fannst frekar lame að gaurinn hljóp í fílu útaf veseni með hljóðið..
það var annars ástæðan er það ekki?

Finngálkn voru nú líka að spila…

Frábært bara :D

Gott kvöld, góðar hljómsveitir, svanasöngur í eyrunum og kaup á Bongzilla - Live At Contamination Festival.

Ég ætla að tjá mig betur síðar þegar ég er ekki þreyttur og pirraður, en naut tónleikanna voða lítið þar sem ég var ótrúlega þreyttur seinnipart tónleikanna, og ég kenni Helshare um það.

Damn. Komst ekki vegna annyrða.

Annars fór mér að finnast svona teknóbull bara fastur hluti af andkristnihátíðinni eftir gaurinn sem kom með leikbæjarhljómborð, derhúfu og bjórblettaðan simpson bol og spilaði verksmiðjuhljóð og eitthvað. Held það hafi verið ‘04 eða ’05.
Það var awesome og snilldarlega óviðeigandi.

Ég hafði bara helvíti gaman af þessu.

Voreastral voru vægast sagt GEÐVEIKIR, er að fíla allt settið þeirra í tætlur, þó svo að það heyrðist oft næstum ekkert sem þeir voru að gera út af lélegu sándi. Skemmtileg þessi ‘open mic’ hugmynd hjá þeim

Blood Feud.. heppnaðist ekkert svakalega vel. Trommarinn heyrði nanast ekkert í okkur hinum og ég heyrði ekki eina einustu nótu sem annar gítarleikarinn spilaði. Svo voru minimalísk fokköpp, snúran hjá einum gítarleikaranum datt út í smá stund og ég átti stundum erfitt með að átta mig á hraðanum í laginu því að ég heyrði nánast bara í einum gítar.
En ég hafði gaman að þessu, og það er fyrir öllu.

Forgarðurinn var ágætur, geðveik stemming og flott sviðsframkoma hjá Sigga, en þó ég sé að fíla spulamennskuna er ég ekki svo hrifinn af söngnum.

Darknote voru þéttir og góðir.

Klikkað stöff sem Disintegrate eru að spila, er að fíla þá. Hlakka til þegar þeir eru komnir með bassaleikara og lengri setlista.

Sá bara byrjunina hjá Finngálkn, virkilega gott band.

Fór síðan eftir rúmlega hálft lag hjá Finngálkn vegna veikinda, og missti af þeim böndum sem ég var spenntastur fyrir, Atrum og Svartadauða.

Missti af Dimension IX og Helshare líka.

Góðir tónleikar, en sándið var ekki svo gott.

Voreatral voru mega!
Blood Feud alltaf jafn hressir
Forgarður Helvítis átti klárlega kvöldið að mínu mati þeir voru einfaldlega beztir!
hvaða techno dæmi var þetta?! var ekki alveg að fílaða xD
Darknote.. held ég hafi misst af þeim
Hellshare voru allt í lagi:) fannst geðveikt þegar þeir coveruðu At The Gates lagið Blinded By Fear:D
Finngálkn voru nokkuð góðir
Svartidauði sjúkir eins og venjulega þrátt fyrir kjánalegt vesen haha

ég skemmti mér helvíti vel!
skráði mig úr Þjóðkirkjunni og keypti mér Gerningarveður með Forgarði Helvítis og Tyranny from Beyond the Styx og Horns Against Heaven með Finngálkn :D

Bætt við 23. desember 2007 - 01:44
ooog má ekki gleyma Disintegrate þeir voru nokkuð góðir^^

Voreastral voru geðveikir, þetta kallar maður alvöru tónlist.

Blood Fued
Hundleiðinlegt dæmi, vel spilað samt sem áður.

Forgarður Helvítis
Sá bara smá endann, það sem ég heyrði var bara einhverjir gaurar að reyna að vera fyndnir með hljóðfæri…

Darknote
Hljómaði nokkuð vel, growlið skemmdi það smá, bæði hvað hann var skerandi hávær og bara almennt ekkert sérstaklega flott growl.

IX Dimension
Flott stuff, mætti vera fjölbreyttari.

Disintegrate
Mjög góðir.

Helshare
Meh…

Finngálkn
Varð fyrir frekar miklum vonbrigðum. Er ekki að fíla nýju lögin þeirra. Svo var þetta líka svo kjánalegt eitthvað.

