Opinbert vefsetur ADCC Submission Wrestling World Championship tilkynnti sl. föstudag að keppnin yrði haldin í Barselóna á Spáni í lok september. Eins og flestir vita er þetta stærsta keppnin í heiminum í Submission Wrestling. Keppnin var fyrst haldin 1998 í Abu Dhabi og síðan árin 1999, 2000 og 2001 á sama stað. Eftir það var hún flutt og er nú haldin annað hvert ár. Hún var haldin í Brasilíu 2003, í Kaliforníu 2005 og í New Jersey 2007. Þetta er því í fyrsta skipti sem keppnin er haldin í Evrópu. Þess má geta að Fedor Emelianenko hefur tilkynnt þátttöku sína í ADCC 2009.