Fyrir þá sem vilja áfengt.

2 bollar mulið hafrakex með súkkulaði
70-100 g smjör, brætt
500 g rjómaostur
½ bolli rommkúlur
3-4 msk rjómi
5 dl rjómi, þeyttur
1 bolli Mars súkkulaði, saxað
Klæðið lausbotna form að innan með bökunarpappír. Blandið saman kexmylsnu og smjöri og þrýstið á botninn og upp með hliðunum á forminu. Kælið. Hrærið rjómaostinn þar til hann verður mjúkur. Hitið rommkúlurnar og óþeytta rjómann í örbylgjuofni og kælið í svolitla stund áður en blandan er hrærð saman við rjómaostinn. Hrærið saxaða Marsinu saman við og blandið þeytta rjómanum varlega saman við með sleikju. Hellið fyllingunni yfir kexbotninn og kælið. Undirbúningur er u.þ.b. 20-30 mín. Kakan er best eftir að hafa staðið um 2 sólarhringa í kæliskáp. Skreytið með rommkúlum og bláberjum, jarðarberjum eða vínberjum eftir smekk.