Gunnar Nelson á pallinum með gullið um hálsinn eftir sigurinn á PAN JIU-JITSU CHAMPIONSHIP 2009. Gunnar glímdi alls fimm glímur á mótinu, hann vann tvær þær fyrstu á stigum en hinar allar með því að neyða andstæðing sinn til uppgjafar, þar af úrslitaglímuna eins og áður segir. Á meðfylgjandi myndum má sjá Gunnar á sigurpallinum. Honum á hægri hönd er Bruno Alves sem lenti í öðru sæti og á vinstri hönd er Daren Roberts sem lenti í þriðja sæti. Gunnar sigraði þá báða á mótinu með sitthvoru hengingartakinu. Báðir hafa þeir verið mjög sigursælir undanfarin ár. Gunnar sigraði einnig þrjá aðra andstæðinga á leið sinni að gullinu, þ.á.m. Clark Gracie.