Mal3 fyrir 23 árum, 4 mánuðum Fjöldi lestra: 686

Martini

Jæja, nú fæ ég að sjá hvort það er í lagi að senda inn efni um drykki.

Þurr Martini, konungur kokteilanna, er uppáhalds-kokteillinn minn og hérna er uppskrift og góðir punktar.

Það eru til ótrúlega mörg afbrigði af Martini kokteilum. Þegar sagt er að hann sé þurr er verið að meina að gin sé í yfirgnæfandi hlutföllum. Það er einfalt að blanda Martini kokteil en ekki endilega auðvelt. Það er líka mjög erfitt að finna bar þar sem maður fær góðan Martini að staðaldri þannig að ef þið eruð forvitin er um að gera að blanda svona heima, ellegar mæli ég helst með Kaffibrennslunni. Annar kostur er sá að ef þið eigið flösku af góðu gini er eini verulegi kostnaðurinn við að prófa kaup á lítilli vermúð flösku.

Hvað þarf:
Klaka, alls ekki mulinn
Martini Extra Dry Vermouth, eða sambærilegt, verður að vera Dry.
Gin, best að hafa geymt það í frysti um tíma. Ekki hafa áhyggjur, það frýs ekki!
Grænar, fylltar ólívur
Tannstöngla eða kokkteilpinna

Svo þarf augljóslega glös og áhöld til blöndunar. Mest gaman að hafa þetta í Martini glösum, þau eru keilulaga á löngum stilk. Kokkteilar eiga undantekningarlítið að vera fallegir, takk fyrir. Kokkteilhristari er óþarfi ef maður er hóflega sniðugur.

Það eru helst tvö atriði sem skipta máli í Martini blöndun. Annarsvegar að kokkteillinn sé sem kaldastur því maður þambar svona nokkuð almennt ekki. Hann er aldrei mjög góður nema ískaldur og þarf að haldast þannig, þessvegna er best að frysta ginið. Hitt atriðið eru hlutföll en mér finnst að 5 hlutar gins á móti einum af Martini Dry sé það daufasta sem gengur upp. Þeir sem eru að byrja vilja kannski prófa 3 eða jafnvel bara 2 hluta gins á móti hverjum af Martini en það má deila um hvort kokkteillinn sé þurr lengur þá. Til hægðarauka ætla ég að nota 5 á móti 1.

(Athugið, þetta er nóg í tvö glös)
Frystið glösin eða a.m.k. setjið klaka í þau meðan drykkurinn er blandaður
Setjið klaka í blöndunarílátið, hellið ca. 15 cl af gini og 3 cl af Martini Dry út í.
Hrærið MJÖG létt.
Hellið blönduðum drykknum af klakanum í drykkjarglösin.
Bætið út í einni eða tveimur ólívum á pinna í hvort glas.
Drekkið, en rólega!

Fyrir þá sem líkar ekki ólívur en líst vel á drykkinn er t.d. hægt að nota örlítinn strimil af sítrónuberki í staðin. Svo er líka hægt að skipta ólívunum út fyrir kokteillauk en þá er þetta ekki lengur Martini heldur Gibson. Fyrir þá allrahörðustu má líka reyna að minnka Martini magnið enn meira. Ég ætla að prufa næst að hella fyrst Martini út á klakann og hella því svo aftur af áður en gininu er bætt út í. Þá er aðeins sá Martini sem loðir við klakann í blöndunni. Ég get garanterað að maður vaknar við þannig!

Ég mæli eindregið með Tanqueray gini, það er dýrast en peninganna virði. Önnur helstu gin sem almennt er mælt með eru Bombay Saphire og Beefeater. Ég er loksins búinn að komast yfir flösku af Plymouth Gin og mun reyna það í framtíðinni í Martini, en er ekki búinn að smakka það ennþá. Það ku vera eitt það besta á markaðinum.

Biðst velvirðingar ef þetta var í lengri kanntinum en það hafa verið skrifaðar heilar bækur um Martini kokteila. Ég hefði getað skrifað aðra eins grein í viðbót og haft gaman af!

“I love to drink Martinis
Two at the very most
Three I'm under the table
Four I'm under the host”

- Dorothy Parke

[Notanda eytt] fyrir 23 árum, 4 mánuðum

Ég vil minn martini “shaken, not stirred”

Fyrra álit

[Notanda eytt] fyrir 23 árum, 4 mánuðum

Svallt, elska martini. Alltaf gaman að lesa um ´ennan æðislega drykk sem á svooo vel við mörg tækifæri.

Fyrra álit

Mal3 fyrir 23 árum, 4 mánuðum

Shaken not stirred er þetta klassíska James Bond myth. Flestir Martini aðdáendur vilja ekki sjá þannig því það kvarnast úr klakanum þegar drykkurinn er hristur. Það sem gerist semsagt er drykkur sem er ekki jafn tær (fallegur) fyrir utan að klakinn er vatn og það er óæskilegt í drykkunum.

Annars er málið að hafa drykkinn eins og maður vill drekka hann en ekki eins og aðrir segja að hann eigi að vera. Njóttu!

