Taekwondo er eina austurlenska bardagalistin sem er viðurkennd af Olympíusambandinu, og eina íþróttin sem keppt er í. Júdo er sjálfsvarnar íþrótt og ekki austurlensk (held ég).
Ég hef ekki heyrt né séð af Rómverskri glímu. Karate og Kung Fu er ekki Olympískar greinar enn en ég vona mjög svo að það verði það fljótlega. Ég veit að Karate er að pressa á að komast inn, og gæti orðið sýningargrein á næstu leikum, en er þó ekki víst.
Svo jú, Taekwondo er eina bardagalist sem keppt er í á Olympíuleikunum.

Hér getur þú séð þær íþróttagreinar sem keppt er í og lesið nánar um þetta:
http://www.olympic.org/uk/sports/index_uk.asp

Til að byrja með held ég að næstu sumarólympiuleikar verður fyrsta sinn sem Tae kwon do verði OPINBER keppnisgrein, hún hefur verið sýningargrein í fleiri fleiri ár en núna held ég að hún sé fyrst að verða opinber grein með verðlaunum og öllum pakkanum (getur verið að þetta hafi gerst á seinustu ólympíuleikum held samt ekki).

Júdó er VÍST austurlensk bardagaíþrótt, ég verð að segja að mér finnst það að segja annað sé bara fáviska, bara af því það eru ekki notuð högg þá er þetta samt bardagaíþrótt, þetta er bara önnur taktík til að yfirbuga andstæðinginn, og Júdó er vissulega frá Japan. Grísk-Rómversk glíma er líka bardagaíþrótt (spyrjið bara Randy Couture núverandi UFC Þungavigtarmeistara sem er nánast 100% glímumaður og var einn af þeim fremstu í ameríku), en ekki austurlensk.

Málið er einfalt, þær þjóðir sem halda ólympíuleikanna fá að bjóða fram eina íþrótt til að taka inn í ólympíuleikanna og þeir eru oftast settar sem sýningargreinar fyrst og ef greinin þykir sanna sig, og það er ekki þannig að eitt land vinni alltaf þá verður greinin official keppnisgrein. Ég heldað Júdó hafi mjög fljótt orðið að official keppnisgrein af því Hollendingar og fleiri unnu fljótt til verðlauna (en ekki bara Japanir eins og margir héldu kannski því þaðan kemur íþróttin), annað var upp á teninginn með Tae Kwon Do og þess vegna hefur það verið sýningaríþrótt svona lengi, en í dag eru keppendur á heimsmælikvarða um allan heim þannig það er ekki lengur fyrirstaða.

Þessi blanda af Kung Fu og Muay Thai sem þú ert að tala um er San Shou, það er ekki víst að það komi inn á ólympíuleikanna en það er vissulega möguleiki. Eins og málin standa núna hafa kínverjar (fyrir sína ólympíuleika í Beijing) lagt fram íþróttina Wushu Kung Fu, en Wushu er aðalega form/kata/poomse æfingar (hvað sem þið viljið kalla það) með vopnum eða berhent, þetta form af Kung Fu hefur fengið nokkra gagnrýni þar sem hún hefur í raun lítið að gera með “alvöru” bardaga heldur finnst mörgum það frekar minna á dans eða kannski gólfæfingar í fimleikum frekar en bardagalist. En það er annar armur af Wushu sem er San Shou (eða Sanda) sem er svona “ringside” keppnisgrein, þar er s.s. keppt á upphækkuðum ferhyrning (engir kaðlar, ef þú dettur niður meiðirðu þig bara) reglurnar eru í raun einfaldar, þetta er eiginlega bara eins og Kickboxing nema hvað að það er leyfilegt að taka andstæðinginn niður á jörðina (færð stig fyrir að taka hann niður hvernig sem þú gerir það), þear andstæðingurinn er kominn í jörðina eru keppendur látnir standa aftur upp og hefja bardagann aftur, olnbogar og hné eru ekki leyfð, en allar kýlingar og spörk eru leyfð.

Þess má geta að ég sendi inn grein fyrir eins og 2 mánuðum síðan um San Shou bardaga sem átti sér stað í byrjun desember þar sem einn besti San Shou bardagamaður heims, Cung Le keppti við UFC keppandann Shonie Carter, það var linkur neðst í greininni á stað þar sem hægt var að DL svona “highlight” video af þessum bardaga og gefur hann góða mynd af því hvernig San Shou keppnum er háttað (þessi bardagi fór að vísu fram í hring en ekki upphækkuðum ferhyrning).

Hérna er greinin: http://www.hugi.is/martial_arts/greinar.php?grein_id=35171