Leitaðu á www.eldhus.is og tékkaðu hvort þú finnur ekki fullt af góðum, auðveldum uppskriftum þar. T.d. er sniðugt að byrja á að steikja hamborgara, eða búa til spaghettírétti, svo er ofnsteiktur fiskur með grænmeti og karrí með rifnum osti ofaná nokkuð sem erfitt er að klúðra. Mér finnst reyndar betra sjálfri að forsjóða fiskinn áður en ég ofnsteiki hann (í svona 1 mín). Það er líka til fullt af allskonar hálftilbúnum mat í búðunum sem þú ættir að kíkja á í góðu tómi. Þá geturðu fundið léttar uppskriftir á pökkunum sem þú getur stuðst við til að byrja með. Svo kemur tilfinningin fyrir því hvernig á að krydda og steikja smám saman. Gangi þér vel.