Ég veit um eitt gott sem er hægt að fá sér þegar maður kemur heim úr skólanum, eða bara þegar maður er svangur og aðallega þegar mann langar í nammi :P

Ef þú átt mixara er mjög gott að mixa saman ávexti. Mér finnst gott að mixa bara ávexti en það er líka hægt að setja mjólk eða hreina jógúrt með, fer bara eftir því hvað manni dettur í hug.

T.d. er gott að mixa saman banana og epli og mér finnst gott að setja smá kókosmjöl útí. Ég mæli með því að þú prófir bara allt sem þér dettur í hug að gæti verið gott saman.

Svo er líka hægt að gera holl og góð kartöflubuff í kvöldmatinn:

Nokkrar soðnar kartöflur (veit ekki alveg hvað margar)
Haframjöl
Grænmetiskraftur
Krydd eftir smekk (mér finnst gott að setja karrý en það er hægt að setja allskonar krydd)
salt
(ekki mikið af mælieiningum :P)

Maður hrærir kartöflurnar og setur haframjöl saman við þangað til “degið” hættir að vera klístrað. Þá setur maður grænmetiskraft útí og krydd. Grænmetiskrafturinn og kryddið verða að vera síðast því haframjölið drekkur í sig bragðið.
Svo býr maður til buff úr þessu, ekki of stór, og steikir á pönnu.


Fyrirgefðu að þetta er ekki nákvæmt en ég lærði þetta bara svona.
Ég held að þetta sé til einhversstaðar á netinu svo þú getur örugglega fundið það í google ef þetta er ekki nógu gott.