Eitt enn…
Afhvejru er skítahandboltarokkbandið dead sea apple að hita upp fyrir þá?

Ég á alltaf í svolitlum vandræðum með að svara svona spurningum. Ég veit ekki alveg hvort að ég eigi að svara þeim á með því að nota sama stíl og spurningin kom á (svona eins og “Af því að skítafokkararnir í Mínus dissuðu mig bara”) eða gefa mér einhvern smá tíma í að útskýra þetta á mannamáli og án þess að nota móðgandi lýsingarorð. Ég veit bara ekki hvort svarið gæti komist betur til skila.

Ég vil náttúrulega taka það fram að ég hef ekkert á móti Mínus, hef átt í góðum og skemmtilegum samskiptum við þá í undirbúningi tónleikanna, en bað þá ekki um að spila. Ég notaði þetta bara sem dæmi um orðalag…

Ég verð að játa það einnig að þekking mín á hinu íslenska þungarokkssviði er alltaf að aukast. Ég hef aftur á móti verið búsettur í Danmörku síðustu 3 ár, þannig að þessi íslenska metal-bylgja hefur að einhverju farið framhjá mér og ég ekki kunnugur flestum af þeim hljómsveitum sem eru starfandi núna. Ég þekki líka strákana í Dead Sea Apple og ber mikla virðingu fyrir þeim. Ég get svosem alveg tekið það fram að mér finnst eldra efnið frá þeim mun betra en þetta sem þeir hafa verið að gera síðustu árin, svona þar sem það var miklu meira “metal” en nýja efnið (sem er meira svona “Brit pop” eitthvað).

Reyndar neita ég því ekki að DSA er absólútt með betri rokkböndunum í dag á Íslandi (að mínu mati að sjálfsögðu og miðað við það sem ég hef heyrt) og reyndar miklu betri live heldur nokkurn tíma á plötu. DSA hefur alltaf státað af góðum lögum (good songwriting), sem var eitt af því fyrsta sem ég tók eftir hjá þeim þegar ég heyrði í þeim fyrst. Þeirra lög eru nógu flókin til þess að mér finnist þau áhugaverð, þó svo ég geti alveg viðurkennt að þeir mættu aðeins bæta í metalinn hjá sér. T.d. er eitt allra besta rokklag sögunnar á Íslandi eftir þá. Það heitir Mist of the Mourning og sparkar stórann rass live (afsakið orðalagið).

Annars svona þar sem ég þekki bandið, þá var það kannskis svolítið þess vegna, og einnig kannski vegna þess að ég er persónulega ekki að fíla alveg þessa Hardcore, harðkjarna tónlist, sem virðist svona næstum eingöngu vera það eina sem íslenskar metal sveitir eru að spila í dag. Ekki misskilja mig þó, mér finnst það alveg frábært það sem er að gerast í metalgeiranum núna hérlendis, og það er ekkert smáræði sem Dordingull.com er að gera, ásamt náttúrulega Babylon og Radio-X.

Þorsteinn