þessi er rosalega góð og alveg tilvalið að nota sé góða verðið á svínakjötinu……..

1/2 kúrbítur
6 svínakótilettur
matarolía til að steikja uppúr
salt og pipar
125 gr fetaostur
1-2 hvítlauksrif(ég nota amk2-3 ;) )
1 dl sýrður rjómi
1 tsk basilikukrydd

Grófrífið kúrbítinn,stráið salti yfir og látið standa í 10 mínútur. Steikið kótiletturnar í olíu á vel heitri pönnu,kryddið með salti og pipar og raðið í eldfast mót. Myljið fetaostinn með gaffli,merjið hvítlauksrifin og hrærið saman við fetaostinn ásamt sýrðum rjóma,kreistið vatnið úr kúrbítnum og hrærið hann saman við ásamt basiliku.
Dreifið ostablöndunni yfir kótiletturnar og bakið í 200 gráðu heitum ofni í 12-15 mínútur.

Berið fram með grænmeti,t.d soðnu brokkoli,blómkáli og gulrótum eða fersku salati og kartöflum.