"hvar finn ég bréfið frá henni?"

Í stuttu máli þá talar hún um hvað hún sé hneyksluð að þeir blandi Marcelo manninum hennar í málið og að þetta sé mynd af sér sem hún kannist ekki við. Sömuleiðis að henni finnist leitt að þetta hafi verið gert á þennan hátt. Í raun svarar hún engum af efnisatriðum Tuomasar sem fær mig til að gruna að sitthvað sé hæft í þeim hjá honum. Ef sú er raunin þá hafa strákarnir í raun ekki haft neitt val með að sparka henni og einungis hægt að velta því fyrir sér hvort þeir hefðu átt að gera það á annan hátt. Persónulega er ég sammála þessari aðferð hjá Tuomasi þar sem hann setur aðdáendurna fram fyrir allt og leggur spilin einfaldlega á borðið. Fólk fær þá bara að vita um hvað málið snýst og þarf ekki að vera með neina getspeki í þá veru. Ef þessi hlið hefði ekki komið fram þá hefði ég persónulega farið að ímynda mér að Tuomas væri í einhverjum einræðisleik og dæmt hann ranglega sem hann virðist ekki eiga skilið.