Frönsk súkkulaðiterta, mjög fljótleg og góð (úr Gestgjafanum)

200 gr suðusúkkulaði
200 gr smjör
4 egg
3 dl sykur
100 gr saxaðar heslihnetur
1 dl hveiti

flórsykur
fersk jarðaber (þvegin, þerruð og síðan skorin í tvennt)

Bræðið súkkulaði og smjör saman í vatnsbaði eða örbylgju (ath. þegar brætt er í örbylgju að stilla aðeins á 1-2 mín í einu og fylgjast vel með). Kælið svolítið en ekki svo lengi að blandan fari að storkna. Þeytið egg og sykur mjög vel þannig að það verið létt og ljóst. Blandið súkkulaðismjörinu saman við og þeytið aðeins. Setjið hneturnar út í hveitið og hrærið þessu varlega í eggjablönduna. Hellið í vel smurt 28-30 sm klemmuform og bakið við 180°C í um 40 mín. Athugið að tertan á að vera svolítið blaut (klesst). Látið hana kólna alveg áður en hún er losuð úr forminu.
Skreytt rétt áður en hún er borin fram með jarðaberjum og flórsykri stráð yfir.
Gott að bera kökuna fram með þeyttum rjóma.