Þeir raða mönnum á lista yfir hverjum þeim finnst vera sterkastir….þeir þurfa ekkert að útskýra það nánar.

Þó svo að ég efist ekkert um að flestir meti núverandi stöðu en ekki hvað þeir gætu gert…

Samt, t.d eru þarna ofarlega á lista menn eins og Norifumi “Kid” Yamamoto sem að slæst í K-1 HERO'S, þar sem hann hefur engann séns á að vinna neina rosalega gutta, og ég efast ekki um að hann fær svona mörg atkvæði af því að menn telja hann færann um að vinna betri andstæðinga en hann er að fá. Þannig að þetta er svona beggja blands…svona mat verður alltaf í einhverju mæli huglægt.

Skilurðu hvað ég er að fara?

Ah nú er ég mjög ósammála en ég skal koma með minn lista fyrst við erum að bera saman.

1: Matt Lindland
2: Paulo Filho
3: Anderson Silva
4: Dan Henderson
5: Rich Franklin
6: Denis Kang
7: Kazuo Misaki
8: Nathan Marquardt
9: Murilo Bustamante
10: Amar Suloev

Matt Lindland númer eitt því ég tel hann vera besta wrestlerinn í þyngdarflokknum og það ásamt öðrum hæfileikum hans myndi nægja honum til að sigra í Pride og UFC.

Paulo Filho því hann er minni útgáfa af Ricardo Arona og svo mikill skriðdreki að hann getur bókstaflega keyrt flest alla niður. Stundum leiðinlegt að horfa á hann en engu að síður mjög hæfileikaríkur í því sem hann gerir.

Verð að játa að Anderson Silva kom mér alveg gífurlega á óvart með það hvernig hann gersamlega rústaði Rich Franklin og því er hann númer þrjú en samt þá er ég smá efins um það að hann eigi svona hátt sæti skilið. Vandamálið er það að nú er hann búinn að rústa þeim sem UFC hefur hingað til haldið uppi sem gulldrengnum í þessum þyngdarflokki og því sá eini sem er eftir sem UFC getur kannski fengið inn í dag er Matt. Vonandi gerist það.

Samt gaman að sjá að Mike Swick er ekki hræddur og hefur þegar líst því yfir á netinu að hann vilji Anderson Silva næst.

Frægðarsól hans hefur sigið smá að undanförnu og er það kannski svolítið honum að kenna því hann spilar aldrei á fjölmiðlanna. Hann er þarna því hann hefur áorkað svo mikið í ferli sínum og barist iðulega við menn sem eru þyngri en hann og staðið sig mjög vel.

Rich Franklin þurfti að bíta í það súra epli að vera frá í hátt í hálfa árið og svo segja menn að hann hafi verið veikur rétt fyrir bardagann sinn við Anderson Silva eða jafnvel veikur á meðan hann barðist. Ég veit ekkert um það en Rich Franklin er öllum hættulegur og sérstaklega vegna þess að hann er iðulega með mjög gott gameplan fyrir bardaga sína.

Denis Kang er sá bardagakappi sem er mest spennandi þessa daganna. Hann hefur ekki tapað í 18 eða 19 bardögum í röð og hann berst á mjög skemmtilegan hátt með aktívt game. Eina ástæðan fyrir því að hann er ekki hærra á listanum er að hann á eftir að sigra einn af þeim sem er fyrir ofan hann. Þegar það gerist þá fer hann hærra en þangað til þá er hann hérna.

Kazuo Misaki kom mér svolítið á óvart með sigri sínum á Phil Baroni og svo sigri sínum á Dan Henderson og því ljóst að hér er maður sem er skeinuhættur.

Nathan Marquardt er önnur rísandi stjarna eins og Denis Kang þó hann sé kannski ekki eins spennandi. Vandamálið fyrir hann er að við þurfum að sjá hann á móti betri andstæðingum til að sjá hvers megn hann raunverulega er.

Murilo Bustamante er hérna því hann hefur áorkað það mikið á ferli sínum og vegna þess að ég ber alveg heilmikla virðingu fyrir tækninni hans. Ég held að hann geti í raun unnið alla á listanum fyrir utan Paulo Filho sem er kannski í lagi því þeir myndu aldrei berjast við hvorn annan. Iðulega væri hann í topp fimm hjá mér en vegna þess að hann hefur tapað tvisvar í röð og var mjög ósannfærandi á móti Amar Suloev þá er hann kominn hingað niður.

Amar Suloev er í tíunda vegna þess að hann er að upplifa annað ris á ferli sínum. Hann var með frábært gameplan fyrir bardagann sinn við Murilo Bustamante og hefur unnið nokkra góða keppinauta þess utan.

Þetta er minn topplisti í dag.

Rock on.
Daníel.

Bætt við 18. október 2006 - 17:07
smá lagfæring á einni setningu því hún virðist í skrifum að ofan eiga við Mike Swick en ég er þar að tala um Dan Henderson (Frægðarsól hans hefur sigið smá að undanförnu og er það kannski svolítið honum að kenna því hann spilar aldrei á fjölmiðlanna. Hann er þarna því hann hefur áorkað svo mikið í ferli sínum og barist iðulega við menn sem eru þyngri en hann og staðið sig mjög vel.)

Afsakið misskilning.

Rock on.
Daníel.