Já við verðum að vera sammála um að vera ósammála í þessum efnum, en mig grunar að einhver eins og Rousimar Palhares, svona gaur sem að hefur bæði unnið flott og tapað gegn sér betri mönnum í UFC myndi vera dýrkaður sem guð og tilvonandi stórstjarna ef að hann hefði unnið Jeremy Horn í fyrsta Pride bardaganum sínum í staðin fyrir fyrsta UFC bardaganum sínum, einfaldlega vegna þess að í hugum svo margra hefur Pride þessa mystík í kringum sig sem að gerir jafnvel meðaljóna að vinsælum keppendum. Það að maður eins og Alexander Emelianenko, sem að hefur í besta falli svona la-la record og aldrei náð virkilega sannfærandi sigri er ennþá alltaf í umræðunni um topp 10 HW þó svo að ferill hans hafi ekki verið upp á marga fiska undanfarin ár.

Ef að hann hefði nákvæmlega sama record á bakinu gegn sömu andstæðingum í UFC, þá væri hann öllum gleymdur.

Það sem þú minntist líka á með þessi mega-stacked cards sem að Pride var með, eintómar stórstjörnur “from top to bottom”, þá verð ég samt að benda á að þeir gátu bara gert það með því að keyra nánast hvert einasta show á sama mannskapnum, með miður skemmtilegum afleiðingum fyrir marga keppendur. Tökum sem dæmi Wanderlei Silva, sem að er rétt rúmlega þrítugur en ferillinn er samt nánast búinn, því að hann fékk lítil sem engin hlé til að hvíla sig milli bardaga og leyfa meiðslum að ná sér. Sama gildir um Minotauro, ég fékk næstum því hjartaáfall þegar ég gerði mér grein fyrir að maðurinn er jafn gamall mér! Hann er eins og liðið lík enda ófá stríðin sem að DSE sendi hann í illa undirbúinn. Igor Vovchancyn dró sig einnig í hlé snemma vegna meiðsla, og sú staðreynd að hann slóst á nánast hverju einasta Pride cardi í þrjú ár samfleytt hefur mikið með það að gera.

UFC má þó eiga það að þeir spila mjög gáfulega úr þeim mannskap sem að þeir hafa yfir að ráða, og gæta þess eftir fremsta megni að menn séu ekki að berjast með meiðsl á bakinu, enda þurfa þeir að lúta úrskurði óháðra lækna(s.s medical suspensions).

Pride brenndi kertið í báða enda, og voru búnir að missa mikið af sínum bestu mönnum frá sér fyrir arfavitlausa stefnu í ýmsum málum áður en þeir fóru á hausinn. Það hvernig þeir ráku fyrirtækið einfaldlega getur ekki gengið til lengri tíma litið, hversu skemmtilegt sem að það er fyrir áhorfendur meðan á því stendur.