Atrum
Mjög góðir.

Bætt við 23. desember 2007 - 03:15
Gleymdi svartadauða, en já hlustaði í mjög stutta stund en ég heyrði bara einhvern hávaða, hljóðkerfið og eyrun ekki að standa sig, nennti ekki að hlusta svo að ég fór. Mér þótti mjög fyndið að sjá tóta uppá sviðinu að lola eitthvað, en þá kemur Stulli með einhver óþarfa leiðindi. Missti af þessu “drama” með hljóðkerfið.

Ég kom þegar Disintegrate voru að spila, drullu efnilegt efni!
Helshare er bara ekki mitt kaffi.
Finngálkn voru alveg fínir, virkilega gott stuff inná milli en blah… flest Horns Agains Heaven efnið er ekki að ná til mín. Var mikill bömmer að Charon fór í pínu rugl, rosalegt lag þar á ferð.
Atrum voru massa góðir, ég hef alltaf fýlað þetta band í klessu! lítið meira um það að segja, bara good stuff.
Svartidauði var bara já, ágætt svosemi þrátt fyrir þetta vesen er annars ekkert að fýla þetta band svakalega.

Einu böndin sem stóðu sig vel voru Vorastral og Disinigrate. Öll hin böndin voru annaðhvort semi eða bara léleg.

Versta bandið var Svartidauði. Eina góða við þá var Introið með Tóta.

Ooooo ég elska Disintegrate.
Síðhærði gítarleikarinn í Disintegrate er sætur.
Ég er líka pínu sætur.
Kjarri líka.
Maggi er ljótur.

Annars var ég mjög ánægður með að sjá svona margar sætar stelpur.
Jább. Sætu stelpur, takk fyrir að koma.
Fíla sætar stelpur.

Hmm..

Voreastral ; Ágætt band.

Blood Feud ; Góðir like always.

Darknote ; Geðveikir.

Teknóið ; Alveg ágætt stöff, fannst það samt hljóma allt frekar svipað.

Disintegrate; Klassa band.

Forgarður Helvítis; Ahh gaman hvað Siggi er hress, en já best :)

Helshare; Var ekki alveg að fíla þá

Finngálkn; Massa band.

Og svo missti ég af Atrum og Svartadauða því ég var að leka niður úr þreytu þarna og ég vissi varla hvar ég var :')

Voreastral; Sá lítið af þeim,, fíla ekki svona thrash dæmi næma einstaka sinnum.

Blood Feud; Gott band,, heyrði samt allan tíman í hinum gítarleikaranum,, þannig soundið var ekki að gera sig.

Forgarður Helvítis; Klikkað band,, Siggi Pönk er klárlega besti frontari á landinu!

Darknote; Þó svo að ég fíli þetta band í tætlur,, þrátt fyrir að söngurinn var ekki að gera sig fyrir mig.

IX Dimension; Fór bara að labba í kringum,, nennti ekkert að hlusta á þetta.

Disintigrate; Er ekki að fíla þetta efni.

Helshare; Voru mjög góðir,, ekkert annað um það að segja.

Finngálkn; Geggjað band,, fannst samt gítarinn vera í fokki hjá honum.

Atrum; Klárlega bestir þarna, áttu gjörsamlega kvöldið!

Svartidauði; Klikkað band,, mikið vesen með soundið, ástæðan fyrir því að Stulli varð reiður :P

En já,, annars voru þetta geðveikir tónleikar!

Klikkaðir tónleikar.

Atrum áttu kvöldið,, djöfull eru þeir góðir.
Svartidauði er án efa besta hljómsveitin þarna en tæknin var eitthvað að stríða þeim og mér sýnist Stulli ekki alveg hafa þolinmæði í svona kjaftæði,, en það er bara rokk.
Þeir hefði kannski átt að bless tækin eins og í Jesus Camp?
Finngálkn voru líka geðveikir, enda massa band.

Hin böndin voru misgóð, en ég nenni ekki að skrifa einhverja rosa ritgerð af vitleysu sem enginn les.

Ágætis tónleikar bara
Darknote Var GEÐVEIKT og flest önnur bönd þarna

Voreastral; Var ekki mikið að fíla þá.

Blood Feud; Flott riff, flottur söngvari var samt ekki mikið að fíla þá. Trommuleikarinn hafði líka athyglisvert útlit.