P.S. Það er efni í grein að skrifa um Martini drykkju James Bonds, því kallinn gerði ýmislegt með Martini kokteila, ekki allt jafn slæmt og “Shaken not, stirred.” Reyndar átti það við Vodka Martini að ég held, öðru nafni Vodkatini. Sleppa gininu og nota eitthvað gæðavodka í staðinn. Venjulega líka hærra hlutfall af Martini. Þar sem ég er ekki mjög hrifinn af vodka hef ég ekki prófað þetta.

Fyrra álit

barossa fyrir 23 árum, 4 mánuðum

Ég er sammála um val á gini sem þú nefnir.
það jafnast ekkért á við kaldann marini.

Ég er að vísu lærður fagmaður í fremmreiðslu og hef unnið á mörgum börum og með bestu bar þjónum landsins og erum við inní alþjóða samtökum barþjóna.Þar er talað um að 5/1 og 4/2 í cl, sé málið.
Svo má ég til með að nefna hvernig einn þurrasti
martini var lagaður hér á landi.
Maður nokkur bað um exstra þurran á bar útí bæ,
og það var ekki verið lengi að því,gin í shakerinn og hringt í næsta bar og þar hvíslaði barþjóninn VEERMUUTH í símann þega tólið var yfyr glasinu.

Svo langar mig að benda á einn drykki sem menn liggja flatir fyrir.

curranttini:
4cl absalut currant vdka 2cl þurr vermúð.
Kæla glös og hræriglas vel og hræra.gott er að setja mikinn klaka í hræriglasið eða shaker til að kæla drikkinn,passa þarf að sía vatnið frá sem bráðnar á meðun klaninn er í shakernum árur enn blandað er.

Best er að hafa þurra drykki kalda á meðan er verið að drekka þá.ÞAð er talað um að líftími drykkja er 12-15 mín annars sofna þeir.

Fyrra álit

Mal3 fyrir 23 árum, 4 mánuðum

Nú er þetta áhugamál farið að rúlla þykir mér!

Ég var ekki viss með mælieiningar en hélt að 3 cl væri sjúss, er það ekki rétt? Mæli glasið mitt mælir 2 cl og 4 cl.

Það eru til margar sögur um hvernig Winston churchill blandaði Martini, ein er á þá leið að hann hafi hellt gini í hristarann, horft í áttina að Martini flöskunni og klárað svo að hræra!

Þessi Currantini hljómar vel, held ég hafi séð hann á einhverri síðu í dag en skoðaði hann ekkert. Verst að maður tímir ekki að kaupa heilar flöskur af svona vodka og ég nenni varla að reyna að “kenna” einhverjum barþjóni að gera þetta á háværum skemmtistað.

Er kannski málið að fara að reyna hótelbarina? Ég er til í að heyra hvar maður finnur hæfa barþjóna sem maður þarf ekki að kenna að blanda Martini.

Stay tuned, þegar ég kemst yfir Lime Juice Cordial mun ég skrifa pistil um tilraunir mínar til að blanda fullkominn Gimlet… :)

Fyrra álit

barossa fyrir 23 árum, 4 mánuðum

Löggildingastofa seigir og ákveður að sjúss(einfaldur) sé 3cl.kanna má slússa mæla og sjá hvort sé búið að grafa í þá skammstöfun eða skjaldarmerki.

Annað mál.það eru nokkrir góðir barir enn barþjónar sem þarf að mata á upplisýngum til að fá sitt.svo er það líka að góðir baþjónar sem eru oftast framreiðslumenn og eru að vinna á veitingastöðum sem eru í fínni kantinum,en það seigir okkur að þá þarf landinn að kíkja á bari veitingastaða.Það bjóða ekki allir veitingastaðir uppá að það sé hægt að fá sér nokkra og þakka fyrir sig,það er æskilegra að snæða á staðnum sem býður að vísu uppá þann möuleika að testa mismunandi drykki fyrir og eftir mat og eithvað ljúfeingt þess á milli.
Enn við meigum ekki gleima því að þjónustulund manna er misjöfn og það er alltaf hægt að fara samningaleiðina að öllu.
Ég tek það framm að það eru fáir staðir sem gera út á þetta.

Þeir barir sem ég mæli með að fara á og testa sig áframm og ekki sjá eftir peni…. eru:
Rauði barinn Einar ben.
Astra bar grillið Hótel sögu (ég lærði þar).
Hótel Holt.
Súlnasalurinn ef þið eigið leið þangað.
Perlann,enn ég geri ráð fyrir að snæðingur þarf að fylgja með.

Nú skora ég á landann að fara í bingo gallan og láta ekki neit aftra sér.

Fyrra álit

Matargerð

Matargerð

Ofurhugar

Stjórnendur

Hverjir eru inni

Greinar

Martini

Dýr

Dægurmál

Fræði

Leikir

Lífið

Lífsstíll

Margmiðlun

Menning

Skjár

Sport

Tónlist

Tækni

Vélar

Hugi