Eftir sterka sigra gegn Gretti Sterka, King Kong, T. Rex og Verðbólgudraugnum setti Fedor punktinn yfir i-ið og tryggði sér titilinn “skapari himins og jarðar” af Jahve “Guð” Almáttugum. Verður það að teljast ansi góður árangur þar sem Jahve hafði haldið þessu beltí lengur en nokkur annar, ca. 6.000 ár.

Ekkert hefur verið gefið upp um hvort rematch sé í kortunum, en talsmenn fyrrum nemanda Guðs, Lúsifer “Lygaprins” segja engan fót fyrir þeim sögusögnum að hann hugsi sér að skora á Fedor, en Guð hafði einmitt verið sakaður um að hafa duckað Lúsifer undanfarnar þúsaldir.

“Hann er kannski holdgervingur hins illa en hann er ekki heimskur strákurinn” sagði Guð þegar útsendarar Huga.is höfðu samband við hann. “Hann á ekki séns í Fedor, ekki meðan ground-gameið hans er ekki betra en það er”