Forgarður Helvítis; Drulluflottir þó ég er ekkert að fíla hvað lögin þeirra eru stutt.

Darknote; Sá lítið af þeim, leyst ágætlega á það sem ég sá.

IX Dimension;Engan veginn að fíla þetta.

Disintegrate: Mjög góðir, var að fíla þá mest á eftir Forgarðinum. Hefði verið flottara hefði verið bassaleikari.

Helshare; Þeir voru fínir, ekki nógu gott sound fannst mér(kannski af því að ég var við annan magnarann)

Finngálkn; Söngvarinn var flottur og þyngdi tónlistina mikið.

Atrum; Flottir en engan veginn að fíla andlitmálninguna.

Svartidauði; Voru ágætir en var soldið mikið af óhöggum hjá þeim. Bassaleikarinn var eithvað kunnulegur var hann í annari hljómsveit?

Bætt við 23. desember 2007 - 14:03
Gleymdi að segja að það var líka flott að Atrum sungu clean aðeins í fyrsta laginu sínu.

Að mínu mati áttu Atrum og Forgarðurinn kvöldið.
Blood Feud, Disintegrate og Darknote stóðu sig líka mjög vel.
Svartidauði og Finngálkn hefðu e.t.v. verið bestu hljómsveitirnar ef hljóðið hefði ekki fokkað svona í þeim. Þó tókst þeim fyrrnefndu að redda þessu í lokin.
IX Dimension var fín, en hún bauð uppá allt annars konar stemmara, kannski ekki vitlaust að hafa þá fyrr.
Helshare og Voreastral eru ekki minn kaffibolli.

ég ætlaði að fara… en ruglaðist ekkert smá og hélt að þetta ætti að vera í dag :( damn… ég fann reyndar hvort sem er eingann til að mæta með mér en ég ætlaði að reyna það í dag…

missti af Voreastral

Blood Feud; sæmilegit hjá þeim, fínt sound miðavið margt sem kom seinna

Darknote; Efnilegt hjá þeim, ég mun fylgjast með þeim í framtíðinni

IX Dimension; ég er ekki alveg inni í svona tónlist en myndböndin voru áhugaverð

Disintegrate; ég kann ekki að meta svona svínagrowl, en tónlistin var fín

Forgarður Helvítis; Skemmtileg stemning, geggjaður bassaleikari, en of pönkað fyrir minn smekk

Helshare; Frekar crappy bara

Finngálkn; Mér fannst frekar slæmt sound hjá flestum þarna en lang verst hjá þeim og gekk bara út eftir nokkur lög hjá þeim, tjekka betur á þeim á næstu tónleikum

Atrum; Áttu kvöldið.. þessir pungar eru lang efnilegastir í dag, mér finnst hljóðfæraleikurinn og lagasmíðin alveg stórfengleg og extreme-ish, ég fýla þessa tónlistarstefnu í tætlur

Svartidauði: Ég sá bara síðustu tvö lögin, missti af öllu dramanu, þeir voru greinilega óheppnir þetta kvöld en ég veit þeir geta gert mun betur

Það sem stendur mest upp úr hjá mér er black wizard coverið hjá atrum og þegar stórigaurinn hljóp inn í pittinn hjá forgarðinum og fleygði einhverjum gaur í gólfið beint fyrir framan mig

alveg merkilegt hvað það var ömurlegt sound þarna

mikil vonbrigði og fór eftir forgarðinn, og blood feud voru góðir nema nokk stutthærði og dökkhærði fávitinn í fremstu línu sem var að slamma, stutthært fólk á ekki að slamma… hann leit út einsog mongólíti

Þessir tónleikar voru hræðilegir, þá aðallega útaf soundinu.

Eina bandið sem ég get eitthvað sagt um er Disintegrate og þeir voru frábærir.

Teknóbull? Hvað er að ykkur?
IX-Dimension var bara electro/experimental.
Fýlaði það djöfull vel. Minnti stundum á suma slagara með The Prodigy.

Forgarður Helvítis voru snargeðveikir!
Helshare, úff. Frábærir.
Disintegrate, já nei ég bjóst ekki við því að Kjartan gæti growlað/pig squeelað en þeir voru rosalega góðir.
Darknote voru fínir fyrir utan þessi viðbjóðslegu metalcore öskur.
Ég missti svo af Atrum, Finngálkn og Svartadauða, því miður.

Jæja…..nú ætla ég að leggja nokkur orð hér í belg.

