Fæst í Mjölni.

Heill og sæll Fury,

Langaði að svara þér varðandi Knockout.is og skoðun þína á vöruverðinu þar.

Það er kappsmál hjá okkur hjá Knockout.is að bjóða aðeins vönduðustu og þar af leiðandi öruggustu vörurnar sem í boði eru fyrir blandaðar bardagalistir. Ástæðan fyrir því er sú að íþróttin er ung hér á landi og með lélegri útbúnaði eykst hætta á meiðslum og með auknum meiðslum verður umræðan neikvæðari í garð íþróttarinnar. Það var því ákveðið í upphafi rekstursins að bjóða bara bestu vörurnar og það eins ódýrt og kostur er.

Með þetta að leiðarljósi náum við að bjóða dýrar vörur ódýrt og þó að það kannski hljómi dýrt að þurfa að borga 17.020 fyrir 16oz boxhanska þá þurfum við ekki nema að líta til nágranna okkar í danmörku (www.fairtex.dk) til þess að sjá hvað við höfum það gott. Þar kostar par af sömu hönskum 999,95 DKR sem eru 22.939 ISK. Ef menn ætluðu síðan að panta þessa vöru frá dk og láta senda þá bætist ofan á sendingarkostnaður sem er yfirleitt ekki undir 20%, tollur sem er 10% og svo að lokum VSK sem er 25,5%. Þannig væri par af boxhönskum sem þú getur keypt hjá knockout.is á 17.020 og fengið samdægurs að kosta komið frá Danmörku eftir x marga daga 37.356.eða meira en 100% dýrara en hjá KO.is

Ég geri mér grein fyrir því að þetta er kannski full dramatískt dæmi að miða við Danmörku en við þurfum að taka inn í reikninginn að frá því að fyrir rétt um 2 árum síðan var gengi gjaldmiðla almennt 50% lægra en það er í dag. Þar af leiðandi, ef ég væri að selja þessa hanska miðað við það gengi sem fólk vandist á þeim tíma þá væru þeir að kosta vel undir 10 þúsund krónum.

Margir líta til bandaríkjanna með að panta vörur og þá skulum við skoða síðuna MMAOverload.com sem er vinsæl og virt MMA netverslun. Þar kosta sömu hanskar 85 USD sem gera 10.709 kr. Bætum ofan á því áætluðum sendingarkostnaði, 2142 og tolli, 1071 og þá er þetta komið í 13.921 fyrir skatt og endar í 17.471 komið hingað til lands með tolli og sköttum, að því gefnum að sendingarkostnaður fari ekki yfir 20% sem er alls ekki svo líklegt.

Með því að versla þessar vörur á Íslandi ertu tryggður fyrir göllum á vörunni og getur skilað henni eða skipt án þess að þú þurfir að greiða undir það mörg þúsund króna sendingarkostnað og þurfir að standa í tölvupóstsþrasi yfir Atlantshafið.

Ég vona að þetta gefi þér nýja sýn á verðlagið hjá okkur og hvet þig um leið til þess að leita ekki endilega alltaf að ódýrustu vörunum því að þegar uppi er staðið þá er sparnaðurinn kannski ekki það mikill ef þú þarft að endurnýja vöruna örar og hvað þá ef hún eykur meiðslahættu.


Með vinsemd og virðingu,
Knockout.is

Combat Gym www.combat.is eru með mikið af þessum vörum og eiga von á stórri sendingu bráðlega. Gi frá 10.500kr, mma hanskar frá 7000kr, legghlífar frá 7000kr og eitthvað var mjög litið til um daginn. En von á einhverju í suma