Þessi er frískandi og góður. Þsð finnst alla vega minni fjölskyldu.

2-3 dl soðin löng hrísgrjón
100-150g beikonsneiðar
2-3 dl ferskar eða frystar grænar baunir
250g ferskir sveppir
1 lítill laukur
2-3 tómatar
steinselja

Lögur:
4 msk. sítrónusafi
5-6 msk. olía
salt
pipar

Klippið beikonsneiðarnar í ræmur, stökksteikið þær og leggið þær á pappír sem drekkur í sig fituna. Hristið saman löginn. Skolið og hreinsið grænmetið. Skerið sveppina í sneiðar og leggið strax í löginn svo þeir dökkni ekki. Rífið laukinn og skerið tómatana í þunna báta. Blandið grjónunum, baununum, lauk, tómötum og fínklipptri steinselju í skálina og dreifið beikonbitunum yfir. Hellið loks leginum með sveppasneiðunum yfir.

Borið fram sem forréttur handa fjórum