Fyrir það fyrsta, skipulag.

TÞM tók engan þátt í þessu með okkur á nokkurn hátt, það var enginn til staðar frá húsinu sem aðstoðaði með neitt sem viðkom tónleikunum, hvorki með kerfið (eða skort á frekara sagt) og aðstoð við að koma salnum í stand til að hægt væri að byrja að róta og rigga upp var af þeim toga að við skipuleggjendur fengum þau fyrirmæli að draslið þarna í salnum ætti bara að fá að vera þarna óhreyft og fyrir okkur. Við ætluðum að vinna okkur í haginn á föstudeginum við að reyna að byrja að taka til þarna og koma mögnurum á sína staði og tína til snúrur og dót en það var komið í veg fyrir þær gjörðir. Það reyndar endaði með að ég gersamlega snappaði þarna við einn starfsmann hússins, sem vissulega á aldrei rétt á sér, en þær tafir sem við urðum fyrir af hálfu TÞM sökum þeirra óskipulags orsökuðu tafirnar hjá okkur.

Hrói og ég vorum einungis 2 að mestu við að koma báðum sviðunum upp, finna til snúrur og mic'a fyrir þetta allt saman sem húsið átti svo ekki nema brot af því sem þurfti. Svið B var að mestu riggað upp með lánsdóti héðan og þaðan, bassatrommumic'ar á A sviði foru fengnir að láni utan úr bæ þegar allar aðrar leiðir þrutu. 4 af 5 monitorum á sviði A eru bilaðir, þar af 1 sem er ónothæfur. Trommumonitorar voru off og engin leið fyrir okkur að koma þeim inn í kerfi og einn bassabotninn í PA kerfinu er dauður. Villi og strákarnir úr Darknote ásamt Ragga Atrum voru með okkur í að reyna að rigga þessu upp og þegar sviðin urðu loksins klár í sándtjékk, 2 tímum á eftir áætlun þá kom í ljós að allar rásir voru á overload á mixer, snúrur hingað og þangað reyndust ónýtar svo það var ekkert sem vann með okkur í þessu.

Fyrir ykkur með kommenta á hann Hróa, sem gerði algerlega það besta sem hægt var að gera úr þessu sem hljóðmaður og veit ég ekki um marga sem hefðu getað skítreddað þessu svona MEÐ JÁKVÆÐU VIÐHORFI!:

KERFIÐ Í TÞM ER FOKKING ÓNÝTT!! ERGO ÞÁ FÆRÐU ÓNÝTT SÁND ÚR ÞVÍ!!!!

Svona áður en þú færð væna sneið frá mér Stulli, þetta vissir þú svo það átti ekki að koma þér á óvart.

11 sveitir tróðu upp í gærkvöldi og lítið þarf útaf að bregða ef skipulag á að haldast, sérlega þegar planið var komið tæpum klukkutíma á eftir áætlun. Flest bönd stóðu sig með stakri prýði við að reyna að koma á móts við okkur með þetta með að stytta program og vera á tánum gagnvart tímasetningum, en þó voru nokkur atriði sem átu upp þann tíma sem vannst með því sem jú, var nokkuð miður. Ég ætla ekki að fara út í einhverja hnýtinga með einstök atriði þar sem þetta skítslapp allt fyrir horn og tónleikunum lauk rétt rúmlega 23:30.

Tónlistarlega séð þá var þessi hátíð mjög góð og nenni ég ekki að fara út í hvað klikkaði í sándi hingað og þangað þar sem það er dauðadæmt að kommenta framkomu sveitanna eftir því. Það varð ekkert úr því sökum fyrrmefndra tækniörðugleika að sándtjékka neitt þarna nema einföld línutjékk þannig að sveitirnar komu á svið, algerlega blautar bak við eyrun.

Voreastral er frábært band með fínar pælingar sem ég á eftir að fylgjast með í framtíðinni. Þar sem ég er gamall Coroner aðdáandi þá finnst mér algerlega frábært að það skuli vera band hér á landi með það stórmerka band sem innblástur í afar skemmtilegum Thrash Metal. Eftir að ég svissaði bassamagnaranum í directið þá komst líka bassinn mikið betur til skila…..þangað til sá frækni bassafantur sem sýndi listir sínar rak sig í volume takkann….hahaha!!

