð: “Er ekki samt það sem fólk er mest að svekkja sig á, að vera að borga svona há gjöld, en þó eru meirhluta þessara slysa í rétti. (s.s. bíllinn í órétti.)?”

Málið er að þótt hjólið sé í rétti þá er það ökumannstrygging -hjólsins- sem borgar tjónið á líkama ökumanns þess, ekki ökumannstrygging bílsins. Það er ástæðan fyrir háum iðngjöldum á mótorhjólum.

Tjónatrygging bílsins borgar bara tjónið á hjólinu. Þetta stendur skýrum stöfum í upphaflegu greininni…

Tryggingar eru tvíþættar. Annarsvegar er ökutækjatrygging. Hún bætir það tjón hjá öðrum sem þú veldur þeim með hjólinu þínu.

Hinsvegar er ökumannstrygging sem bætir tjónið á líkama og heilsu ökumanns, hvort sem hann er í rétti eða órétti.

Ég veit ekki af hverju það er svona ódýrt að tryggja hjól í öðrum löndum. Kanski er hlutfall hjóla og bíla ennþá minna þar, og hjól og bílar kanski nota sama tryggingapott (sem þýðir að tryggingar hjóla eru reknar með tapi á kostnað trygginga á bílum). Kanski felst munurinn í því að úti eru fleiri hjól, og minna um slys miðað við hversu margir eiga hjól…. maður hefur pælt í þessu sko, en ég veit ekki ástæðuna.

Með virðingu,
Bleiknefu

Fyrra álit

contra fyrir 21 árum, 11 mánuðum

Það er eitt sem vantar í þessa umræðu um “tapið” þegar tjón eða slys verða, því hvort sem það verða smá eða stórvæileg þá er tekin X upphæð 20.ooo.ooo - 50.ooo.ooo úr pottinum og geymt á hliðar reykningi í x langan tíma eða meðan bótaréttur fyrnist síðan ef engin gerir kröfu þá hefði maður haldið að þessi upphæð gengi til baka í pottin til að halda öllu í jafnvægi en nei nei þetta verður eign félagsins og tap verður á þessum mótorhjóladruslum (kannski er nefnilega tapið ekki eins mikið og þeir vilja láta vera heldur er það græðgi á eignir og peninga sem stjórna

Fyrra álit

hlynurg fyrir 21 árum, 11 mánuðum

Að sjálfsögðu vill maður vera tryggður, en það er svolítið pirrandi að vera að borga svona háar fjárhæðir í tryggingu fyrir hjólið, þegar bótasjóðir tryggingafélaganna eru alltaf að tútna út. Tryggingafélögin eiga núna ca. 40 miljarða í þessum bótasjóðum ! Tryggingafélög eru okurbúllur !

Fyrra álit

hlynurg fyrir 21 árum, 11 mánuðum

Frekari upplýsingar um hækkaninr tryggingafélaganna:
http://www.neytendasamtokin.is/tex tar/pistlar/021209-haekkarnir-brunatryggingar.htm

Fyrra álit

gixxer fyrir 21 árum, 11 mánuðum

Það er vissulega ódýrara að tryggja hjól víða erlendis, en þar eru líka fleiri sem borga tryggingar. Ef hjólafjöldi mundi tvöfaldast á Íslandi í sumar, og slysatíðni standa í stað, þá væri eflaust svigrúm til lækkana. Slysatrygging ökumanns á hjólinu þarf að borga hvort sem hann er í rétti eða ekki. Svo er þetta með að hjólin séu “alltaf” í rétti. Þau eru það kannski oftast í árekstrum við önnur ökutæki, en flestir sem meiða sig á mótorhjólum gera það nú á þann hátt að þeir krassa alveg hjálparlaust á vegum landsins. Þarna borgar slysatrygging ökumanns líka, og ef hjólið er kaskótryggt fær tryggingafélagið að borga það að auki. Maður hefur heyrt hjá sumum að það sé nú allt í lagi að fara aðeins útaf svo framarlega sem maður lendir ekki á neinu, þetta er alveg hárrétt. Vegagerðin hefur hins vegar ekki lagt mikla áherslu á að búa til öryggissvæði við vegina þannig að hægt sé að fara útaf á 200kmh og halda svo bara áfram þegar búið er að dusta mesta rykið af. Eitt alvarlegasta mótorhjólaslysið á síðasta ári, varð einmitt við útafakstur. Ekki veit ég nákvæmlega hver aðdragandinn var eða hver hraðinn var, en þetta sýnir að það er ekkert allt í lagi að fara aðeins útaf. Það er rétt að tryggingar hafa hækkað gífurlega á síðustu 10-15 árum, en bara vegna þess að þessi tryggingaflokkur hefur komið mjög illa út.

Fyrra álit

nataz fyrir 21 árum, 11 mánuðum

Það spilar líka dálítið inn í stundum til að svekkja mann, er að þó svo að þú sért búinn að vera að hjóla lengi, ertu að borga tiltölulega háar tryggingar. En síðan fréttiru af hinum og þessum mönnum sem eiga dálítið af peningum, eru að borga miklu minna.

Flest tryggingarfélög miða við 360þús ef þú ert ekki að tryggja neitt annað(30þús á mán). En ef þú ert góður kúnni þá geturu náð þessu í undir 10 þúsund.

En það er einmitt seinni hópurinn sem er töluvert dýrari í rekstri ef hann lendir í slysum.

Varðandi rétt og ekki rétt, í fyrra svari mínu tók ég ekki með alla þá sem krassa sjálfir, heldur var aðeins að miða við slys bíll/hjól.

Það þarf ekki mikið að bera út af ef þú ert utan vega eða á lélegum vegum til að það fari illa.

Hvernig eru annars tryggingar á enduro og krossurum?
s.s. utanvegatryggingar?

- Natti

Fyrra álit

gixxer fyrir 21 árum, 11 mánuðum

Krossarar, endurohjól, vélsleðar og þess háttar tæki eru skráð sem torfærutæki. Mér skilst að hjólin séu dýrari í tryggingu heldur en sleðarnir, hef heyrt í kringum 140000 á ári. Ég vil taka fram að þetta eru ekki staðfestar tölur, heldur bara það sem mér hefur verið sagt. Held að sleðarnir séu í kringum 50000.

Því miður eru einhverjir sem telja að mjög sniðugt sé að hafa svona hjól ekki á skrá, og þar af leiðandi ekki tryggð. Þeir slasast svo kannski og sitja uppi með allt sem því fylgir, það eru kannski einhverjir sem geta sætt sig við það.

Það eru sennilega færri sem gætu sætt sig við að örkumla eða drepa einhvern annan, og svo á meðan þeir eru að finna einhverja leið til að lifa með því, þá kemur 20-30 millj. bótakrafa sem viðkomandi dundar sér við að greiða niður það sem eftir er ævinnar. Bara vegna þess að hann/hún tímdi ekki að greiða 100-200 þúsund á ári í tryggingar.

Fyrra álit

bmw325 fyrir 21 árum, 11 mánuðum

þið hljótið að skilja þetta þeir eru bara að reyna útrýma bifhjóla menningu á íslandi

speed4live

Fyrra álit

Mótorhjól

Mótorhjól

Ofurhugar

Stjórnendur

Hverjir eru inni

Greinar

Vitundarvakning um tryggingar

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi