Ég held að karate skólunum gangi bara ágætlega, það er bara einn Kung Fu skóli á íslandi og hann er hjá Jimmy í Pumping Iron, hann er ekki bara með Kung FU skóla heldur með svona hálfgerða miðstöð þar sem hann er bæði með lyftingarsal og þrektæki auk þess að kenna þær bardagalistir sem hann kann (m.a. kung fu).

Judo er kennt á 2 stöðum sem ég veit af, örugglega kennt á fleirum stöðum (ég held það sé þá alla vega 5 staðir þar sem þetta er ólympíuíþrótt og það þarf eitthvað sérstakt marga klúbba á x mörgum stöðum til þess að verða sérsamband innan ÍSÍ og fá styrki). Held að Judo sé alveg að ganga vel. Mikið af fólki æfir TKD, ég held að það sé barasta mest iðkaðaseta bardagaíþróttin á íslandi held ég.

Það eru bara ekkert svo margir sem vita af þessum stað, og þegar einn er kominn úr einhverjum klúbb fréttist það kannski út innan klúbbsins þannig virðast kannski vera fleiri hérna úr einhverri einni íþrótt en öðrum.

Ég æfi smá júdó og örlítið karate. Júdóið sýnist mér eiga undir högg að sækja, þó það telji einhver hundruð iðkendur, en karate sýnist mér vera í sókn. Þetta eru hvort tveggja japanskar íþróttir og er það kannski ástæðan fyrir því að júdó- og karatemenn eru ekki áberandi hér. Í Japan þykir það nefnilega veikleikamerki að vera bullustakkur og blaðurskjóða. Betra þykir að vera þögull og leyndardómsfullur.

Ég myndi segja að karate væri frekar öflugt sport á Íslandi, hér starfa átta karatefélög og -deildir og hjá stærsta félaginu (Þórshamri) æfa um 400 manns en félagið hefur starfað óslitið frá 1979. Sjálfur hef ég æft bæði goju kai og shotokan karate auk júdó og það er sennilega rétt sem kemur fram hér á undan að júdó eigi undir högg að sækja á Íslandi. Þó er þar á ferð lítill en geysiöflugur hópur sem er m.a.s. að gera það gott erlendis.

Ástæðan fyrir því að þér finnast þetta ekki áberandi íþróttir hérlendis er sennilega að fólkið sem er í þessu er ekkert að auglýsa það. Enda til hvers að vera að því? þetta er áhugamál sem er frekar sér á báti og bundið við þröngan hóp og maður er ekkert að trana því fram. Hugsunin á bak við þessar íþróttir beinist líka í þá átt að halda þessu bara fyrir sjálfan sig. Ég get ekki svarað fyrir TKD- og kung fu-fólkið en þær íþróttir eru auðvitað nýrri hér og athyglin því meira í átt að þeim geri ég ráð fyrir.

Helkveðja,

Da5id

Ég held að málið snúist aðallega um það að menn á þessu áhugamáli eru alltaf að tala um það hvaða bardagalist/sjálfsvarnaríþrótt er flottust á að horfa. Karate og Judo eru kannski minnst “flashy” af þessum greinum. Þar er frekar byggt á að menn séu jafnsterkir líkamlega á meðan TKW-Do er byggt upp á spörkum og slíku. Ég hef æft TKW-do og er að æfa Karate og persónulega finnst mér Karate skemmtilegra.

kveðja,
haukurst

Hæ jú ég æfi t.d. karate og það eru þó nokkuð margir sem æfa karate - mér finnast allir í kringum mig vera að æfa karate! Í félaginu mínu (Þórshamri) eru alveg billjón manns (ok um 400 eins og gaurinn sagði áðan) og þetta er alveg snilldaríþrótt. Ég hafði verið í ballet þegar ég var yngri og það var nú frekar svona leiðigjarnt - hef alls ekkert á móti ballet(t)i samt.. En í karate fær maður þvílíka útrás og þetta er bara frábært!