Blood Feud eru einnig með fínan Thrash Metal undirtón sem heillar mig. Þeirra performance í gær var alveg ágætt og sándið á sviði B kom mér mest á óvart þar sem það komst mikið betur til skila en ég hafði þorað að vona miðað við hvað hafði gengið á við að koma því í gagnið. Ég hlakka mikið til að heyra demóið ykkar drengir sem þið lofuðuð í byrjun næsta árs.

Forgarður Fokking Helvítis……úff…….Þvílíkir meistarar. Það er klárt mál að þegar þetta band fer á svið, þá er stuð og stemming. Frábært að sjá þá rífa áhorfendur með sér í flösuþeytingu og slamm og læti. Siggi, Óli, Maddi, Maggi og Venni, þið rúlið, gráhærðir or not HAIL FORGARÐUR HELVÍTIS!!

Darknote var það atriði kvöldsins sem ég var spenntastur fyrir að sjá, enda fyrsta gigg hljómsveitarinnar. Ég hafði heyrt þessa kappa vera að æfa kvöldin fyrir hátíðina gegnum vegginn inn í herbergið sem við vorum að búa til hávaða í og það var bara eins og það væri geisladiskur í blasti hjá þeim, svo þéttir eru þeir. Það var eins og við manninn mælt, þeir glönsuðu þarna á sviðinu, sánduðu mjög vel og áherslukaflarnir þeirra eru svo dead on á réttum stöðum að það er ekki fyndið. Þar að auki vil ég þakka þessum 5 heiðursmönnum fyrir ómetanlega aðstoð við rigg og rót. Hlakka til að sjá ykkur taka klukkutímagigg næst þegar Villi kemur á skerið!!

IX Dimension tróðu svo upp með “halftime” show, elektrónískur hávaði af bestu gerð með frábæru víddjóshowi, gory as hell stuffi sem mér fannst afar skemmtilegt að fylgjast með. Þetta band vil ég sjá á öðrum tónleikastað undir öðrum kringumstæðum en músíkin heillaði mig mikið. Mér fannst lagið þar sem Toni tók bassann bera af. Tveir þumlar upp!!

Disintegrate sá ég ekki þar sem við Hórserðar vorum farnir að græja okkur en það sem heyrði var überbrootal, ekta Kjarri. Ekki alveg mitt kaffi en hljóðfæraleikurinn er á heimsmælikvarða.

Við Hórserðar skemmtum okkur konunglega við að þeysast gegnum þessi 4 lög okkar, fengum fínt sánd á sviðinu og heyrðum vel hvað við vorum að gera sem skilaði sér í ánægjulegu giggi.

Sá ekki Finngálkn, því miður en ég náði seinni helming Atrum settsins og þeir eru klárlega eitt sterkasta band á landinu um þessar mundir. Professional sviðsframkoma, sánd, look, þetta small allt saman. Klárlega einir af ásum hátíðarinnar. Siggi er að verða einn flottasti frontmaður á landinu líka og vókallinn hjá honum er alveg brilljant. Kærar þakkir til ykkar Atrum menn fyrir aðstoð við rigg og rót og að redda bassatrommumic'unum. Toppmenn!

Svartidauði…..ég veit ekki hvað skal segja….vonbrigði mín við framkomu Stulla gagnvart hátíðinni skyggir óendanlega á settið þeirra. Sem einn skipuleggjenda hátíðarinnar þá var þessi hegðun óafsakanleg gagnvart öllu því sem unnið hafði verið að þarna. Held að þú þurfir aðeins að taka sjálfan þig í naflaskoðun eftir þetta og það er borin von að nokkur maður nenni að vinna í tónleikahaldi með þér eftir að verða vitni að þessu. Þið 4 sem eftir stóðu á sviðinu þegar Stulli fór í fýlu og strunsaði af því í Axl Rose rokkstjörnustíl, þið stóðuð ykkur með prýði.

Þetta var fjári erfitt en þó var þetta afar ánægjulegur viðburður þegar upp er staðið. Lænöppið var KILLER en tónleikastaðurinn er vondur. Andkristnihátíð 2008?

Ég vil þakka Haffa fyrir samstarfið með þetta, á endanum þá gekk þetta ágætlega upp miðað við aðstæður, Hrói, þú ert mikill heiðursmaður og átt allar mínar þakkir fyrir að gera það besta úr því sem við höfðum að vinna úr þarna og GUNNI FOKKING SVENN, þú ert meistari meistaranna!!!! Þakkir til Adda og Sigga fyrir að fá að taka þátt í að skipuleggja þessa sögufrægu hátíð.

