Já lömbin mín, nú er kominn tími á að ég deili með heiminum uppskriftinni að bestu, sveittustu og feitustu samloku allra tíma, túrbótrukkamummasamlokunni.

Það sem þú þarft er eftirfarandi:
Panna
Olía(Mikið!)
Beikon (ca.6 sneiðar)
Egg (ca. 2 stk.)
Franskar
Skinka (ca. 3 sneiðar)
Pylsur (ca. 2 stk.)
BBQ Sósu
Hamborgarasósu
Kál
Brauð (4 sneiðar)
Köd og Grill krydd
Salt og Pipar
Hvítlaukskrydd

Uppskrift fyrir 2.

Byrjað er á því að skella pönnu á helluna og setja örlítið af olíu á. Svo skelliru beikoninu og steikir í þann tíma sem þér þykir best.
Því næst er best að skera eina línu í pylsurnar og skella á pönnuna með dágóðri slummu af olíu og steikja þangað þær eru orðnar vel sveittar og opnar.
Frönskunum er næst skellt á pönnuna með niðurskorinni skinku einnig er gott að nota skinkukurl.
Steikið það þangað til franskarnar eru orðnar stökkar og sveittar og skinkan orðin heit og góð.
Næst eru eggin og brauðið tekið fram og hent á pönnuna með að sjálfsögðu meiri olíu, best er að steikja eggin báðumegin og krydda með köd og grill og salta og pipra sem og brauðið sem skal kryddað með hvítlaukskryddinu.
Steikið þangað til brauðið er orðið sveitt í gegn og eggin orðin tilbúin eftir þinni hentisemi!

Þegar allri eldamennsku er lokið þá er bara að skella öllu þessu saman! Best er að hafa of mikla BBQ sósu og aðeins eitt kálblað því það er óhollt. Sjálfum finnst mér best að hafa franskarnar inní mummanum en einnig er gott að hafa þær bara “on the side”.

Gjöriði svo vel og njótið kaloríanna!