Hvernig líst mönnum á hana? Sumir voru með einhverja fordóma fyrir henni vegna laganna sem þeir létu á MySpace en ég skil það ekki. Mér finnst hún mjög þétt.

Á heildina litið er þetta ekki eins hraður diskur og The Stench Of Redemption, t.d. er lagið Till Death Do Us Part frekar rólegt en samt mjög flott, svolítill black metal blær yfir því. Angel Of Agony er hins vegar mjög hresst lag og hratt, partar í Horrors In The Halls Of Stone eru það líka en það er lengsta lag sem þeir hafa gert, 6 mín 24 sek. Reyndar er þetta lengsti diskur sem þeir hafa nokkurn tímann gert, það eru þrjú lög 5 mín eða lengri og ekkert lag styttra en 3 og hálf mínúta (að outroinu frátöldu) og er þetta eini Deicide diskurinn sem er lengri en 40 mín.

Mjög drungalegur og skemmtilegur diskur, ég mun pottþétt fá mér hann um leið og hann kemur til Valda, ekki síður fyrir músíkina frekar en ‘Glen Benton for president’ klæðisbútinn!