ég horfði nu bara á blood feud, forgarðinn ,, e-h af finngálkn, atrum og smá svartadauða

blood feud voru mjög góðir fannst mer :) leiðinlegt samta að þurfa að hlusta á soundið fra hliðinni :/

forgarðurinn var geðveikur, áttu þetta algjörlega

Finngálkn fannst mer nú ekki góðir, þótt mér finnist diskurinn þrusu góður, söngurinn var stundum á undan eða á eftir og þetta gekk e-h voða illa bara

var voðalega lítið að fylgjast með svartadauða var orðin svo þreytt :)

Hún er búinn að vera að verja þetta band svo mikið að ég var farinn að halda að þetta væri Finngálkn meðlimur.

En annars bara gleðileg jól öll sömul.

Helshare stóðu uppúr að mínu mati. Fýlaði þá í tætlur. Var líka alveg frábært þegar þeir tóku At The Gates.

Annars á Disintigrate líklega fyrir sér bjarta framtíð því þeir voru hel þéttir þarna, sama gildir um Blood Feud.

Var btw ekki alveg að fýla crowdið. Ég og félagi minn reyndum að starta smá pitti þegar Kjarri var að verða brjálaður, við þvældumst bara fyrir fólki.

Voreastral voru fínir en það heyrðist lítið í söngnum.
Blood Feud voru virkilega þéttir og náðu að heilla mig mikið miðað við sound vandræðin.
Forgarðurinn var frábær og var hápunktur hátíðarinnar.
Darknote voru ágætir miðað við fyrsta live gig, sá eitt lag og þeir stóðu sig vel.
Helshare voru að standa sig en náðu ekki að heilla mig mikið.
Finngálkn var vonbrigði, heyrði lítið í gítarnum og allt of mikið i bassanum, trommurnar fannst mér frekar til einhæfar.
Atrum voru mjög góðir, þéttir, hraðir og fín sviðsframkoma.
Svartidauði skitu á sig, sérstaklega með attitudinu í Stulla.

Fínt kvöld annars og nóttin mun betri.

Ég vildi að ég hefði séð flest böndin og gæti þess vegna kommentað vel á þetta en ég gerði það ekki vegna þess að þegar ég er sjálfur að spila er ég oft meira upptekinn af sjálfum mér en ella.

Mér finnst mikið af þessum deilum varðandi þessa hátíð asnaleg. Mér finnst lélegt sánd vera lélegt sánd en góð hljómsveit er yfirleitt góð hljómsveit. Ef að menn geti ekki spilað sæmilega þegar það vantar mónitor eða eitthvert smotterí þá þarf sú hljómsveit aðeins að taka sig til og vinna í því.

Eru menn bara of góðu vanir?

Þarna voru a.m.k. tvö mjög góð bönd sem voru að kasta sökinni á kerfið sem er kanski í lagi en ég spilaði sjálfur þetta kvöld og ég tók ekki eftir neinu sérstöku, þótt við spiluðum ekki kanski fullkomið sett eða neitt þannig. Og nei þetta á ekki að hljóma eins og við séum eitthvað yfir aðra hafnir eða eitthvað svoleiðis en ástæðan fyrir því að sándið var ekki að trufla okkur eins og aðra þarna er af því við æfum mikið og vel. T.d. var það fyrsta sem Jakob, trommuleikari, Blood Feud sagði þegar hann steig af stokki að hann hefði ekki heyrt neitt í neinum en þrátt fyrir það voru þeir bara með kikkass performance, með kannski nokkrum klaufavillum sem enginn tók eftir nema þeir.

Og varðandi rifrildið hérna fyrir ofan að þá segi ég nú bara að auðvitað má gagnrýna bönd á slæman hátt þó svo að slæmur mónitor hafi einnig verið inní mynd. Auðvita spilar sándið og kerfið alltaf inní hvort það sé gott eða vont…

En allavega, ég þakka fyrir mig og okkur í Atrum fyrir sjóvið, við skemmtum okkur konunglega og stór heilsa og stór skammtur af virðingu til Atla Jarls og Haffa Denver og aðra aðstandendur hátíðarinna fyrir að gera hlutina vel þó svo að það hafi verið margt í vegi.