Útvarpsþættirnir dordingull.com og babýlon hafa verið sameinaðir í eina sæng undir nafninu Hrynjandi. Þátturinn verður í loftinu öll sunnudagskvöld frá klukkan 19:00 til 22:00. Þáttastjórnendur, þeir Egill Geirsson og Sigvaldi Ástríðarson (Valli dordingull), hafa að undanförnu undirbúið sameiningu þáttanna með miklum dugnaði. Búast má við að þátturinn verði nokkuð fjölbreyttur en að sjálfsögðu verður megin þemi þáttarins þungt rokk, hvort sem um er að ræða pönk eða svartmálm (og allt þar á milli). Nokkrar breytingar eru á fyrirkomulagi þáttarins miðað við fyrri þætti. Þátturinn Hrynjandi verður í heila 3 klukkutíma og verður honum skipt upp í þrjá meigin hluta. Í fyrsta hluta þáttarins sér Valli dordingull um lagavalið en þeim þriðja tekur Egill við lagavalinu. Í öðrum hluta þáttarins sameina þeir krafta sína og verða með ýmsa fasta liði. Þátturinn er í boði Tattoo 69, laugavegi 69 og dordingull.com

*Atriði til að muna:
Nafn: Hrynjandi
Stöð: Xið 977 (fm 97,7) og xid977.is (net hlustun)
Tími: Sunnudagar frá 19:00 til 22:00